Abhakorosaai 4:11 - Imuuma Eehya

¹¹ Kora Yëësu oora akobherekerwa igha Yusito, wonswe nkobhakëërya arë. Mo-Bhayahudi bhano bhaakumya Kiristo, m-bano abheene igho, mbo bhakokora emeremo ighya Obhokama ubhwa Waryobha hamwë na öni. Nköntöörrya bharë bhököngʼu.

Abhakorosaai 4:11 ပူးပေါင်းရင်းမြစ်များ

Amangʼana agha Abhatomwa 10:45

Hano Abhayahudi abhakumya Yëësu bhano bhaahinaini na Peetero ukurwa Yafa bhaarööshë amangʼana ghayö, bhakaroghoora okomaaha igha Abhakyaro bhonswe bhatuhirwë Umwika Ömöhörëëru.

Amangʼana agha Abhatomwa 11:2

Ku bhuyö hano Peetero yaakyörrë Yërusarëëmu, Abhayahudi bhano bhaaikërëëyi Yëësu, bhakamotema amasoro.

Abharuumi 16:3

Mönkëërri abhaköri abha emeremo bharikyane, bhaabho Purisika bhaana mushaasha uwaaye Akiira. Bhayö bhonswe m-baköri abha emeremo abha Kiristo Yëësu.

Abharuumi 4:12

Ibhurahimu, we yaakorwa abhe suwaabho abhatasaarwa, kasi n-hano bharaakumi Waryobha. Ibhurahimu n-suwaabho bhano bhakukumya Waryobha, kya bhono umwene yaakumiri, kora ataraasaarwa.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

Abhaëfësö 2:11

Mbe, ku bhuyö muhiite kya igho mwaarë kare. Esemoko iyëënyu, ti-iya abhantö abha Waryobha yaarë hë, kasi ni-iya Abhakyaro yaarë. Abhayahudi mbaabhabherekeranga igha “Abharëësya.” Kasi esaaro, nö-möntö akoghekora kö-möbhërë ughwa ömöntö.

Abhafiripi 4:3

Kora uwe ömöntö uwa heene, ömököri uwa emeremo murikyane, ndakosabha ötöörri abhakari abhabhërë bhayö, bhabhe ikiina ëkëmwë. Bhayö bhonswe igho bhabhërë, mbaarë na omotono bhököngʼu hamwë na öni ughwa okoraareka Amangʼana Amaiya agha Yëësu Kiristo ko-bhantö. Ghwiki abhakari bhayö, mbaakörrë emeremo hamwë na Kërëmënti na abhantö abhandë, abhaköri abha emeremo bharikyane. Amariina agha abhantö bhayö bhonswe igho, ngaandëkirwë mo-Ketabho ikya Öbhöhöru.

Abhakorosaai 4:7

Umukumya murikyëtö omoghonshe Tikiiko, ömököri uwa emeremo uwa heene, ono nkokora hamwë nawe emeremo ighya Omonene Yëësu, uyö we araabhatëëbhi amangʼana aghaane ghonswe igho.

1 Abhatësarönikë 3:2

kasi totome murikyëtö Timoteo, okore aashe abhatogheke mo-senkoro isyënyu, na okobhatërëmya ku-mukumo ughwënyu. Timoteo uyö, nö-mököri uwa emeremo murikyëtö uwa Waryobha ko okoraareka Amangʼana Amaiya agha Kiristo.

1 Abhatësarönikë 3:7

Abhakumya bharikyëtö, amangʼana agha umukumo ughwënyu, ghatöghëkirë senkoro isyëtö ku-nyanko eno twaarë nayo.

Tiito 1:10

Nkökötëëbhya ndë igho, ko bhoora igha, bhaaho abhantö abhaaru Kerete hayö, bhano bhatakwighwera engʼana, bhano bhakoghamba amangʼana ghano ghataana ubhwera, kora m-barongo, ekenene, na-Bhayahudi bhaara bhakokangʼasërrya eteemo iyaabho iya Ikiyahudi. Abhantö bhayö, ni-igha bhakaanibhwi ukwëghya,

Firimoni 1:1

Ritashandighi reno Firimoni, nö-öni Pauro nkwandëkëëyë. Öni mo-kebhohe ndë, ko okoghera iya okoraareka Amangʼana Amaiya agha Kiristo Yëësu. Öni toona umukumya murikyane Timoteo, torakökëërya uwe omoghonshe uwëëtö, ömököri uwa emeremo murikyëtö.

Firimoni 1:24

Kora abhaköri abha emeremo bharikyane, Maariko bhaana Arisitariko, Dema na Ruuka, bhonswe bharakökëërya.