Abhakorosaai 3:8 - Imuuma Eehya

⁸ Kasi bhoono mutighe këmwë eteemo iya okorerra, na öbhöbhë, obhoghogho, amatöki, bheena amangʼana ghano ghatakongʼarra okoghambwa na bhëënyu.

Abhakorosaai 3:8 ပူးပေါင်းရင်းမြစ်များ

Mataayo 5:22

Kasi bhoono öni nkobhatëëbhya ndë igha, motakaarererra ömöntö wowonswe oora. Hano moraarererre ömöntö wowonswe oora, ni-igha mushibhibhwi mo-bharasa. Na hano mwatoka ömöntö igha m-mushiimushiimu, na okomoroka amariina amaghogho, ni-igha mushibhibhwi mo-bharasa enene. Na hano moraareghe ömöntö wowonswe igho, na ökömötëëbhya igha, Waryobha amwihiime, hayö ni-igha motabhutwe mo-morro ghotakurima.

Maariko 7:22

umushaasha handë omokari uwa ömöntö okotaara kebhara, ubhuhiti, obhoghogho, okongʼaina, obhorangara, rikenge, amatöki, ekeghaaka bheena ubhusheema.

Abharuumi 13:13

Tobhe na eteemo inshiiya kya iya abhantö abha mo-merengaari ighya urusikö orohya. Totakaabha abhaköri abha sinyangi isya obhohoobhaaru na öbhörëëbhi, totakaabha abhasooraare, totakaakora amangʼana agha sënsöni, ubhutindi na rikenge.

1 Abhakörintö 3:3

Ko bhoora nanyabhoono, bhëënyu m-bantö abha esemoko iya öbhököri ubhwa ëbhëbhë mörë. Hano okomaaha moona rikenge bheena öbhösëëghërrya, momanye igha, m-bantö abha esemoko iya öbhököri ubhwa ëbhëbhë mörë, kora amangʼana aghëënyu nkoghakora mörë kinyamöbhërë.

2 Abhakörintö 12:20

Bhoono nkoobhoha ndë igha, ndatora ukuusha, nyoore morakora amangʼana ghano ghatakunshomera. Engʼana kya iyö eratora okokora mbakorre engʼana eno etaabhashomere. Ndatora ukunyoora morabheehana, moona rikenge, okorerrana, okokora ikisiiyomba, okohaamërrania, obhoghambi ubhwa abhantö, ubhwihëëmi, na riihë.

Abhagharatia 5:15

Kasi nyoore nkoromana mörë na okoraagherana kya matyënyi, mwiyangarre motakaasha kwisikya bhëënyu abheene.

Abhagharatia 5:20

okosengerra ëbhëtöndö, ubhuturutumbi, ubhubhisa, ribheeha, orongʼeera, okorerra, ifitina, ukwanga ukwighwerrana, okohaanga abhantö amangʼana,

Abhagharatia 5:26

Totakaikumyanga bhosa igho, totakatenderananga handë okokorrana rikenge.

Abhaëfësö 4:22

Abhëëghya abhëënyu bhaabhëëghya igha, mutighe seteemo isyënyu isya kare seera, seno syaabhasikyanga, isya ubhunyanku ubhwa oronamba rono rwaabhangʼënërryanga.

Abhaëfësö 4:25

Mbe, ku bhuyö mutighe obhorongo, kasi moteebhaninga obhoheene, ko bhoora bhëëtö bhonswe igho, n-kya imyaho ighya ömöbhërë öghömwë.

Abhaëfësö 4:26

Hano mwarerra, okorerra ukwënyu kuyö, kotakaaghera mokore ëbhëbhë, iryobha retakaaghwa mökërëërëëyë.

Abhaëfësö 4:29

Motakaaghambanga amangʼana amaghogho. Kasi moghambenga amangʼana amaiya ghano ghakotogheka mukumo ughwa bharikyënyu.

