Abhakorosaai 2:8 - Imuuma Eehya

⁸ Mwangarre, ömöntö wowonswe igho atakaabhasirya ëkëkööri ko okohetera amëëghyö agha amangʼana agha kare ghaara, agha amasambwa ghano ghakotonga ekebhara keno. Amëëghyö ghayö, nkwitengʼera gharë seteemo isya abhantö na amasambwa ghano ghakotonga ekebhara keno, ta-mëëghyö agha Kiristo hë.

Abhakorosaai 2:8 ပူးပေါင်းရင်းမြစ်များ

Mataayo 10:17

Mwiyangarre, ko bhoora abhantö abhandë mbaraabhaghoote bhabhahire mo-sebharasa, kora mbarebhatemanga na imishariti mu-sinyumba isya esango iya Abhayahudi.

Mataayo 16:6

Yëësu akabhatëëbhya igha, “Mwiyangarre na ehamiira iya Abhafarisaayo na Abhasadukaayo.”

Mataayo 7:15

Yëësu akaghamba igha, “Mwiyangarre ko-mangʼana agha abharööti abha obhorongo. Nkuusha bharë kö-bhëënyu bhahaabhuhirë kya amangʼöndi. Kasi obhoheene ni-igha, mbanga sishuushë sëmbë.

Amangʼana agha Abhatomwa 17:18

Mbe, Pauro akahomerana na abhamanyi abha rikomo irya idiini ya Ikiepikureo na Ikisitoiko, bhakanyeerana senkaani. Abhandë bhakaghamba igha, “M-mangʼana kë ghano umwibhamböku ono akoghamba?” Abhandë bhakaghamba igha, “Eramaahekana igha, m-biwaryobha ibhya ikyaro ikyëndë akushumaashera.” Mbaaghambirë igho, ko bhoora Pauro yaabharaarëkëëyë Amangʼana agha Yëësu, na agha ukuryoka ukwa abhaku.

Amangʼana agha Abhatomwa 17:32

Mbe, hano bhaaighuurë amangʼana agha ukuryoka ukwa abhaku, abhandë bhakashabhura. Kasi abhandë bhakamötëëbhya igha, “Toratuna ghwiki tukwitegherre ko engʼana iyö.”

Abharuumi 16:17

Bhoono abhakumya bharikyëtö, ndabhasaasaama igha, mwiyangarre ko-bhantö bhaara bhakwëghya amëëghyö agha ukunyaraghania abhantö. Amëëghyö ghayö, kora nkosarya gharë umukumo na seteemo isya abhantö. Abhantö kya bhayö, mobhahete hare, ko bhoora amëëghyö ghaabho teghanga kya ghaara mwëghibhwa hë.

1 Abhakörintö 10:12

Ku bhuyö ono akokanya igha naimërëëyë, angarre atakaaghwa.

1 Abhakörintö 8:9

Kasi mwiyangarre bhuuya, obhomanyi ubhwënyu bhotakaatimba bhanyamukumo mötëntëëru.

2 Abhakörintö 10:5

Nkotemora bhërë amaitegherro na amangʼana ghonswe igho agha ubhwihashi, ghano ghakoghera abhantö bhanga okomanya Waryobha. Nkoghoota törë këghötërëëyë amaitegherro ghonswe igho okore ghaighwere Yëësu Kiristo.

Abhagharatia 1:14

Naakërrë bharikyane abhaaru, abha embaasi iyaane, ku ukwitanera idiini iya ikiyahudi. Naarenga na omotono bhököngʼu, ughwa okoghoota amëëghyö agha abhakörö bhëëtö.

Abhagharatia 4:3

Kora bhëëtö bhonswe ni-igho twaarë, enkaagha eno waanyöörrë Kiristo ataraasha, m-baghorwa twaarenga ko mangʼana agha amasambwa ghano ghakotonga ekebhara keno.

Abhagharatia 4:9

Kasi bhoono igho, momanyirë Waryobha, umwene wonswe nabhamanyirë bhököngʼu. Mbe, bhoono N-kwakë mukutuna ukukyorra okoghoota amangʼana agha kare ghaara agha amasambwa ghano ghakotonga ekebhara keno? Amasambwa ghayö, teghaana ubhwera bhobhonswe bhoora hë. Kasi ghwiki nkutuna mörë mobhe abhaghorwa abha amangʼana ghayö?

Abhagharatia 5:15

Kasi nyoore nkoromana mörë na okoraagherana kya matyënyi, mwiyangarre motakaasha kwisikya bhëënyu abheene.

Abhaëfësö 2:2

Enkaagha iyö, mwaakoranga amangʼana agha ko-kebhara kono. Kora mwaasorananga omotangati omoghogho uyö, Omonene uwa singuru isya ighörö isya amasambwa. Uyö we bhoono igho akokora emeremo mo-bhantö bhano bhatakwighwera Waryobha.

