Abhakorosaai 4:10 - Imuuma Eehya

¹⁰ Arisitariko, ono arëngë hamwë na öni mo-kebhohe mono, arabhakëërya. Maariko, mubhyara uwa Bharinaabha, wonswe nkobhakëërya arë. Hano arihika kö-bhëënyu iyö, mömösërëëni bhuuya kya bhono naaraghërrya.

Abhakorosaai 4:10 ပူးပေါင်းရင်းမြစ်များ

Amangʼana agha Abhatomwa 12:12

Hano Peetero yaamanyërrëëyi ghayö, akaghya këmwë wa Maryamu, nyakuwaabho Yohana. Yohana uyö, we yaabherekerwanga igha Maariko. Mu-nyumba iyö, waanyöörrë abhakumya abhaaru bhaikomaini-mo, bharasaasaamera Peetero ku-Waryobha.

Amangʼana agha Abhatomwa 12:25

Hano Bharinaabha na Sauri bhaaruurë ko-kehaheeno ikya Yërusarëëmu, bhakakyora Antiökia hamwë na Yohana, ono yaabherekerwanga igha Maariko.

Amangʼana agha Abhatomwa 13:13

Ho Pauro na bharikyaye bhaatanööyë ukurwa Pafo hayö, bhakariina mu-ryato, bhakaghya mu-mughi ghono ghwaabherekerwanga igha Perighe, mu-kyaro ikya Pamfiria. Yohana Maariko akabhatigha hayö, akakyora Yërusarëëmu.

Amangʼana agha Abhatomwa 13:5

Hano bhaahikirë mu-mughi ghono ghwaabherekerwanga igha Sarami, bhakaraarekera abhantö amangʼana agha Waryobha mu-sinyumba isya esango iya Abhayahudi. Yohana Maariko wonswe hamwë yaarë nabho arabhatöörrya emeremo.

Amangʼana agha Abhatomwa 19:29

Umughi ughwa Ëfësö ghonswe igho, ghokaromaana riihë. Abhantö bhakaghoota Ghaayo bhaana Arisitariko, Abhamakedonia bhano bhaarë hamwë na Pauro ko-roghendo, bhakasoha nabho mu-righari reno abhantö bhaakorranga-mo ëmëhöörwë.

Amangʼana agha Abhatomwa 20:4

Oroghendo ruyö, Pauro yaahinaini hamwë na bhaabho Sopatero mura uwa Piro ono yaarwërëëyë mu-mughi ghono ghwaabherekerwanga Bherooya, Arisitariko bhaana Sekundo ukurwa Tësarönikë, Ghaayo uwa mu-mughi ughwa Dëribhë, Timoteo, na abhantö abhabhërë abha Asia Enke, Tikiiko bhaana Turofimo.

Amangʼana agha Abhatomwa 27:2

Tokariina mu-ryato reno ryaarwërëëyë mu-mughi ghono ghwaabherekerwanga igha Adiramitiyo, reno ryaaghyanga mo-bheghobho ibhya ikyaro ikya Asia Enke. Hano twaaruurë hayö, hamwë twaarë na Arisitariko uwa Tësarönikë. Tësarönikë nu-mughi ghono ghörëngë mu-kyaro ikya Makedonia.

Amangʼana agha Abhatomwa 4:36

Mbe, yaare-ho Omoraawi uwöndë, ono yaabherekerwanga igha Yusufu, umwebhorwa uwa kwi-ghinga irya Kiipuro. Uyö we abhatomwa abha Yëësu bhaarökirë igha Bharinaabha (ensonga yaamo ni-igha, “Ömötërëmya.”)

Abharuumi 16:2

Ndasabha mömösërëëni bhuuya, ko bhoora m-mukumya uwa Omonene Yëësu Kiristo. Ökösërëënia, yo engʼana eno ikutunwa igha ekorwe na abhakumya abha Yëësu Kiristo. Ghwiki nkobhatëëbhya ndë igha, hano oraanyoore aana obhohabhë bhwobhwonswe bhoora, ni-igha mömötöörri, ko bhoora umwene wonswe, yaatöörrya abhantö abhaaru, kora öni wonswe yaantöörrya.

Abharuumi 16:7

Mönkëërri Andurönikö na Yunia, Abhayahudi bharikyane bhayö, bhaabhöhirwë mo-kebhohe hamwë na öni. Mbaantangatëëyë ukukumya Yëësu Kiristo. Abhantö bhayö mbamanyëkaini bhököngʼu mo-bhatomwa.

2 Timoteo 4:11

Ruuka umwene igho we yatighara hamwë na öni hano. Bhoono hano oraashe eno, uushe na Maariko, ko bhoora naingʼarëëyë ököntöörrya okokora emeremo ighya Waryobha.

Firimoni 1:23

Epafura arakökëërya. Wonswe hamwë törë nawe mo-kebhohe mono ko okoghera iya okoraareka Amangʼana Amaiya agha Kiristo Yëësu.

Firimoni 1:24

Kora abhaköri abha emeremo bharikyane, Maariko bhaana Arisitariko, Dema na Ruuka, bhonswe bharakökëërya.

1 Peetero 5:13

Abhakumya bharikyënyu abha ekanisa eno ërëngë Bhaabhëëri, abhaahorwa bharikyënyu, bharabhakëërya. Omoona uwaane uwa ku-mukumo ono akobherekerwa igha Maariko, wonswe nkobhakëërya arë.