Abhakorosaai 2:3 - Imuuma Eehya

³ Ku-Yëësu nko emongo iya imbumbure yonswe igho iya obhongʼaini na obhomanyi ërëngë.

Abhakorosaai 2:3 ပူးပေါင်းရင်းမြစ်များ

Mataayo 10:26

Mbe, Yëësu akabhatëëbhya igha, “Motakoobhoha abhantö, ko bhoora ëkëntö kyokyonswe igho keno kikundikiriibhwi, nkerekondokorwa, na kyokyonswe keno kibhisirwë, nkeremaahwa.

Ruuka 11:49

“Kiyö nkyo kyaaghërrë Waryobha ko-bhongʼaini ubhwaye, akaghamba igha, ‘Nendaabhaherre abhatomwa na abharööti, kasi abharööti abhandë, mbaraaitwe, na abhandë mbaraateeswe.’

Abharuumi 11:33

Ubhwamë ubhwa Waryobha, obhomanyi na obhongʼaini ubhwaye, m-byaru bhököngʼu, tebheena ekerengere kyokyonswe igho hë. Taaho ömöntö ono akotora ukwitaaha amaitegherro agha Waryobha, handë ësëëmyö iyaaye.

1 Abhakörintö 1:24

Kasi ko bhano Waryobha yaabhabherekera bhabhe abhaaye, mbakaabha Abhayahudi handë abhantö bhano bhatarë Abhayahudi, Yëësu Kiristo, we obhotoro na obhongʼaini ubhwa Waryobha.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

Abhaëfësö 1:8

Örööbhö n-dwaru bhököngʼu atohaayë, kora aghërrë tobhe na obhongʼaini bhwonswe igho, na okomanya bhuuya amangʼana.

Abhakorosaai 1:19

Ko bhoora Waryobha yaatëghëribhwa igha, obhoheene ubhwaye bhonswe igho bhobhe ku-Kiristo.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

Abhakorosaai 3:16

Engʼana iya Kiristo ebhaikarre ku ubhwaru. Mworokerraninga, morakaanania kwa bhongʼaini bhonswe igho. Mörëëtëringa Waryobha mo-senkoro isyënyu, na ukumukumya ko-sezabhuri, amarëëtyö na sëtënzi isya mo-nkoro.

Abhakorosaai 3:3

Ko bhoora bhëënyu mwaakwa ko mangʼana ghayö. Öbhöhöru ubhwënyu bhoono hamwë bhörë na Kiristo ku-Waryobha. Kasi tebhokomaahekana ko-bhantö abhandë hë.

2 Peetero 1:5

Ku bhuyö mokore omotono, okore umukumo ughwënyu ghwëngëribhwi-ko öbhöntö ubhwa heene, öbhöntö ubhwa heene bhuyö, bhwëngëribhwi-ko obhongʼaini.

Okohonyora 2:17

Ono aana amatwë, aitegherre amangʼana ghano Umwika Ömöhörëëru akötëëbhya amakanisa. Ömöntö wowonswe ono arekera amangʼana ghayö, ndimutuha ituho ekerengere ikya ibhyakorya ibhya emana eno yaabhiswa. Ghwiki nendemohaana reghena rirabhu. Reghena riyö, nurinyoora ryandëkirwë-ko iriina reehya. Taaho ömöntö ono aremanya iriina riyö hë. Kasi ono arehaanwa reghena riyö, we aremanya.”