Abhakorosaai 3:16 - Imuuma Eehya

¹⁶ Engʼana iya Kiristo ebhaikarre ku ubhwaru. Mworokerraninga, morakaanania kwa bhongʼaini bhonswe igho. Mörëëtëringa Waryobha mo-senkoro isyënyu, na ukumukumya ko-sezabhuri, amarëëtyö na sëtënzi isya mo-nkoro.

Abhakorosaai 3:16 ပူးပေါင်းရင်းမြစ်များ

Mataayo 26:30

Ho bhaamarrë, bhakarëëtya rirëëtyö irya ukukumya Waryobha. Bhakeemoka ukurwa hayö, bhakaghya mu-nguku iya Ëmëzëituuni.

Ruuka 2:51

Mbe, akangʼaaraara na abhaibhöri abhaaye ukughya Nazarëëti, yaabhasookanga. Nyakuwaabho akaitegherra amangʼana ghayö ghonswe igho, akakira nagho mo-nkoro iyaaye.

Yohana 15:7

Bhëënyu hano moraabhe na öbhömwë na öni, na amangʼana aghaane ghonswe ghaikare mö-bhëënyu, kyokyonswe keno mukutuna, mosabhe Taata, naraabhahaane.

Abharuumi 10:17

Ku bhuyö abhantö nkobha bharë na umukumo hano bhaighwa amangʼana agha Yëësu Kiristo. Kasi hano bhataraarëkëëywë amangʼana ghayö, iyakë bharaakore bhabhe na umukumo?

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

1 Abhakörintö 14:15

Bhoono iyakë nkaakora? Nendaasaasaame Waryobha mo-nkoro iyaane ko ekeghambo ekehya, mmare ghwiki nsaasaame ko sehakëri isyane. Nendaarëëti mo-nkoro iyaane ko ekeghambo ekehya, mmare ghwiki ndëëti ko sehakëri isyane.

1 Abhakörintö 14:26

Mbe, bhoono abhakumya bharikyane, iyakë nkaghamba? Hano mwasikana hamwë, igha kera ömöntö aana rirëëtyö, aana amëëghyö, aana obhohonyoro, aana ekeghambo ekehya, aana esesoro. Amangʼana ghayö ghonswe igho, ni-igha ghakorwe ko okoghera iya okohaghaashana.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhaëfësö 5:17

Ku bhuyö motakaakangiha, kasi mongʼainihe, mokore omotono ughwa okomanya keno Omonene Yëësu akutuna igha mokore.

Abhaëfësö 5:19

Mushumaasheranenga ko-sezabhuri, amarëëtyö na sëtënzi isya mo-nkoro. Mushomerwenga na ökörëëtërya Omonene Yëësu.

Abhaëfësö 5:26

Yaaghikwërëëyë, okore aghesaabhuure. Yaasaabhuurrë ekanisa ko engʼana iya Waryobha na ukughyöghya na amanshë agha obhobhatiisyo,

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

Abhakorosaai 4:6

Mushumaashenga amangʼana amasambaaroku nkaagha syonswe igho, amangʼana ghano ghakötëghërya abhantö, okore momanye bhono moraahonshorenga bhuuya, abhantö bhonswe igho.

1 Abhatësarönikë 1:8

Ko okoghera iya bhëënyu, abhantö bhaighuurë Amangʼana agha Omonene Yëësu. Tërëngë igha nko-bhantö abha Makedonia na abha Akaaya abheene igho hë, kasi umukumo ughwënyu ku-Waryobha, ngomanyekaini ahasë honswe igho. Ku bhuyö tetoona engʼana iyëndë iya okohoorrera-ko hë.

1 Abhatësarönikë 4:18

Bhoono motoghekanenga ko amangʼana ghayö.

2 Abhatësarönikë 3:15

Kasi motakaamokora kya umubhisa, momokaaninga kya murikyënyu.

1 Timoteo 6:17

Ötëëbhi abhaamë igha, bhatakaihasha handë ukwesegha ubhwamë ubhwa ko-kebhara kono. Ubhwamë bhuyö, m-bwa ribhagha ike igho. Kasi ubhweseghe ubhwabho, bhobhenga ku-Waryobha, ono akötösërëënia ko okotohaana ëbhëntö bhyonswe igho, okore tushomerwe nabhyo.

2 Timoteo 3:15

Wamanya Amaandeko Amahörëëru ökërëngë moke. Amaandeko ghayö, nkokohaana gharë obhongʼaini bhono bhokoghera ömöntö ahönibhwa ku ukukumya Kiristo Yëësu.

Tiito 3:6

Waryobha yaatöhömërrëëyë bhököngʼu Umwika Ömöhörëëru, ko okohetera ku-Yëësu Kiristo Ömötöörya uwëëtö.

