Maariko 1:11 - Imuuma Eehya

¹¹ Engamba ekarwera mu-ryobha, ekaghamba igha, “Uwe no-Moona uwaane omoghonshe örë, ono ököntëghërya bhököngʼu.”

Maariko 1:11 ပူးပေါင်းရင်းမြစ်များ

Mataayo 12:18

“Tamaaha, ono we ömököri uwaane uwa emeremo ono naahööyë, omoghonshe uwaane ono aköntëghërya. Nendaamohaane Umwika uwaane, okore araareke amangʼana aghaane agha obhoheene ko-Bhakyaro.

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Mataayo 3:17

Ho Waryobha yaaghambirë ukurwa mu-ryobha igha, “Ono no-Moona uwaane omoghonshe, ono aköntëghërya bhököngʼu.”

Maariko 1:10

Hano Yëësu yaaibhokanga ukurwa mo-manshë, akamaaha mu-ryobha hahönyökirë, na Umwika Ömöhörëëru akamwitoomera kya ikighuuti.

Maariko 9:7

Mbe, risaarö rekaasha, rekabhakundikirya. Engamba iya Waryobha ekarwera mu-risaarö muyö eraghamba igha, “Ono no-Moona uwaane omoghonshe, mumwitegherre.”

Ruuka 3:22

Umwika Ömöhörëëru atuubhaini kya ikighuuti akamwitoomera na ukumwikarra. Engamba ekarwera mu-ryobha muyö, ekaghamba igha, “Uwe, nu-uwe Omoona uwaane omoghonshe ono ököntëghërya bhököngʼu.”

Ruuka 9:35

Engamba ekarwera mu-risaarö muyö, ekaghamba igha, “Ono we Omoona uwaane, we nshaaghööyë ku bhuyö mumwitegherre.”

Yohana 1:34

Mbe, Yohana akaghëndërrya okoghamba igha, “Öni namaaha amangʼana ghayö, ku bhuyö nkwimererra ndë igha, uyö we Omoona uwa Waryobha.”

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Yohana 5:37

Taata Waryobha ono yaantoma, yaanyimererra kö-bhëënyu. Engamba iyaaye, temwakaaighuurë kora hake hë. Ituubho iyaaye, temomanyirë bhono ërë hë.

Yohana 6:69

Bhëëtö nkukumya törë, kora ntomanyirë igha, uwe m-Möhörëëru uwa Waryobha örë.”

Abharuumi 1:4

Nokaanyoora igha ni-igho yaarë, kasi ko okohetera Umwika Ömöhörëëru, Waryobha yaamwahööyë igha abhe Omoona uwaaye uwa obhotoro bhwonswe igho, hano yaamuryökëri ukurwa mo-bhaku. Yëësu Kiristo uyö, we Omonene uwëëtö.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.