Abhaëfësö 4:20

Kasi bhëënyu, ti-igho mweegha amangʼana agha Yëësu Kiristo hë.

Abhaëfësö 5:6

Motakaikërrya ömöntö wowonswe oora, abhangʼaine ko amangʼana aghaaye agha obhokangi ghano akoghamba. Ko bhoora igha, Waryobha narishibhya abhantö bhano bhatakumwighwera, bhano bhakokora amangʼana amaghogho kya ghayö ngambirë.

Abhafiripi 3:2

Mwiyangarre na abhantö abhaghogho bhano bhakösöhya amaraghërryö agha Mosa mo-kanisa iyëëtö, ko bhoora bhakokangʼasërrya igha, abhantö bhano bhakutuna okobha Abhakiristo ni-igha bhasaarwe.

Abhakorosaai 2:18

Bhaaho abhantö bhano bhakokangʼasërrya amangʼana agha ubhwihöötu ubhwa okomaahwa na abhantö na agha okosengerra abhamaraika. Motakabhaikërrya, bhatakaasha okobharuusya ituho iyëënyu iya amakora ghonswe igho. Abhantö bhayö nkwiheema bharë ko bhoora bhakoghamba igha, bhaamaaha amangʼana ghayö mo-bherooto. Kasi obhoheene ni-igha, amaitegherro aghaabho amaghogho agha bhunyakyaro, ghabhakangihya.

Abhakorosaai 2:20

Mbe bhëënyu, ko bhoora igha mwaakwa hamwë na Kiristo, yaabhatungurya ukurwa mö-bhëhwë ebheghogho bheno bhekotonga ekebhara keno. Bhoono n-kwakë mokobha okanya igha, m-bantö abha ko-kebhara kono mökërë? N-kwakë mokoghoota amaraghërryö ghano ghakoghamba igha,

Abhakorosaai 2:22

Amangʼana ghayö ghonswe igho m-mëëghyö agha abhantö ko ëbhëntö bheno bhekosareka hano bhyamara kokorrwa emeremo ibhagha ike igho.

Abhakorosaai 2:23

No-bhoheene igha, amaraghërryö ghayö, nkomaahekana gharë igha, nga-bhongʼaini, ko bhoora ghaköröndërrya seteemo isya öbhösëngërri seno bhaitoorra-ho abheene, bharaikörya igha m-baihöötu, kora bharabhaaha ömöbhërë kwa ukughusingʼirrya. Kasi amangʼana ghayö, teghakotora okorebherra oronamba urwa ömöbhërë hë.

1 Timoteo 6:20

Timoteo, onaghi bhuuya ghonswe igho ghano Waryobha yaakohaana. Wibhashe amangʼana amanyanku, teghaana ubhwera bhwobhwonswe bhoora hë. Otakaisohya mo-senkaani isya ekekangi, seno abhandë bhakokanya igha, nsyo obhongʼaini.

2 Timoteo 3:13

Kasi abha ëbhëbhë na bhano bhakongʼaina abhantö, mbarëghëndërrya bhököngʼu okokora ëbhëbhë, mbarengʼainanga na okongʼainwa.

Abhaëbhuraania 13:9

Motakaarutwa na amëëghyö aghandëghandë igho amaghëni, ko bhoora m-buuya enkoro ëtërëmibhwi kö örööbhö urwa Waryobha, kasi te-ko okoghera iya seteemo isya amaraghërryö agha ibhyakorya. Abhantö bhano bhaaghoota amangʼana ghayö, tebhanyoora ehoorohooro yoyonswe eera hë.

Abhaëbhuraania 3:12

Abhakumya bharikyane, mwiyangarre, atakaabha-ho ömöntö nyankoro ngogho, ono atakukumya, ono akwiyahora ukurwa ku-Waryobha ömöhöru.

1 Peetero 1:18

Bhëënyu mwaakoranga amangʼana ghano ghataana ubhwera. Amangʼana ghano mwaakoranga, n-gaara abhakörö abhëënyu bhaaghambirë. Bhoono momanye igha, Waryobha tiyaabhatungurya ukurwa ko-teemo iyö okohetera ko ëbhëntö bheno bhekosareka, kya seehera na esahaabhu.

2 Peetero 3:17

Bhoono abhaghonshe abhaane, momarrë okomanya amangʼana agha abhëëghya nyangasheka bhayö, ku bhuyö mwiraarerre, okore motakangʼainwa na obhongʼaini ubhwa abhasarya bhayö, bhobhakore moghwe kora mutighe obhoheene ubhwënyu ubhwa obhoheene.

2 Yohana 1:8

Mbe, ku bhuyö ni-igha mwiyangarrenga, okore omotono ughwënyu ughwa okokorra Waryobha emeremo, ghotakaaheta bhosa igho. Kasi omotono ughwënyu ghuyö, ghobhareetere ehoorohooro iya okobhaisa, eno ikurwa ku-Waryobha.