Maariko 1:7 - Imuuma Eehya

⁷ Yohana yaaraarekanga araghamba igha, “Ömöntö naraashe nyuma iyaane, ono aana obhotoro konkera. Kora öni tiningʼarëëyi ukwihiinya ndamutighinkanera kya omoghorwa, ndatashora siinuugha isya ebheraatö ibhyaye.

Maariko 1:7 ပူးပေါင်းရင်းမြစ်များ

Mataayo 3:11

Ghwiki Yohana akabhatëëbhya igha, “Öni na amanshë nkobhabhatiisirya, ukwörökya igha, möhöngööyë ëbhëbhë ibhyënyu. Kasi aaho ömöntö ono akuusha nyuma iyaane, ono arebhabhatiisirya Umwika Ömöhörëëru na omorro. Ömöntö uyö, naana obhotoro konkera, kora tiningʼarëëyë okotashora siinuugha, isya ebheraatö ibhyaye hë.

Mataayo 3:14

Kasi Yohana akatuna okorebherra Yëësu, ko ökömötëëbhya igha, “Mbe! Uwe wonswe oraasha ku-öni nkobhatiisi? Uwe nu-uwe wingʼarëëyë okombatiisya!”

Maariko 1:6

Yohana yaatooranga singibho isya amabhuri agha ityënyi eno ekobherekerwa igha engamia. Yaaibhohanga orokobha urwa riseero mo-bhokende. Ibhyakorya ibhyaye bheno yaaryanga, n-singighë na öbhöökë.

Maariko 1:8

Öni na-manshë nkobhabhatiisirya, kasi umwene uyö, narebhabhaatiisya na Umwika Ömöhörëëru.”

Ruuka 3:16

Yohana akabhahonshora igha, “Öni na-manshë nkobhabhatiisirya, kasi araasha ömöntö ono aana obhotoro konkera, kora öni tiningʼarëëyi okotashora siinuugha isya ebheraatö ibhyaye hë. Uyö narebhabhatiisya ku-Mwika Ömöhörëëru na omorro.

Yohana 1:27

Uyö we akuusha nyuma iyaane. Kora öni tiningʼarëëyi okotashora siinuugha isya ebheraatö ibhyaye.”

Amangʼana agha Abhatomwa 13:25

Hano Yohana yaarenga haangʼë okomara emeremo ighyaye, akabhöörya igha, ‘Kana bhamurë, bhëënyu nkokanya mörë igha nö-öni wë? Öni tëndëngë Kiristo ono mokoghanyerra hë! Mwighwe mbe mbatëëbhi! Kiristo uyö, naraandwe nyuma. Öni kora tiningʼarëëyi okotashora siinuugha isya ebheraatö ibhyaye hë.’

Amangʼana agha Abhatomwa 19:4

Mbe, Pauro akabhatëëbhya igha, “Yohana yaabhatiisyanga abhantö bhano bhaarenga bhahöngööyë ëbhëbhë ibhyaho. Akabhatëëbhya igha, bhakumi ono ariisha. Ömöntö uyö, n-Yëësu.”