Maariko 10:1 - Imuuma Eehya

¹ Mbe, Yëësu na abheegha abhaaye bhakatanora ukurwa Kaperenaumu, bhakaghya mo-mokowa ughwa Yudea. Hano bhaamarrë, bhakaamboka, bhakaghya humbu iya omooro ughwa Yorodani. Ghwiki amakomo agha abhantö abhaaru, ghakamotoora ghatë. Akabha arabhëëghya kya bhoora eteemo iyaaye yaarë.

Maariko 10:1 ပူးပေါင်းရင်းမြစ်များ

Mataayo 26:55

Mbe, Yëësu akatëëbhya rikomo irya abhantö riyö igha, “Bhoono mwishirë okongoota moona imishonge na sirungu okanya igha m-mogharanshöri uwa eserekaare ndë? Ndarra sinsikö syonswe igho naaikaranga hamwë na bhëënyu, ndëëghya abhantö mo-bhogho ubhwa risengerro irya Waryobha temwakaangöötirë hë.

Mataayo 4:23

Yëësu yaainaarrë ikyaro kyonswe igho ikya mo-mokowa ughwa Ghariraaya, yëëghyanga abhantö mu-sinyumba isya esango iya Abhayahudi. Akabha araraarekera abhantö Amangʼana Amaiya agha Obhokama ubhwa Waryobha, kora akabha arahwënia abharööyë bhonswe igho.

Maariko 1:21

Mbe, Yëësu na abheegha abhaaye abhane bhayö, bhakaghya Kaperenaumu. Hano urusikö urwa Obhotooro rwaahikirë, bhakasoha mu-nyumba iya esango iya Abhayahudi, Yëësu akasimya ukwëghya.

Maariko 10:2

Mbe, ho urusikö nyabhorebhe Abhafarisaayo bhaaishirë okore bhamushaashi. Bhakamöbhöörya igha, “Umushaasha araikërërribhwa na imighiro ighya Waryobha igha abhorre mokaaye?”

Maariko 12:35

Hano Yëësu yëëghyanga abhantö mu-risengerro irya Waryobha, akabhöörya igha, “N-kwakë abhëëghya abha amaraghërryö agha Mosa bhakoghamba igha Kiristo nu-mwebhorwa Daudi?

Maariko 14:49

Ndarra sinsikö syonswe igho naaikaranga hamwë na bhëënyu, ndëëghya mo-bhogho ubhwa risengerro irya Waryobha, temwakaangöötirë hë? Kasi bhoono ni-igha Amaandeko Amahörëëru ghahekerane.”

Maariko 2:13

Yëësu akatanora, akaghya ghwiki mbareka iya inyansha iya Ghariraaya. Abhantö abhaaru bhakamosoorana-yo, akabhëëghya.

Maariko 4:2

Yaabhëëghyanga amangʼana amaaru ko okobharëngërya ëbhërëngyö. Akabharëngërya igha,

Maariko 6:2

Hano urusikö urwa Obhotooro rwaahikirë, akasimya ukwëghya abhantö mu-nyumba iya esango iya Abhayahudi. Abhaaru mo-bhano bhaamwighuurë bhakaroghoora, kora bhakamosera. Bhaabhööranianga igha, “Mbe! Ömöntö ono hai agharuusiri amangʼana ghano ghonswe igho? Kana hai yaaruusya obhongʼaini bhonswe igho bhono na obhotoro ubhwa okokora amakono ghayö akokora?

Maariko 6:34

Hano Yëësu yaahikirë humbu, akaika ukurwa mu-bhwato. Akamaaha rikomo irya abhantö, akabhaabhera, ko bhoora mbaarë kya amangʼöndi ghano ghataana ömörëësya. Akasimya ököbhëëghya amangʼana amaaru.

Maariko 6:6

Akaroghoora bhököngʼu ko bhoora bhataarenga na umukumo kora hake hë. Hano Yëësu yaamarrë, akainaaranaara mu-bhishishi ibhya haangʼë hayö, akabha arëëghya-mo abhantö.

Yohana 10:40

Mbe, Yëësu akaghya ghwiki humbu iya omooro ughwa Yorodani, akahika hano Yohana yaabhatiisiryanga abhantö ekembere, akaikara iyö sinsikö nke igho.

Yohana 11:7

Mbe, hano sinsikö ibhërë siyö syaahööyë, Yëësu akatëëbhya abheegha abhaaye igha, “Tukyore Yudea.”

Yohana 18:20

Yëësu akamohonshora igha, “Enkaagha yonswe igho naaghambanga ko-bhantö bhonswe igho harabhurabhu igho, nëëghyanga abhantö mu-sinyumba isya esango iya Abhayahudi, na mo-bhogho ubhwa risengerro mono Abhayahudi bhonswe igho bhakwikomanërya, tenakëëghëri amëëghyö aghaane bhubhise hë.