Maariko 2:13 - Imuuma Eehya

¹³ Yëësu akatanora, akaghya ghwiki mbareka iya inyansha iya Ghariraaya. Abhantö abhaaru bhakamosoorana-yo, akabhëëghya.

Maariko 2:13 ပူးပေါင်းရင်းမြစ်များ

Mataayo 13:1

Urusikö ruyöruyö, Yëësu yaaruurë mu-nyumba eera, akaghya akaikara ko-morambo.

Mataayo 9:9

Hano Yëësu yaaruurë hayö, akasikana na ömöghööti uwa righööti ono yaabherekerwanga igha, Mataayo. Mataayo uyö, yaarenga aikaayë mo-kaghutu akaaye aka righööti. Yëësu akamötëëbhya igha, “Nshö onsoorane.” Mataayo akeemoka, akamosoorana.

Maariko 1:45

Kasi hano ömöntö uyö yaatanööyë ukurwa hayö, akasimya okoraareka amangʼana agha ukuhwena ukwaye kera ahasë. Ku bhuyö Yëësu akataamibhwa kya bhono araasohenga mu-mughi ghoghonswe igho ghoora, abhantö bhatamörööshë. Akabha araikara ahasë hano abhantö bhatarë, nokaanyoora igha ni-igho yaarë, kasi abhantö mbaashanga ku-Yëësu ukurwa hasë honswe igho.

Maariko 10:1

Mbe, Yëësu na abheegha abhaaye bhakatanora ukurwa Kaperenaumu, bhakaghya mo-mokowa ughwa Yudea. Hano bhaamarrë, bhakaamboka, bhakaghya humbu iya omooro ughwa Yorodani. Ghwiki amakomo agha abhantö abhaaru, ghakamotoora ghatë. Akabha arabhëëghya kya bhoora eteemo iyaaye yaarë.

Maariko 2:2

Abhantö abhaaru bhakaisangerania mu-nyumba iyö, kora umweya ughwa okoheta mo-kesaku teghwatöökirë hë. Yëësu yaabharaarekeranga engʼana iya Waryobha.

Maariko 4:1

Yëësu ghwiki akasimya ukwëghya abhantö mbareka iya inyansha. Rikomo rinene bhököngʼu irya abhantö rekaikomania-ho. Akasoha mu-bhwato, akaikara-mo, okore bhatakamutimbatimba. Abhantö bhayö bho bhakatighara mbareka iya inyansha hayö.

Ruuka 19:48

Kasi tebhaanyöörrë umweya hë, ko bhoora abhantö bhonswe igho, mbaamosoorananga, bharamwitegherra.

Ruuka 21:38

Mbe, ku-sinsikö syonswe igho siyö, abhantö bhonswe igho mbaamutanga nyinkyo shiri, ukughya mo-bhogho ubhwa risengerro irya Waryobha, okore bhamwitegherre.