Abhakorosaai 3:9 - Imuuma Eehya

⁹ Motakaatëëbhanianga obhorongo, ko bhoora mwangʼaabhora eteemo iya kare hamwë na amangʼana aghaako,

Abhakorosaai 3:9 ပူးပေါင်းရင်းမြစ်များ

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Abharuumi 6:6

Ntomanyirë igha eteemo iyëëtö iya kare eera, yaahanëkirwë ko-mosarabha hamwë na Yëësu Kiristo. Yaabhaayë igho, okore eteemo iyëëtö iya kare eera, etakaatobhaaha, na okotokora tobhe abhaghorwa abha ëbhëbhë.

Abhaëfësö 4:22

Abhëëghya abhëënyu bhaabhëëghya igha, mutighe seteemo isyënyu isya kare seera, seno syaabhasikyanga, isya ubhunyanku ubhwa oronamba rono rwaabhangʼënërryanga.

Abhaëfësö 4:25

Mbe, ku bhuyö mutighe obhorongo, kasi moteebhaninga obhoheene, ko bhoora bhëëtö bhonswe igho, n-kya imyaho ighya ömöbhërë öghömwë.

Abhakorosaai 3:8

Kasi bhoono mutighe këmwë eteemo iya okorerra, na öbhöbhë, obhoghogho, amatöki, bheena amangʼana ghano ghatakongʼarra okoghambwa na bhëënyu.

1 Timoteo 1:10

Amaraghërryö agha Mosa ghayö, ngaatöörrwë-ho ko okoghera iya abhasooraare, abhashaasha bhano bhakuturamya abhashaasha bharikyabho, bhano bhakoghonyera abhantö, bhabhaghoota, bhaghya kobhaghörya, abharongo, na bhano bhakutyanera amangʼana agha obhorongo. Amaraghërryö ngaatoorwa-ho ko okoghera iya amangʼana ghonswe igho ghano ghatakorengerrania na amëëghyö agha obhoheene.

Okohonyora 21:27

Kasi ikinyanku kyokyonswe keera, tekeresoha mu-mughi muyö hë. Ömöntö wowonswe uwa amanyënyëëri handë omorongo, uyö taresoha-mo hë. Kasi abhantö bhano bharesoha mu-mughi ghuyö, m-baara urinyoora amariina aghaabho ghaandekwa mo-Ketabho ikya Öbhöhöru ikya Omoona Ringʼöndi.

Okohonyora 21:8

Kasi bhoono abhoobha, bhano bhatakukumya Waryobha, bhano bhakösësëëbhya enkoro iya Waryobha, abhaiti, abhasooraare, abhaturutumbi, bhano bhakosengerra ëbhëtöndö, na abharongo, bhonswe igho bhayö, mbaretoorwa mu-nyansha eno ikwibhugha omorro, na ubhurutu ubhwa ikibhiriiti. Na ruyö ndwo uruku urwa kabhërë.”

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.