Abhakorosaai 3:12 - Imuuma Eehya

¹² Bhoono ko bhoora m-baahorwa abha Waryobha mörë, kora na-bhahörëëru bhano ahanshirë, mobhe na enkoro iya amaabhë, eteemo inshiiya, ubhwihöötu, obhohaabhu, bheena öbhöghömërrya.

Abhakorosaai 3:12 ပူးပေါင်းရင်းမြစ်များ

Mataayo 24:22

Singa Waryobha ataasuuhya sinsikö siyö isya inyaanyi iyö, taaho ömöntö ono akaahönirë hë. Kasi Waryobha yaasuuhya sinsikö siyö, ko okoghera iya abhaahorwa abhaaye.

Mataayo 24:24

Ko bhoora mbariisha abhantö abharongo bhano bharibherekeranga igha, mbo Kiristo, hamwë na bharööti abha obhorongo. Abhantö bhayö, mbarekora ebhemanyërryö ibhyaru ibhya amakono agha ököröghöörya. Mbarekoranga igho, okore bhangʼaine abhantö, kehane, bhangʼaine kora abhaahorwa abha Waryobha.

Mataayo 24:31

Ho ndetoma abhamaraika abhaane na eno bharahuuta sentera bhököngʼu, okore bhakomani abhaahorwa abhaane bhonswe igho. Mbarebhakomania ukurwa mbaara syonswe igho isya ekebhara keno, ukurwa ku-muhiko ughwa orobhareka örömwë, okohekera ku-muhiko ughwa orobhareka urwöndë.”

Maariko 13:20

Kora m-bono Omonene Waryobha yaasuuhya sinsikö siyö, singa atasisuuhya, taaho ömöntö ono akaahönirë hë. Kasi Waryobha yaasuuhya sinsikö siyö, ko okoghera iya abhaahorwa abhaaye.

Maariko 13:22

Ko bhoora mbariisha abhantö abharongo bhano bharibherekeranga igha, mbo Kiristo. Kora mbariisha abharööti abha obhorongo, bhano bharekora amakono na ebhemanyërryö, okore bhangʼaine abhantö, kora abhaahorwa abha Waryobha.

Maariko 13:27

Ho ndetoma abhamaraika abhaane, bhakomani abhaahorwa abhaane, ukurwa mbaara syonswe igho isya ekebhara keno, ukurwa hano ekebhara kisimiiyi, okohekera hano kikuhwera.”

Ruuka 1:78

Waryobha uwëëtö atwabhëëyë, ko okotoreetera öbhötöörya ubhwaye ukurwa mu-ryobha, kya emerengaari ighya iryobha,

Ruuka 18:7

Mbe, ku bhuyö momanye igha, Waryobha naraabhakorre ubhwa heene abhaahorwa abhaaye, bhano bhakomosaasaama ubhutikö na omobhasö. Taateghete okobhatöörrya hë

Abharuumi 1:7

Abhakumya bharikyane bhonswe igho bhano mörëngë Ruumi hayö, m-bëënyu nkwandekera. Waryobha nabhahanshirë bhököngʼu, nkyo kyaaghërrë akabhashaaghora igha mobhe abhantö abhaaye abhahörëëru. Örööbhö na omorembe ukurwa ku-Waryobha Taata uwëëtö, na ko-Monene uwëëtö Yëësu Kiristo, bhebhe hamwë na bhëënyu.

Abharuumi 13:14

Kasi bhoono igho kö-bhömënyi ubhwënyu bhwonswe igho, motangatwenga na Omonene Yëësu Kiristo, motakaikërrya kora hake, okobha na esemoko iya öbhököri ubhwa ëbhëbhë, handë oronamba urwënyu oroghogho.

Abharuumi 9:11

Hano waanyöörrë ebhesare bhiyö bhetareebhorwa, kora bhataraakora engʼana engogho handë inshiiya, Waryobha akatëëbhya Rebheka igha, “Ömöntö mökörö naretighinkanera omoke uwaaye.” Engʼana iyö nkwörökya ërë igha, Waryobha nkwahora arë ömöntö ko okorengʼaana na bhono Waryobha umwene akutuna. Takokora ko okorengʼaana na amangʼana ghano ömöntö yaakora.

