Maariko 13:8 - Imuuma Eehya

⁸ Ikyaro nyabhorebhe, nkiriitana na ikyaro ikyëndë, obhokama mburiitana na obhokama ubhwöndë. Ibhirighiti na inshara, mberebha ahasë ahaaru ko-kebhara kono. Amangʼana ghayö, n-kya ebhesa ibhya omokari bheno bhekotangata omoona atareebhorwa.

Maariko 13:8 ပူးပေါင်းရင်းမြစ်များ

Mataayo 24:8

Ghonswe igho ghayö, ngarebha kya hano omokari uwa enda yasimya okoromwa ebhesa.

Maariko 13:7

Ko-nkaagha iyö, muriighwanga amangʼana agha riihë na ibhingʼurusa ibhya riihë. Motakaasha okoroghoora hano moremaahanga amangʼana ghayö, ni-igha ghabhe, kasi umuhiko ughwa ekebhara, turinyoora ghoraahika hë.

Maariko 13:9

“Kasi bhëënyu mwiyangarre bhököngʼu. Abhantö mbarebhaghoota bhabhahire mo-sebharasa, kora mbarebhatemanga bhököngʼu mu-sinyumba isya esango iya Abhayahudi. Mbarebhahira ko-bhanene abha ikyaro na ko-bhakama, ko bhoora igha, m-bantö abhaane mörë. Iyö yo erebha enkaagha iya bhëënyu ukwimererra Amangʼana Amaiya ko-bhantö bhayö.

Amangʼana agha Abhatomwa 11:28

Ömwë uwa abharööti bhayö, yaabherekerwanga igha Aghaabho, akaimerra mo-sango iya abhakumya abha Antiökia hayö. Akaruusya öbhörööti ubhwaye okohetera Umwika Ömöhörëëru igha, inshara ëndörö kai, neraabhe ko-kebhara kyonswe igho. Inshara iyö, yo eera yaaibhökirë enkaagha eno Kaisaari Kiraudio yaarenga ömötöngi uwa obhokama ubhwa Abharuumi bhwonswe igho.

1 Abhatësarönikë 5:3

Enkaagha eno abhantö bhakokanya igha, “Omorembe ghooho, na kora amangʼana ghonswe igho m-buuya ghakughya,” hayö ho obhosarya bhukwebhokera. Obhosarya bhuyö mborebhabhasha kya hano ebhesa bhyatakya omokari ono arëngë enda. Ku bhuyö, tebharëtööribhwa kora hake igha hë.

Okohonyora 6:4

Mbe, ekatora efaraasi iyëndë enkangaaru. Na ömöntö ono yaaikaayë-ko araghëghëndya, akahaanwa umushonge omonene na obhotoro ubhwa okoreeta riihë ko-kebhara, okore kera ömöntö aite murikyaye.