Yaakobho 1:5

Kasi hano oraanyoore ömöntö mö-bhëënyu muyö, asuuhirwë na obhongʼaini, asaasaame Waryobha, naraamohaane. Ko bhoora Waryobha m-mohaani ko-bhantö bhonswe igho, kora takohamera ömöntö hë.

Yaakobho 3:17

Kasi, obhongʼaini bhono bhukurwa ku-Waryobha, m-buuya, mboona omorembe, na obhohaabhu, nkwitegherra bhörë bhuuya amangʼana agha abhantö. Obhongʼaini bhuyö, nkokora bhörë amangʼana amaiya, kora mboona ikyabhera, tebhoona ekeroterro, handë ubhwahöri ubhwa abhantö, handë ubhwihunaania.

Yaakobho 5:13

Hano oraanyoore ömöntö aana inyanko mö-bhëënyu muyö, ni-igha asaasaame Waryobha. Na hano oraanyoore ömöntö ashömëëywë mö-bhëënyu muyö, ni-igha arëëti amarëëtyö agha ukukumya Waryobha.

1 Yohana 2:14

Nkobhandekera ndë bhëënyu bhaataata, ko bhoora mmomanyirë Yëësu Kiristo, ono yaarenga-ho ukurwa okosemoka. Nkobhandekera ndë bhëënyu abhamura, ko bhoora moona singuru, kora nköghëndërrya mörë okoghoota engʼana iya Waryobha, mwabhaaha na Oghosambwa.

1 Yohana 2:24

Bhoono, möghëndërri okonaghya mo-senkoro isyënyu amangʼana ghaara mwëëghibhwa ukurwa hano mwaasimiri ukukumya Yëësu Kiristo. Hano moraaghëndërri okoghoota amëëghyö ghayö, ho moraabhe na öbhömwë na Omoona uwa Waryobha, na Taata Waryobha.

1 Yohana 2:27

Kasi bhëënyu, Yëësu Kiristo yaabhahaana Umwika Ömöhörëëru, ono akwikara mö-bhëënyu. Uyö we aköbhöörökërrya ghonswe igho, na amëëghyö aghaaye na-agha obhoheene, te-agha obhorongo hë. Ku bhuyö, taaho ömöntö uwöndë uwa ököbhöörökërrya, kya bhono Umwika aköbhëëghya, möghëndërri okobha na öbhömwë na Yëësu Kiristo.

2 Yohana 1:2

Nembahanshirë ko bhoora bhëëtö na bhëënyu, ntomanyirë obhoheene, ghwiki ntoraaghëndërri okobhomanya amakora ghonswe igho.

Okohonyora 14:3

Abhantö eraaki ëmwë ëbhëkwë merongo ene na bhine bhayö, bhaarenga bhaimërëëyë mbere iya ikitumbë ikya ekekama keera, na bhöröngë ubhwa ëbhëntö ibhine bheno bhekoheeshera na mbere iya abhaghaaka merongo ëbhërë na abhane bhaara. Bhaarëëtyanga rirëëtyö reehya, na taaho ömöntö uwöndë ono yaatöörrë ukwegha rirëëtyö riyö hë, kasi na abhantö bhayö bhaarenga bhatunguribhwi ukurwa ko-kebhara abheene igho.

Okohonyora 15:3

Bhaarëëtyanga rirëëtyö reera irya Omoona Ringʼöndi na Mosa ömököri uwa emeremo uwa Waryobha, bharaghamba igha, “Omonene Waryobha uwa obhotoro bhwonswe igho, amangʼana aghaaho m-marito, nköröghöörya gharë. Uwe nu-uwe Omokama uwa ibhyaro bhyonswe igho, senshera isyaho, ne-heene, kora n-sya obhoheene.

Okohonyora 19:10

Mbe, ho naaghööyë hansë bhubhuumaayë ko-maghörö agha maraika uyö, okore mmosaasaame. Kasi akantëëbhya igha, “Tigha otakaakora igho! Öni wonswe murikyaho ndë, ömököri uwa emeremo hamwë na abhakumya bharikyaho, bhano bhakwimererra amangʼana agha Yëësu. Sengerra Waryobha! Ko bhoora ukwimererra amangʼana agha Yëësu kuyö nkwo esemoka iya öbhörööti.”

Okohonyora 5:9

Bhakarëëtërya Omoona Ringʼöndi rirëëtyö reehya igha, “Uwe wingʼarëëyi okoghegha eketabho kiyö na okonaanora-ko ubhurimbo ubhwa ku-mihuri ighya-ko, ko bhoora uwe waashinshirwë. Okaghorra Waryobha ko amaanyinga aghaaho, abhantö abha amakabhira ghonswe igho, ebheghambo bhyonswe igho, sihiiri syonswe igho na ibhyaro bhyonswe igho.