1 Abhakörintö 13:4

Ömöntö uwa righonshe, nköghömërrya arë amangʼana, nkösërëënia arë abhantö, takobha na rikenge hë, takwihasha handë ukwiheema hë.

2 Abhakörintö 6:6

Bhëëtö m-bantö abha heene törë, m-bamanyi abha amangʼana törë, m-baghömërrya törë, kora m-basërëënia törë. Nkokora törë amangʼana ghayö, ko okotangatwa na Umwika Ömöhörëëru, na righonshe reno retaana ubhwiköri,

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhaëfësö 1:4

Keno Waryobha yaakörrë, nu-kutwahora tobhe abhantö abhaaye ko okohetera kö-bhömwë ubhwëtö na Yëësu Kiristo. Yaakörrë igho, kora ataraabhomba ëbhëntö bhyonswe igho ibhya ko-kebhara kono. Waryobha yaatwahora okore tobhe abhahörëëru abhaaye bhano totaana risoro ryoryonswe reera. Ko okoghera iya righonshe iryaye,

Abhaëfësö 4:2

Mwihoote ko-ghonswe igho ghano mokokora, mobhe abhahaabhu, möghömërri na ököghömërrania ukwa okohanshana.

Abhaëfësö 4:24

Ghwiki igha, mobhe na eteemo eehya iya ituubho iya Waryobha ko bhoheene ubhwa heene na öbhöhörëëru.

Abhaëfësö 4:32

Mokorrane amangʼana amaiya, mohanshane na mwabherane kya bhono Waryobha yaabhabhëëyë okohetera ku-Yëësu Kiristo.

Abhafiripi 1:8

Waryobha namanyirë igha no-bhoheene nkoghamba, hano nakangʼasërrya igha, nkwighomba ndë okomaahana na bhëënyu ghwiki. Nembahanshirë ku righonshe reerareera Kiristo Yëësu abhahanshirë.

Abhakorosaai 3:10

bhoono mwaghöötirë-ko eteemo eehya. Waryobha umwene yaabhömbirë eteemo eehya iyö, kora nköghëndërrya arë kobhakora mutuubhane nawe bhököngʼu, okore momomanye bhuuya.

1 Abhatësarönikë 5:15

Mwangarre, ömöntö wowonswe oora atakaahaka murikyaye obhoghogho ko-ngʼana engogho eno oraanyoore amökörëëyë. Kasi senkaagha syonswe igho, mokorranenga ubhwa heene bhëënyu abheene ko abheene na okokorra igho abhantö bhonswe igho.

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.

2 Timoteo 2:10

Ku bhuyö nköghömërrya ndë ghonswe igho, ko okoghera iya abhantö bhano bhaashaaghorwa na Waryobha igha bhabhe abhantö abhaaye. Nkokora ndë igho, okore abhantö bhayö bhahönibhwi ku ukukumya Kiristo Yëësu, kora bhasange ubhuhika ubhwaye bhono bhotakohwa.

Tiito 1:1

Ritashandighi reno, nö-öni Pauro ndyandëkirë, öni ömököri uwa emeremo uwa Waryobha, ono ndëngë omotomwa uwa Yëësu Kiristo. Naatomwa ndaghërri abhantö bhano bhaashaaghorwa na Waryobha, okore bhamukumi na okomanya obhoheene ubhwa Yëësu Kiristo. Obhoheene bhuyö, mbo bhokoraghërrya abhantö bhasooke Waryobha,

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

2 Peetero 1:10

Mbe, abhakumya bharikyane, mokore omotono bhököngʼu, ukwörökya igha, Waryobha yaabhabherekera na okobhaahora. Hano moraakore igho, timutighe umukumo ughwënyu kora hake hë.

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.

2 Yohana 1:13

Abhaana abha musubhaati uwëënyu ono yaahorwa na Waryobha, bharakökëërya.

Okohonyora 17:14

Mbareghootana na ughutyënyi ghuyö, okore bhaitane na Omoona Ringʼöndi. Kasi Omoona Ringʼöndi hamwë na abhantö abhaaye, narebhabhaaha, ko bhoora we Omonene uwa abhanene na Omokama uwa abhakama. Abhantö abhaaye bhayö, m-baara Waryobha yaabhërëkëëyë, akabhashaaghora, abhantö bhayö, m-ba heene.”