Abhakorosaai 4:2 - Imuuma Eehya

² Mosaasaamenga nkaagha syonswe igho, moraiyangarra na mukuminga Waryobha.

Abhakorosaai 4:2 ပူးပေါင်းရင်းမြစ်များ

Mataayo 26:41

Mwiyangarre, na mosaasaame Waryobha, okore motakaashe mushaashwe. Enkoro eratora ököghömërrya ukushaashwa, kasi inyanko, nö-möbhërë.”

Maariko 13:33

Mbe, mwiyangarre! Mwisëëmi, ko bhoora motamanyirë enkaagha iyö rono irihika.

Ruuka 18:1

Yëësu yaarëngëëyi abheegha abhaaye ëkërëngyö keno, ököbhöörökya igha, ni-igha bhabhenga bharasaasaama Waryobha sinsikö syonswe igho, bhatakaakwa emetwe.

Ruuka 21:36

Ku bhuyö mwiyangarre senkaagha syonswe igho! Möghëndërri okosaasaama Waryobha, okore abhahaane obhotoro ubhwa ukwibhasha ghonswe igho ghayö gharyebhoka, na ukwemerra bhöröngë ubhwane, öni Omoona uwa Ömöntö.”

Amangʼana agha Abhatomwa 1:14

Bhayö bhonswe igho, mbaikomanianga hamwë hayö, okosaasaama Waryobha, kö-bhömwë ubhwabho, hamwë na bhaabho Maryamu, nyakuwaabho Yëësu, na abhakari abhandë, na bhamura abhaabho Yëësu.

Abharuumi 12:12

Amangʼana amaiya ghaara Waryobha yaabharaghaini igha arebhakorra, ghakore mushomerwenga. Möghömërri hano mwanyoora inyanko, kora möghëndërringa okosaasaama Waryobha.

Abhaëfësö 6:18

Mosaasaamenga nkaagha syonswe igho, kya bhono Umwika Ömöhörëëru akobhatangata, okore mwiraarerre. Möghëndërri okosaasaamera abhantö abha Waryobha bhonswe igho.

Abhafiripi 4:6

Motakaanyankeranga engʼana yoyonswe eera, kasi ko-ghonswe igho, ni-igha mosaasaamenga na okosabha Waryobha keno mukutuna. Hano mwamosaasaama, mosangania ukumukumya.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

Abhakorosaai 2:7

Mohangarre mönsë iyaaye, mwihaghaashe ko-we na umukumo kya bhono mwëëghibhwa. Ghwiki mobhe abhantö bhano mukukumya bhököngʼu Waryobha.

Abhakorosaai 3:15

Omorembe ughwa Kiristo ghobhaahe senkoro isyënyu, ko bhoora bhëënyu bhano mörëngë imyaho ighya ömöbhërë, mwabherekerwa igha mobhe na omorembe. Mobhe abhakumya Waryobha.

Abhakorosaai 3:17

Ghonswe igho ghano mokoghamba handë okokora, mokorenga okohetera iriina irya Omonene Yëësu Kiristo, na eno morakumya Taata Waryobha ko okohetera ku-uyö.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

1 Peetero 4:7

Umuhiko ughwa amangʼana ghonswe igho, ghwaahikirë haangʼë. Ku bhuyö, mongʼainihe na ukwiyangarra ko-mangʼana ghonswe igho, okore mosaasaamenga.