Abhakorosaai 3:4 - Imuuma Eehya

⁴ Öbhöhöru ubhwënyu nku-Kiristo bhukurwera. Enkaagha eno aremaahekana, ho na bhëënyu moremaahekana hamwë nawe, na okosanga nawe ubhuhika ubhwaye.

Abhakorosaai 3:4 ပူးပေါင်းရင်းမြစ်များ

Mataayo 13:43

Mbe, ho abhantö bhano bhaakorwa abha heene na Waryobha, bharemekamekanga kya iryobha mo-Bhokama ubhwa Suwaabho. Ömöntö wowonswe ono aighuurë ghayö ngambirë, aghaitegherre bhuuya.”

Ruuka 17:30

“Ni-igho erebha urusikö urwa okohonyorwa ukwane öni Omoona uwa Ömöntö.

Yohana 11:25

Yëësu akamohonshora igha, “Öni nö-öni ukuryoka kuyö, ghwiki nö-öni öbhöhöru. Ömöntö ono akunkumya, nakaakwa, naraaghëndërri okobha ömöhöru.

Yohana 14:3

Mbe, hano ndaaghi okobhasëëmërya ahasë, nendaamare nkyore ököbhööhya, okore ahasë hano ndaabhe, na bhëënyu mobhe-ho hamwë na öni.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Yohana 20:31

Kasi ebhemanyërryö bheno bhyaandëkirwë, mbyaandëkirwë okore mukumi igha, Yëësu we Kiristo, Omoona uwa Waryobha, na ukukumya kuyö, kobhahaane öbhöhöru ko okohetera ku iriina iryaye.

Amangʼana agha Abhatomwa 3:15

Ku bhuyö mokamwita, na mbe we esemoko iya öbhöhöru bhwonswe igho hano bhöhëkëëyë! Kasi Waryobha akamuryökya ukurwa mo-bhaku, na bhëëtö m-bëëtö abhaimërërri abha ukuryoka ukwaye.

Abharuumi 8:18

Ku bhuyö inyaanyi iyëëtö iya bhoono igho, të-këntö hë, hano nagherengʼaania na ubhuhika bhono Waryobha aretohaana.

Abharuumi 8:19

Ëbhëntö bhyonswe igho bheno bhyaabhombwa, nkoghanya bhërë bhököngʼu, enkaagha eno Waryobha arehonyora harabhu igho abhaana abhaaye.

1 Abhakörintö 1:7

Ku bhuyö, bhoono timukusuuhwa na ituho yoyonswe igho iya Umwika Ömöhörëëru, ko-nkaagha eno mokeeghanya ukukyora ukwa Omonene uwëëtö Yëësu Kiristo.

1 Abhakörintö 15:43

Nkobheekwa ghörë ghotaana ubhwera, kasi nkuryökibhwa ghörë ghoona ubhwera. Nkobheekwa ghörë ömöbhërë ömötëntëëru, ghuryökibhwa ughwa singuru.

2 Abhakörintö 4:17

Nkoghamba ndë igho, ko bhoora igha, inyanko iyëëtö ëhöhö eno, iya ribhagha ike igho, nkotoreetera ërë ubhuhika obhonene bhököngʼu ubhwa amakora ghonswe igho.

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Abhafiripi 3:21

We aana obhotoro ubhwa okotoora ëbhëntö bhyonswe igho, bhebhe hansë iya öbhötöngi ubhwaye. Ko obhotoro bhuyö, narisyörya ëmëbhërë ighyëtö ëmëtëntëëru gheno, ghebhe na ubhuhika kya bhoora ömöbhërë ughwaye ghörë.

1 Abhatësarönikë 4:17

Ho na bhëëtö bhano urinyoora tökërëngë abhahöru, ntoresaköribhwa hamwë nabho ukughya ku-risaarö, okore tusikane na Omonene Yëësu ighörö iyö. Mbe, nturiikara hamwë nawe amakora ghonswe igho.

