Abhakorosaai 3:1 - Imuuma Eehya

¹ Bhoono ko bhoora mwaaryoka hamwë na Kiristo, mutune amangʼana agha mu-ryobha iyö Kiristo aikaayë, orobhareka urwa bhoryo ubhwa Waryobha, ahasë aha okosookwa.

Abhakorosaai 3:1 ပူးပေါင်းရင်းမြစ်များ

Mataayo 22:44

‘Omonene Waryobha yaatëëbhëri Omonene uwaane igha, “Ikara bhoryo ubhwane hano, ahasë hano hakosookwa bhököngʼu, okohekera hano ndekokora otashere hansë abhabhisa abhaaho.”’

Mataayo 26:64

Yëësu akamohonshora igha, “Nu-uwe oghambirë igho. Kasi nkobhatëëbhya ndë bhonswe igho igha, ukusimirya reero, moraamaahe öni Omoona uwa Ömöntö nikaayë bhoryo ubhwa Waryobha uwa obhotoro. Ghwiki moreemmaaha ndaasha ndëngë ko-masaarö.”

Mataayo 6:20

Kasi ibheekera ëbhëntö ibhyaho ibhya ubhwera mu-ryobha, ahasë hano amakonde na ikutu bhetaasari, handë umwibhi ukwibha.

Mataayo 6:33

Kasi bhëënyu keno nkobhatëëbhya ni-igha, mwighombenga bhököngʼu, Waryobha abhe Omokama uwëënyu na mobhe abhantö abha heene kya bhono akutuna. Mbe, hayö ho moraahaanwe na ibhyëndë bhyonswe igho bheno mukutuna.

Maariko 12:36

Daudi umwene hano yaatangatirwë na Umwika Ömöhörëëru, yaaghambirë igha, ‘Omonene Waryobha yaatëëbhëri Omonene uwaane igha, “Ikara bhoryo ubhwane hano, ahasë hano hakosookwa bhököngʼu, okohekera hano ndekokora, otashere hansë abhabhisa abhaaho.”’

Maariko 14:62

Yëësu akamohonshora igha, “Nö-öni. Moreemmaaha öni Omoona uwa Ömöntö nikaayë bhoryo ubhwa Waryobha uwa obhotoro, ndaasha ndëngë ko-masaarö.”

Maariko 16:19

Hano Omonene Yëësu yaamarrë kushumaasha nabho, akagheghwa, ukughya mu-ryobha. Akaikara bhoryo ubhwa Waryobha.

Ruuka 12:33

Möghöri ëbhëntö ibhyënyu, musumi abhatöbhu. Ko okokora igho, moraaibhekere emongo mu-bhighushi bheno bhetakosareka mu-ryobha iyö. Mu-ryobha iyö, umwibhi takwibha-yo hë, kora omoswa teghokosarya hë.

Ruuka 20:42

Na eno mbe Daudi umwene, mo-ketabho ikya Zabhuri yaandëkirë igha, ‘Omonene Waryobha yaatëëbhëri Omonene uwaane igha, “Ikara bhoryo ubhwane hano, ahasë hano hakosookwa bhököngʼu,

Ruuka 22:69

Kasi ukurwa bhoono igho, öni Omoona uwa Ömöntö, nendaaikare bhoryo ubhwa Waryobha uwa obhotoro bhwonswe igho.”

Amangʼana agha Abhatomwa 2:34

Daudi umwene tiyaarinirë mu-ryobha hë, kasi yaaghambirë igha, ‘Omonene Waryobha yaatëëbhëri Omonene uwaane igha, “Ikara bhoryo ubhwane hano, ahasë hano hakosookwa bhököngʼu,

Amangʼana agha Abhatomwa 7:55

Kasi Sitefaano, akagharamera mu-ryobha, na eno aishööyë Umwika Ömöhörëëru, akamaaha ubhuhika ubhwa Waryobha, na Yëësu aimërëëyë-ho bhoryo ubhwa Waryobha.

