Maariko 3:10 - Imuuma Eehya

¹⁰ Abharööyë mbaaruhirë bhakaheghana, bhaatunanga bhamukuni-ko ko bhoora yaarenga ahwënëri abhantö abhaaru.

Maariko 3:10 ပူးပေါင်းရင်းမြစ်များ

Mataayo 12:15

Yëësu yaamanyirë ësëëmyö iya Abhafarisaayo iya ukumwita, ku bhuyö akarwa hayö. Mbe, abhantö abhaaru bhakamosoorana. Akahwënia abharööyë bhonswe igho mo-bhantö bhayö.

Mataayo 14:14

Mbe, hano Yëësu yaaikirë mu-bhwato, akamaaha rikomo irya abhantö remosooraini, akabhaabhera, akahwënia abharööyë bhano bhaarë mu-rikomo muyö.

Mataayo 14:36

Abhantö bhayö bhakasaasaama Yëësu igha aikërri, abharööyë bhakuni ripindo irya ingibho iyaaye iryene igho. Abharööyë bhonswe igho bhano bhaakuniri ripindo irya Yëësu, bhakahwena.

Mataayo 4:23

Yëësu yaainaarrë ikyaro kyonswe igho ikya mo-mokowa ughwa Ghariraaya, yëëghyanga abhantö mu-sinyumba isya esango iya Abhayahudi. Akabha araraarekera abhantö Amangʼana Amaiya agha Obhokama ubhwa Waryobha, kora akabha arahwënia abharööyë bhonswe igho.

Maariko 5:34

Yëësu akamötëëbhya igha, “Mwisëkë uwaane, keno këghërrë uhwënirë, nu-mukumo ughwaho, ku bhuyö, kaghi na omorembe.”

Maariko 6:56

Kera ahasë hano Yëësu yaaghyanga, hakaabha mu-bhishishi, handë mu-mighi, mbaamoreeteranga abharööyë mo-meteera. Bhaamosaasaamanga igha, abharööyë bhakuni kora ripindo irya ingibho iyaaye. Abharööyë bhonswe igho bhano bhaakörrë igho, mbaahwënirë.

Maariko 8:22

Yëësu na abheegha abhaaye bhakahika mu-kishishi ikya Bhëtisaida. Abhantö nyabhorebhe bhakareeta umuhukuru ku-Yëësu. Bhakamosabha igha amukuni, amuhwëni.

Ruuka 5:3

Amaato ghano ghaarë hayö, ubhwöndë nu-bhwa Simööni bhwaarë, mbwo Yëësu yaariinirë-mo. Akatëëbhya Simööni igha, abhuhuni ukurwa ko-morambo hayö, bhoghende bhuribha hake igho. Mbe, Yëësu akëëghya abhantö, aikaayë mu-bhwato muyö.

Ruuka 6:19

Abhantö bhonswe igho mbaatunanga igha, bhakuni Yëësu, okore bhahwënibhwi, ko bhoora obhotoro ubhwa ukuhwënia bhonswe igho mbwaarwanga ku-Yëësu.

Ruuka 7:2

Mu-mughi muyö, yaare-mo omonene uwa abhasirikare abha Ikiruumi. Omonene uyö, yaarenga na omoghorwa uwaaye ono yaahanshirë bhököngʼu. Kasi omoghorwa uyö, m-mörööyë musingu yaarë.

Ruuka 7:21

Enkaagha iyö, Yëësu yaahwënianga abharööyë abhaaru. Yaatanga amasambwa ko-bhantö, kora yaagheranga abhahukuru abhaaru bhamaaha.

Amangʼana agha Abhatomwa 5:15

Ko okoghera ukwa amakono agha abhatomwa abha Yëësu, abhantö mbaahiranga abharööyë kebhara haangʼë na enshera. Bhaabharaaryanga ko-mashambi, okore hano Peetero araashe ahete, bhano ikiiriiri ikyaye keraakuni, bhahwene.

Abhaëbhuraania 12:6

Ko bhoora kera ono Omonene Waryobha ahanshirë, nkumuhiinya arë. Nkushibhya arë kera ono akwikërrya igha, Waryobha n-Suwaabho.”