1 Timoteo 6:14

ni-igha onaghi amaraghërryö ghayö, oghaikërri, otakaateeya okohekera hano Omonene uwëëtö Yëësu Kiristo ariisha.

2 Timoteo 1:1

Nö-öni Pauro nkwandeka ritashandighi reno. Waryobha ku righonshe iryaye yaatunirë igha, mbe omotomwa uwa Kiristo Yëësu, okore ndaareke amangʼana agha öbhöhöru. Waryobha yaaraghaini igha, ömöntö nkunyoora arë öbhöhöru bhuyö, ku ukukumya Yëësu Kiristo.

2 Timoteo 4:8

Bhoono keno kitighaayë, no-kohaanwa ikirighi ikya heene. Omonene Yëësu, ono akobhotora ibhiina ubhwa heene, narekengʼaana urusikö roora arikyora. Tö-öni umwene igho hë, kasi na abhandë bhonswe igho bhano bhakwitengʼera bhököngʼu ukukyora ukwaye.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

Abhaëbhuraania 9:28

Amangʼana ni-ighoigho gharë igha, Yëësu Kiristo wonswe, yaakörrwë ikimwenso kamwë igho, okore agheghe ëbhëbhë ibhya abhantö abhaaru. Kasi hano ariisha urwa kabhërë, të-bhëbhë ariisha komara-ho hë, kasi nö-bhöhönia arereeta ko bhano bhaana omotono ughwa okomoghanya.

1 Peetero 1:13

Ku bhuyö mwisëëmi na mwiraarerre, kora mongʼainihe. Ubhweseghe ubhwënyu bhwonswe igho, bhobhe kö örööbhö rono morehaanwa enkaagha eno Yëësu Kiristo ariisha aiyöröki harabhu igho.

1 Peetero 5:4

Hano Yëësu Kiristo Omokaraabhërri Omonene uwa ekanisa aremaahekana harabhu igho, murituhwa ituho iya ubhuhika. Ituho eno etakughunda.

1 Yohana 2:28

Bhëënyu abhaana abhaane abhaghonshe, möghëndërri okobha na öbhömwë na Yëësu Kiristo. Möghëndërri igho, okore enkaagha eno arikyora, tokarehe, totakaasha okosooka.

1 Yohana 3:2

Abhaghonshe abhaane, ntomanyirë igha, bhoono m-baana abha Waryobha törë, kasi teraamanyekana bhuuya kya bhono torebha hë. Keno tomanyirë ni-igha, hano Yëësu Kiristo arikyora ko-kebhara kono, nturituubhana nawe, ko bhoora ntoremomaaha bhono arë.

1 Yohana 5:12

Ömöntö wowonswe igho ono aana öbhömwë na Omoona uwa Waryobha, uyö naana öbhöhöru bhuyö. Kasi ono ataana öbhömwë na Omoona uwa Waryobha, uyö taana öbhöhöru hë.

Yuuda 1:24

Waryobha aana obhotoro ubhwa okobharenda motakaasira, na okobhareeta mbere iya ubhuhika ubhwaye mushömëëywë, motaana isoro.

Okohonyora 2:7

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö na aghömërri righonshe irya mbere reera, nindimwikërrya araaghere sehagho isya ömötë ghono ghokohaana abhantö öbhöhöru. Ömötë ghuyö, mu-ryobha iyö ghörë mu-bhusitaani iya Waryobha.”

Okohonyora 22:1

Mbe, maraika uyö, akaanyörökya omooro ughwa amanshë agha öbhöhöru, ghono ghwaarabherranga kya ikyowa. Ghwaarweranga mwi-rungu irya ikitumbë ikya ekekama ikya Waryobha na Omoona Ringʼöndi.

Okohonyora 22:14

Mbe, nyakara abhantö bhano bhakufura singibho isyabho, okore bhaikërërribhwi bhasohe mu-mughi omohya ghuyö, okohetera mu-bhihiita ibhyagho, na bharaagherenga sehagho isya ömötë ughwa öbhöhöru.