Abhakorosaai 4:12 - Imuuma Eehya

¹² Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

Abhakorosaai 4:12 ပူးပေါင်းရင်းမြစ်များ

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Ruuka 1:1

Omosookwa Teofiro uwëëtö, abhantö abhaaru bhaakora omotono ughwa ukwandeka amangʼana ghano ghaakörrwë mö-bhëëtö.

Ruuka 22:44

Yëësu yaarë na öbhörrö ubhurito, bhono bhwakörrë akaghëndërrya okosaasaama bhököngʼu Waryobha. Ëbhëghëri ibhyaye, bhekatoonya hansë kya amatonyokera agha amaanyinga.]

Yohana 12:26

Ömöntö wowonswe igho ono akuntighinkanera, ni-igha ansoorane. Ahasë hohonswe igho hano ndaabhe, hayö ho ömököri uwa emeremo uwaane araabhe. Taata naraasooke ömöntö ono akuntighinkanera.”

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

Abharuumi 15:30

Abhakumya bharikyëtö, ko okorengʼaana na umukumo ughwëtö ghono toonagho ko-Monene uwëëtö Yëësu Kiristo, na okorengʼaana na righonshe reno tokohaanwa na Umwika Ömöhörëëru, ndabhasaasaama ko enkoro iyaane yonswe igho igha, möghëndërri okobha na omotono ughwa okonsabhera ku-Waryobha.

1 Abhakörintö 14:20

Abhakumya bharikyane, motakaabha na amaitegherro kya agha abhaana. Nyakara mobhe abhaana ko mangʼana amaghogho, kasi mo-sehakëri isyënyu, mobhe abhantö abhakörö.

1 Abhakörintö 2:6

Nokaanyoora ni-igho ërë, kasi nkoghamba törë amangʼana agha obhongʼaini ko-bhantö bhano umukumo ughwabho ghwakongʼa, to-bhongʼaini ubhwa ko-kebhara keno hë, handë ubhwa abhatöngi abha ekebhara keno, bhayö m-manshë mahëti.

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

Abhagharatia 1:10

Bhoono bhëënyu nkokanya mörë igha nkutuna ndë okohanshwa na abhantö? Ti-igho hë, keno nkutuna no-kohanshwa na Waryobha umwene igho! Okaanyöörrë igha na-bhantö nkutuna kötëghërya, tenkaabhaayë omoghorwa uwa Yëësu Kiristo hë.

Abhagharatia 4:19

Abhaana abhaane, kya bhoora omokari uwa enda akunyanka na ebhesa ko-nkaagha iya ukwebhora, öni wonswe ni-ighoigho nkwiyighwa. Nendaaghëndërri ukwiyighwa igho, okohekera hano eteemo iya Kiristo eremaahekana mo-teemo iyëënyu.

Abhakorosaai 1:22

Kasi bhoono Waryobha yaabhaighwerrania nawe, ko okohetera ukukwa ukwa Kiristo. Yaakörrë igho, okore igha abhareete mbere iyaaye mörëngë abhahörëëru, motaana imbuura handë risoro ryoryonswe reera.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

Abhakorosaai 1:29

Ko okoghera iya engʼana iyö, neena omotono ughwa okokora emeremo bhököngʼu, ku singuru seno Kiristo akongʼaana.

Abhakorosaai 1:7

Amangʼana Amaiya ghayö mwëëghibhwa na Epafura. Epafura uyö, m-moghonshe uwëëtö, ömököri uwa emeremo murikyëtö, kora m-möntö uwa heene, ko okokorra Kiristo emeremo ko okoghera iya bhëëtö.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

Abhakorosaai 4:9

Naraashe hamwë na Onesimo, umukumya murikyëtö omoghonshe uwa heene, ono arëngë Omokorosaai murikyënyu. Bhayö mbo bharaabhatëëbhi ghonswe igho ghano ghakwikora eno.

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

Firimoni 1:23

Epafura arakökëërya. Wonswe hamwë törë nawe mo-kebhohe mono ko okoghera iya okoraareka Amangʼana Amaiya agha Kiristo Yëësu.

Abhaëbhuraania 5:14

Kasi abhantö bhakörö, bho ni-bhyakorya ëbhëköngʼu bhakorya. Abhantö bhayö bhëëghibhwa, bhamanya ukwahora amangʼana amaghogho na amaiya.

Abhaëbhuraania 5:7

Mbe, enkaagha eno waanyöörrë Yëësu Kiristo akërëngë ko-kebhara kono, yaasabhirë, akasaasaama, kora akakoorra bhököngʼu Waryobha mwene obhotoro ubhwa ukumuruusya mu-singuru isya uruku. Ko okoghera iya ubhwihöötu ubhwaye, Waryobha akamwighwera.

Yaakobho 1:1

Nö-öni Yaakobho omoghorwa uwa Waryobha, na uwa Omonene Yëësu Kiristo nandëkirë ritashandighi reno. M-bëënyu nkökëërya abhantö abha amakabhira ikömi na abhërë, bhano mwanyaraghana ko-kebhara kono! Ritashandighi reno m-bëënyu nkwandekera.

Yaakobho 1:4

Ni-igha möghömërringa okohekera umuhiko ughwako, okore mobhe abhantö abha heene, motakaasuuhwa na engʼana yoyonswe igho hë.

Yaakobho 5:16

Ku bhuyö, mohongorranenga ëbhëbhë ibhyënyu na okosabherana ku-Waryobha, okore muhwënibhwinga amarööyë aghëënyu. Okosabha ukwa ömöntö uwa heene, nkoona singuru sinsharu isya okokora amangʼana amarito.

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

Yuuda 1:24

Waryobha aana obhotoro ubhwa okobharenda motakaasira, na okobhareeta mbere iya ubhuhika ubhwaye mushömëëywë, motaana isoro.