Abharuumi 8:34

Kora taaho ömöntö uwa ukutushibhya hë. Kiristo Yëësu we yaakwa, akamara akaryoka. M-boryo ubhwa Waryobha arë, aratosabhera. Ku bhuyö taritushibhya hë.

Abharuumi 8:6

Ömöntö ono sehakëri isyaye sekotangatwa na esemoko iya öbhököri ubhwa ëbhëbhë, uyö nu-ruku urwa amakora ghonswe igho akwireetera. Kasi ömöntö ono akotangatwa na Umwika Ömöhörëëru, uyö naana öbhöhöru ubhwa amakora ghonswe igho, kora naana omorembe.

2 Abhakörintö 4:18

Ku bhuyö, totakaamaaherra ëbhëntö bheno bhekomaahekana ko-maiso, kasi tomaaherre bheno bhetakomaahekana. Bheno bhekomaahekana, m-bya ibhagha ike igho, kasi bheno bhetakomaahekana, m-bya amakora ghonswe igho.

Abhaëfësö 4:10

Ku bhuyö, Yëësu ono yaaishirë ko-kebhara kono, we uyöuyö ono yaainyökirë ukughya ighörö iyö, okoheteera amasaarö. Yaakörrë igho, okore abhenga ahasë honswe igho.

Abhaëfësö 5:22

Bhëënyu abhakari, ni-igha mwihoote ko-bhashaasha abhëënyu kya bhano mukwihoota ko-Monene,

Abhakorosaai 2:20

Mbe bhëënyu, ko bhoora igha mwaakwa hamwë na Kiristo, yaabhatungurya ukurwa mö-bhëhwë ebheghogho bheno bhekotonga ekebhara keno. Bhoono n-kwakë mokobha okanya igha, m-bantö abha ko-kebhara kono mökërë? N-kwakë mokoghoota amaraghërryö ghano ghakoghamba igha,

Abhakorosaai 3:2

Motemerenga omotwe ghano gharëngë mu-ryobha, motakaaitegherra amangʼana agha ko-kebhara kono.

Abhaëbhuraania 1:13

Waryobha tiyaakatëëbhëri maraika wowonswe oora igha, “Ikara bhoryo ubhwane hano, ahasë hano hakosookwa bhököngʼu, okohekera hano ndekokora otashere hansë abhabhisa abhaaho.”

Abhaëbhuraania 1:3

Uyö we emerengaari ighya ubhuhika ubhwa Waryobha. Kora we ituubho iya heene iya bhono Waryobha arë. We akoghera ëbhëntö bhyonswe igho bheraghëndërrya okobha kya igho bhërë, ko okohetera engʼana iyaaye iya obhotoro. Yaatosaabhuura ëbhëbhë ibhyëtö, akaghya mu-ryobha, akaikara bhoryo ubhwa Waryobha uwa obhotoro, ahasë hano hasookwa bhököngʼu.

Abhaëbhuraania 10:12

Kasi Yëësu Kiristo umwene yaaimwënsirë kamwë igho ko okoghera iya ëbhëbhë. Uyö we ikimwenso ikya amakora ghonswe igho. Akaikara bhoryo ubhwa Waryobha.

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

Abhaëbhuraania 8:1

Engʼana enene ko-ghonswe igho ghayö, yo eno igha, ntoona Omonene uwa abhasëngëri ono arëngë bhoryo ubhwa ikitumbë ikya ekekama ikya Waryobha uwa obhotoro, mu-ryobha iyö.

1 Peetero 3:22

Yëësu Kiristo yaaghëëyë mu-ryobha, na bhoono igho, naikaayë okobhoko ukwa bhoryo ubhwa Waryobha, ahasë hano hakosookwa bhököngʼu. Nkotonga arë abhamaraika, ëbhëntö ëbhëtöngi bhyonswe igho, na bheno bheena obhotoro.