Maariko 3:11 - Imuuma Eehya

¹¹ Abhantö bhano bhaarë na amasambwa, bhuyö bhaamomaahanga igho, bhairekera hansë ko-maghörö aghaaye eno bharakuura bhököngʼu igha, “Uwe no-Moona uwa Waryobha örë!”

Maariko 3:11 ပူးပေါင်းရင်းမြစ်များ

Mataayo 14:33

Abheegha abha Yëësu bhaara bhaatighaayë mu-bhwato, abheene bhonswe bhakasengerra Yëësu. Bhakaghamba igha, “M-maheene m-Moona uwa Waryobha örë.”

Mataayo 4:3

Oghosambwa ghokaasha, ghokamushaasha. Ghokatëëbhya Yëësu igha, “Nyoore m-Moona uwa Waryobha örë, tëëbhya amaghena ghano ghaisyöri, ghabhe emekaate.”

Mataayo 4:6

Ghokamötëëbhya igha, “Nyoore m-Moona uwa Waryobha örë, irekera hansë, ko bhoora yandëkirwë mo-Maandeko Amahörëëru igha, ‘Waryobha naraatome abhamaraika abhaaye bhakogheghe mo-mabhoko aghaabho, okore otakaashe wituuretuure kwe-ghena.’”

Mataayo 8:29

Mbe, amasambwa ghayö ghakakongera Yëësu igha, “Ë Omoona uwa Waryobha, iyakë ukutuna okotokora? Kasi wishirë ukutusikya, kora enkaagha eno Waryobha yaatoora-ho iya ukutusikya etaraahika?”

Mataayo 8:31

Mbe, amasambwa ghaara ghakasaasaama Yëësu igha, “Hano oraatwate ukurwa mo-bhantö bhano, utwikërri toghende mwi-hisho irya sëmbëëshë moora.”

Maariko 1:1

Kono nko okosemoka ukwa Amangʼana Amaiya agha Yëësu Kiristo, Omoona uwa Waryobha.

Ruuka 4:41

Hamwë na ghayö, Yëësu akaata amasambwa, ukurwa ko-bhantö abhaaru. Hano ghaarwanga-mo ngaakoranga ikituri gharaghamba igha, “Uwe no-Moona uwa Waryobha örë!” Yëësu akaghahamera na akaghakaania ghatakaaghamba igho, ko bhoora ngaamomanyirë igha we Kiristo.

Ruuka 8:28

Risambwa riyö, m-mara kaaru ryaamoghootanga. Abhantö bhaashaashyanga okomorenda ko okomobhoha ebheraangʼani na sipingu, kasi yaabhebhotoranga. Risambwa riyö ndyaamuhiranga ku-riköngö. Hano ömöntö uwa risambwa uyö yaahomeraini na Yëësu, akakora ikituri. Mbe, Yëësu akahamera risambwa riyö rirwe kö-möntö uyö. Ömöntö uyö akairekera hansë bhubhuumaayë mbere iya Yëësu hayö, arakonga bhököngʼu igha, “Uwe Yëësu Omoona uwa Waryobha ono ökërrë bhyonswe igho, ne-ngʼana kë ukuntuna-ko? Ndakosaasaama, otakaanteesa!”

Amangʼana agha Abhatomwa 16:17

Umwisëkë uyö akabha araturwa nyuma, arakora ikituri igha, “Abhantö bhano na-bhaköri abha emeremo abha Waryobha ono akërrë bhyonswe igho, bharabharaarekera enshera eno eraaghere möhönibhwi.”

1 Abhakörintö 11:34

Nyoore ömöntö aana umweko, araagherenga waaye ka, okore ukwikomania ukwënyu, kotakaabhakorerra mobhotorrwe ikiina. Mbe, hano ndiisha, nendetoora bhuuya amangʼana aghandë ghano ghatighaayë.

Yaakobho 2:19

Nkukumya örë igha, Waryobha nö-ömwë igho. M-maheene ni-igho ërë! M-buuya okokora! Kasi amasambwa ghonswe nkukumya gharë ighoigho, kora nkurighita gharë na okoobhoha!