Abhakorosaai 2:14 - Imuuma Eehya

¹⁴ Waryobha akaruusya-ho amaandeko agha isiirë ghano ghaatushongeranga, akagharuusya-ho këmwë ko okoghatemerra ko-mosarabha.

Abhakorosaai 2:14 ပူးပေါင်းရင်းမြစ်များ

Ruuka 1:6

Bhonswe igho bhabhërë bhayö, m-bantö abha heene bhaarë ku-Waryobha. Na ko okoghoota amaraghërryö na imighiro ighya Waryobha, tebhaarë na isoro hë.

Amangʼana agha Abhatomwa 3:19

Ku bhuyö, mohongore ëbhëbhë ibhyënyu, mukyore ku-Waryobha, abharuusiri-ho ëbhëbhë ibhyënyu, okore siishe senkaagha sensambaaroku, isya okobha-ho ukwa Omonene. Hayö ho Waryobha araabhamuunyi ko okotoma Yëësu Kiristo.

Abhakorosaai 2:20

Mbe bhëënyu, ko bhoora igha mwaakwa hamwë na Kiristo, yaabhatungurya ukurwa mö-bhëhwë ebheghogho bheno bhekotonga ekebhara keno. Bhoono n-kwakë mokobha okanya igha, m-bantö abha ko-kebhara kono mökërë? N-kwakë mokoghoota amaraghërryö ghano ghakoghamba igha,

2 Abhatësarönikë 2:7

Kora bhoono ömötëëyu uyö, nkokora arë emeremo aibhisirë. Kasi tamaahekane hë, okohekera hano ono akomorebherra arëhëënibhwa-ho.

Abhaëbhuraania 7:18

Mbe, Waryobha yaaruusya-ho umughiro ghoora ughwa kare, ko bhoora m-mötëntëëru ghwaarë, kora teghwaarë na ubhwera bhwobhwonswe bhoora hë.

Abhaëbhuraania 8:13

Ku ukushumaashera Imuuma Eehya iyö, Waryobha hayö nkwörökya arë igha, Imuuma iya mbere eera, yaghötirë. Mbe, ëkëntö keno kikusimya okoghota, n-haangʼë kërë kiruho.

1 Peetero 2:24

Yëësu yaaghëghirë ëbhëbhë ibhyëtö kö-möbhërë ughwaye, kora akahanekwa ko-mosarabha. Yaakörrë igho, okore ëbhëbhë bhetakaatobhaaha ghwiki, okore tobhe na öbhömënyi bhono bhökötëghërya Waryobha. Bhëëtö twaahona ko okohetera okotemwa ukwaye.