Abhaëfësö 5:4

Kora amangʼana agha sënsöni na agha ubhusheema handë senkaani, ghayö teghakokorwa na abhantö kya bhëënyu hë, kasi bhoono engʼana iya okokora, nu-kukumya Waryobha ko-keno yaabhakorra.

Abhakorosaai 3:5

Mbe, ku bhuyö ni-igha, mutighe okokora amangʼana agha ko-kebhara kono, obhosooraare, ubhunyanku, amaitegherro amaghogho, obhoraaghëri, obhohoobhaaru, na oronamba urwa ëbhëntö. Okobha na oronamba urwa ëbhëntö, n-kya okosengerra ëbhëtöndö.

Abhakorosaai 3:9

Motakaatëëbhanianga obhorongo, ko bhoora mwangʼaabhora eteemo iya kare hamwë na amangʼana aghaako,

1 Timoteo 1:13

Nokaanyoora naamotokanga kora naateesanga abhantö abhaaye kare hayö, na naarenga na ekeghaaka, kasi Yëësu yaanyabhera. Yaanyabhëëyë ko bhoora amangʼana ghayö naaghakörrë ko obhokangi ubhwane, na ko bhoora ntaarë na umukumo.

1 Timoteo 1:20

Mo-bhantö bhayö, bhaamo Himenayo na Arekisanda. Naateghera Oghosambwa abhantö bhayö, okore bheeghe, bhatakaatokanga Waryobha.

Abhaëbhuraania 12:1

Mbe, ko bhoora rikomo rinene riyö irya abhaimërërri nditwinaarrë igho, turuusi-ho kera engʼana eno ekotorebherra, na ëkëbhë keno kikwangoha ukutwitanga. Tokenye kö ököghömërrya mu-rikenya reno Waryobha yaatotoorra-ho.

Yaakobho 2:7

Te-bho bhakotoka iriina iriiya irya Yëësu Kiristo reno mokobherekerrwa?

1 Peetero 2:1

Mbe, mutighe obhoghogho bhonswe igho, seteemo syonswe igho isya okongʼaina abhantö, ubhwiköri, na rikenge, kora motakaaghambanga bhoghogho abhantö.

2 Peetero 2:18

Nkoghamba bharë amangʼana agha ikiheemere, ghano ghataana ubhwera. Oronamba urwabho oroghogho urwa kinyamöbhërë, ndo rokoghera bharakemba abhantö bhano bhaakumya bhöngö hano, bhano bhaatigha okokora ghano abhasarya bhakokora.

2 Peetero 2:7

Waryobha akatöörya-mo Ruutu ono yaarë ömöntö uwa heene. Ruutu yaaighwanga bhoghogho, hano yaamaahanga seteemo sengogho isya abhasarya bhayö.

Yuuda 1:13

Tebhakwirebherra hë. Bhaabha kya amayengo amanene agha ku-nyansha. Amangʼana aghaabho agha sënsöni ghano bhakokora, gharomaana kya rihuro irya amayengo. N-kya sinyota seno sikwinaaranaara igho, kora teseena ubhwera hë. Waryobha yaabhatoorra-ho emongo iyaabho, ahasë aha ikisuntë ekenene amakora ghonswe igho.

Yuuda 1:8

Amangʼana ni-ighoigho gharë igha, abhantö abha reero eno bhano bhatakwighwera Waryobha, mbatuubhaini na bhayö. Nkoroota bharë ebherooto bheno bhekoghera bharanyankuhya ëmëbhërë ighyabho, nkwanga bharë öbhötöngi ubhwa Waryobha. Kora nkotoka bharë ëbhëntö ibhya ubhuhika, bheno bhërëngë mu-ryobha.

Okohonyora 16:9

Abhantö bhakasambwa bhörrö. Bhakatoka Waryobha ko bhoora yaarë na ubhwera ubhwa ibhyateko bhiyö. Kasi abhantö bhayö, tebhaahöngööyë ëbhëbhë ibhyabho, handë igha bhatööni Waryobha hë.