Abhakorosaai 3:2 - Imuuma Eehya

² Motemerenga omotwe ghano gharëngë mu-ryobha, motakaaitegherra amangʼana agha ko-kebhara kono.

Abhakorosaai 3:2 ပူးပေါင်းရင်းမြစ်များ

Mataayo 16:23

Kasi Yëësu akaisyörrya Peetero, akamohonshora igha, “Ndwera-ho ghore Oghosambwa! Nkushaashya örë okondebherra, okore ntakaakora bhono Waryobha akutuna. Amaitegherro aghaaho ghayö, n-ga kinyabhantö, tegharëngë agha Waryobha hë.”

Mataayo 6:19

Ghwiki Yëësu akëëghya igha, “Otakaibheekera ëbhëntö ibhya ubhwera ko-kebhara kono. Amakonde na ikutu mberaasari ëbhëntö bheno ukwibheekera ko-kebhara kono. Nkaagha isyëndë abhaibhi bharatora okotaabhora inyumba, bhaibhe kiyö öbhëëkirë.

Ruuka 12:15

Ho Yëësu yaatëëbhëri abhantö bhayö igha, “Mwiyangarre na eteemo iya oronamba urwa ëbhëntö. Ko bhoora öbhöhöru ubhwa ömöntö, tebhokotooka mu-bhwaru ubhwa ëbhëntö bheno aanabhyo hë.”

Ruuka 16:11

Hano motaabhe abhantö abha heene kö-bhëntö ibhyënyu ibhya ko-kebhara kono, nawë araabhahaane ëbhëntö ibhya heene ibhya mu-ryobha?

Abhafiripi 1:23

Ndarutanwa ghatë iya amangʼana abhërë ghayö. Öni nkwighomba ndë igha, hano nkaarwa ko-kebhara kono, ngende kwikara hamwë na Kiristo. Ko-robhaara urwane, iyö yo engʼana inshiiya bhököngʼu.

Abhakorosaai 3:1

Bhoono ko bhoora mwaaryoka hamwë na Kiristo, mutune amangʼana agha mu-ryobha iyö Kiristo aikaayë, orobhareka urwa bhoryo ubhwa Waryobha, ahasë aha okosookwa.

Abhakorosaai 3:5

Mbe, ku bhuyö ni-igha, mutighe okokora amangʼana agha ko-kebhara kono, obhosooraare, ubhunyanku, amaitegherro amaghogho, obhoraaghëri, obhohoobhaaru, na oronamba urwa ëbhëntö. Okobha na oronamba urwa ëbhëntö, n-kya okosengerra ëbhëtöndö.