Maariko 10:52 - Imuuma Eehya

⁵² Yëësu akamohonshora igha, “Keno këghërrë uhwënirë, nu-mukumo ughwaho. Kaghi ka.” Hayö na hayö igho, ömöntö uyö akasimya okomaaha, akasoorana Yëësu ko-nshera.

Maariko 10:52 ပူးပေါင်းရင်းမြစ်များ

Mataayo 11:5

Igha, abhahukuru nkomaaha bharë, amatengʼo nkoghenda gharë, abhaghenge nkosaabhuurwa bharë, abhakirö nkwighwa bharë, abhaku nkuryökibhwa bharë, kora abhatöbhu nkoraarekerwa bharë Amangʼana Amaiya.

Mataayo 12:22

Mbe, abhantö nyabhorebhe bhakareetera Yëësu ömöntö ono yaarenga na risambwa. Ömöntö uyö, m-muhukuru yaarë kora ni-muumu ryaarë, tiyaatoranga okoghamba hë. Yëësu akamuhwënia, ku bhuyö ömöntö uyö akatora okoghamba na okomaaha.

Mataayo 15:28

Mbe, Yëësu akamohonshora igha, “Omokari ono, umukumo ughwaho m-monene. Waryobha akokorre bhuyö ukutuna.” Kamwë igho, mohara uwaaye akahwena.

Mataayo 21:14

Enkaagha eno waanyöörrë Yëësu akërëngë mu-risengerro irya Waryobha hayö, abhahukuru na amatengʼo, bhakaghya ku-Yëësu, akabhahwënia.

Mataayo 8:3

Yëësu akarambora okobhoko ukwaye, akakunia omoghenge uyö. Akamötëëbhya igha, “Ni-igho nkutuna igha uhwene, obhe na esaabhuuro iya ikidiini.” Kamwë igho omoghenge uyö akahwena.

Mataayo 9:22

Yëësu akaisyörya akamomaaha, akamötëëbhya igha, “Ghömërrya mwisëkë uwaane. Keno këghërrë uhwënirë, nu-mukumo ughwaho.” Hayö na hayö igho, omokari uyö akahwena.

Maariko 1:31

Mbe, Yëësu akamusuntarra, akamoghoota okobhoko, akamöghörrökya. Enkaagha iyöiyö nyakubhyara uwaabho Simööni akahwena ehooma, akasimya okobhatighinkanera.

Maariko 5:34

Yëësu akamötëëbhya igha, “Mwisëkë uwaane, keno këghërrë uhwënirë, nu-mukumo ughwaho, ku bhuyö, kaghi na omorembe.”

Maariko 8:25

Yëësu akamotoorra ghwiki amabhoko ko-maiso, ömöntö uyö akamoghora bhököngʼu. Akatora okomaaha ëbhëntö bhyonswe igho bhuuya.

Ruuka 7:50

Yëësu akatëëbhya omokari uyö igha, “Keno këghërrë ötööriibhwi, nu-mukumo ughwaho. Kaghi na omorembe.”

Ruuka 9:48

Akabhatëëbhya igha, “Ömöntö ono araasërëëni ömöntö omoke kya omoona ono, ko okoghera iya öni, noraanyoore nö-öni asërëënëri. Na ömöntö ono araansërëëni, nkunyoora arë asërëënëri Waryobha ono yaantoma, ko bhoora ömöntö omoke bhököngʼu, mö-bhëënyu muyö bhonswe igho, uyö we omonene okokera bhonswe igho.”

Yohana 9:32

Ukurwa kare, tetwakaighuurë kora kamwë igho igha, ömöntö ahwënëri ömöntö ono yaaibhorwa umuhukuru.

Yohana 9:39

Mbe, Yëësu akaghamba igha, “Öni naasha ko-kebhara kono okobhotora ibhiina, okore abhahukuru bhamaahe, na bhano bhakomaaha, bhahukure.”

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’