Maariko 16:4 - Imuuma Eehya

⁴ Kasi hano bhaahikirë haangʼë, bhakamaaha reghena rinene reera rihingirrwë, ne-mbareka rërë.

Maariko 16:4 ပူးပေါင်းရင်းမြစ်များ

Mataayo 27:60

Akabheeka umuku uyö mo-mbeehera eehya, iya mu-risana, eno yaabhaashirwë ku-ritare. Akamara akahingira reghena rinene, akaribha-ho, akatanora.

Mataayo 27:66

Mbe, bhakaghya ko-mbeehera, bhakatoora-ko ekemanyërryö ikya umuhuri kwe-ghena, okore hano ömöntö araashe-ho arihingire, bhamanye. Bhakatigha hayö abhasirikare bhayö, bhararenda embeehera iyö.

Maariko 16:3

Hano waanyöörrë bhakëërëngë ko-nshera, bhakabhoorania igha, “Bhoono, n-nawë araaturuusiri-ho reghena reera rërëngë ku-munywa ughwa embeehera haara?”

Maariko 16:5

Hano bhaasöhirë mo-mbeehera, bhakamaaha-mo umumura ono yaarenga aibhöhirë singibho sendabhu. Aikaayë orobhareka urwa bhoryo ubhwa embeehera. Abhakari bhayö bhakaitakya bhököngʼu,

Ruuka 24:2

Ryaare-ho reghena rinene, reno ryaarenga risiikirë ko-mbeehera hayö. Hano bhaahikirë, bhakanyoora rihingirrwë, rëtöörrwë mbareka.

Yohana 20:1

Hano urusikö urwa Jumapiri rwahikirë, Maryamu uwa Maghidara yaamutirë nyinkyo shiri, akaghya mo-mbeehera iya Yëësu. Akanyoora reghena reera rihingirrwë ukurwa ku-munywa ughwa embeehera.