Abhakorosaai 3:11 - Imuuma Eehya

¹¹ Ku bhuyö tekobha bhöndë ku-Muyahudi na kö ömöntö ono atarë Umuyahudi, abhasaarwa handë abhatasaarwa, ömöghëni handë umusheema, omoghorwa handë ömötöönööni. Kasi Kiristo we akomara amangʼana ghonswe igho, ghwiki mo-senkoro isya bhonswe igho arë.

Abhakorosaai 3:11 ပူးပေါင်းရင်းမြစ်များ

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 15:5

“Öni no-mozabhibhu ndë, na bhëënyu na amasagharya aghaane mörë. Ono araabhe na öbhömwë na öni, na öni mbe ëkëntö ëkëmwë nawe, naraame bhököngʼu, ko bhoora hano motaabhe hamwë na öni, temokore engʼana hë.

Yohana 17:23

öni neena öbhömwë nabho, na uwe noona öbhömwë na öni. Ku bhuyö nkosabha ndë bhahekeranibhwi kö-bhömwë ubhwabho. Engʼana iyö yo eraaghere abhantö abha ko-kebhara kono bhamanye igha, nu-uwe waantoma, okahansha abhasoorani abhaane bhayö, kya bhono onhanshirë.

Amangʼana agha Abhatomwa 15:17

Hayö ho Abhakyaro bhonswe igho bharintuna, bhonswe igho bhano naabherekera igha bhabhe abhantö abhaane. Mbe, amangʼana ghayö, nendeghakora.

Amangʼana agha Abhatomwa 28:2

Abhamënyi abha hayö bhakatösërëënia bhuuya. Bhakatohootera omorro ughwa ukwota, ko bhoora enkaagha iyö, imbura yaatwanga na embeho okanyoora ërörrë.

Amangʼana agha Abhatomwa 28:4

Abhantö abha kwi-ghinga kuyö, hano bhaarööshë inshoka iyö eraitundya ko-kobhoko ukwa Pauro, bhakatëëbhania igha, “M-maheene igha, ömöntö ono m-mwiti uwa abhantö. Nokaanyoora ahönirë uruku urwa mu-nyansha, kasi risambwa iryëtö reno rekobherekerwa igha Obhoheene tirikwikërrya igha aghëndërri okobha ömöhöru hë.”

Abharuumi 1:14

Naatëëbhibhwa na Waryobha igha, ndaarekenga Amangʼana Amaiya ko-bhantö bhonswe igho. Ndaarekere Abhayunaani na bhano bhatarëngë Abhayunaani, abhasömi na bhano bhataasoma.

Abharuumi 10:12

Ko bhoora Omonene taana ekeroterro ko-Bhayahudi, handë ko-bhantö bhano bhatarë Abhayahudi. Abhantö bhonswe igho, Omonene uwaabho nö-ömwë, ghwiki m-mösërëënia bhököngʼu uwa bhano bhakomosaasaama.

Abharuumi 3:22

Enshera iyö, ne-eera iya ukukumya Yëësu Kiristo. Abhantö bhonswe igho bhano bhakukumya Yëësu Kiristo, Waryobha nkobhabhara arë igha, m-ba heene. Taana ekeroterro kö-möntö wowonswe oora hë.

Abharuumi 3:29

Ndabhöörya igha, Waryobha nu-uwa Abhayahudi abheene igho? Tarëngë Waryobha uwa abhantö abhandë hë? Obhoheene ni-igha, Waryobha nu-uwa abhantö bhonswe igho.

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

1 Abhakörintö 14:11

Mbe, hano oraanyoore igha temanyirë ekeghambo ikya uwöndë, nkobha ndë kya ömöghëni ku-mwene ekeghambo uyö, na umwene wonswe nkobha arë ömöghëni ku-öni.

1 Abhakörintö 7:19

Okosaarwa handë ukwanga okosaarwa te-ngʼana hë. Kasi ekenene, no-koghoota amaraghërryö agha Waryobha.

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhaëfësö 1:23

Ekanisa n-kya ömöbhërë ughwa Kiristo, netahatëëyë öbhömënyi ubhwa Yëësu Kiristo. Yëësu Kiristo uyö, we omohekerano ughwa öbhöhöru ubhwa ëbhëntö bhyonswe igho.

Abhaëfësö 2:14

Ko bhoora Yëësu Kiristo uyö yaatohaana omorembe, akatokora bhëëtö bhano twaarë amakomo abhërë, Abhakyaro na Abhayahudi, tobhe ikomo imwë. Yaakörrë igho ku ukuruusya-ho ekerebherro keno kyaare-ho na okotemora urughito urwa ubhubhisa rono rwaatwahokanianga.

Abhaëfësö 2:15

Ghwiki akaruusya-ho amaraghërryö, imighiro ighya Waryobha na seteemo syonswe igho isya amaraghërryö agha Mosa. Akakora bhohya amakomo abhërë ghayö agha abhantö, Abhayahudi na Abhakyaro, bhakabha ëkëntö këmwë, ku bhuyö akabhareetera omorembe.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Abhaëfësö 3:6

Ësëëmyö iya Waryobha ni-igha, umwandö n-gömwë Abhakyaro bhakosanga na Abhayahudi. Abhantö bhonswe igho bhano bhakukumya Amangʼana Amaiya, bhabhaayë kya ömöbhërë öghömwë, kora nkosanga bharë riraghano reerareera, reno Waryobha yaakörrë okohetera ku-Kiristo Yëësu.

Abhaëfësö 6:8

Momanye igha, Omonene narituha abhantö bhonswe igho, ko amangʼana amaiya ghonswe igho ghano abhatöönööni handë abhaghorwa bhaakora.

Abhakorosaai 2:10

Bhëënyu mwaanyoora obhoheene bhonswe igho ko okoghera iya okobha na öbhömwë na Yëësu Kiristo, uyö we Omonene uwa obhokama na ubhwera bhonswe igho, kora ko bheno bhërëngë ighörö iyö.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

2 Yohana 1:9

Ömöntö wowonswe igho ono atakoghoota amëëghyö agha Yëësu Kiristo, kora ghwiki igha nkoghasyörya arë, uyö taana öbhömwë na Waryobha hë. Kasi ömöntö ono aköghëndërrya okoghoota amëëghyö agha Yëësu Kiristo, uyö naana öbhömwë na bhonswe igho, Taata Waryobha, na Omoona uwa Waryobha.