Abhakorosaai 2:12 - Imuuma Eehya

¹² Mbe, hano mwaabhatiisiibhwi, mwaakurë hamwë na Kiristo, kora ghwiki mokaryoka hamwë nawe ko bhoora mwaaisëghirë obhotoro ubhwa Waryobha ono yaamuryökëri ukurwa mo-bhaku.

Abhakorosaai 2:12 ပူးပေါင်းရင်းမြစ်များ

Ruuka 17:5

Ho abhatomwa bhaatëëbhëri Omonene igha, “Otatwëngërërrya umukumo.”

Amangʼana agha Abhatomwa 14:27

Hano bhaahikirë Antiökia, bhakakora-ho Ikiikaro ikya ekanisa. Bhakatëëbhya abhantö amangʼana ghonswe igho ghano Waryobha yaakörrë okohetera bho, na kya igho yaakörëëyë Abhakyaro enshera iya ukukumya Yëësu.

Amangʼana agha Abhatomwa 2:24

Kasi Waryobha yaamuryökëri ukurwa mo-bhaku. Akamuruusirya-ho öbhörrö ubhwa uruku, ko bhoora singuru isya uruku, tesekaatörrë okomorebherra hë.

Amangʼana agha Abhatomwa 2:32

Yëësu uyö, yaaryökiibhwi na Waryobha ukurwa mo-bhaku, na bhëëtö bhonswe igho bhano toohano, na-bhaimërërri abha engʼana iyö.

Abharuumi 4:24

kasi ngaandëkirwë ko okoghera iya bhëëtö bhonswe igho. Nkötötëëbhya gharë obhoheene igha, hano toraakumi Waryobha ono yaaryökya Omonene uwëëtö Yëësu Kiristo, hayö ho na bhëëtö bhonswe toraabharwe igha, m-ba heene törë.

Abharuumi 7:4

Abhakumya bharikyëtö, amangʼana ni-igho gharë na kö-bhëënyu bhonswe. Kya bhoora ërëngë igha, hano ömöntö yaakwa, takobhandërribhwa ghwiki na amaraghërryö hë, na bhëënyu bhonswe ni-igho ërë igha, temokotangatwa na amaraghërryö agha Mosa hë, mwahanekwa ko-mosarabha hamwë na Yëësu Kiristo. Bhoono bhëënyu na-bhantö abha Yëësu Kiristo mörë. Yëësu Kiristo uyö, yaaryökiibhwi ukurwa mo-bhaku, okore atohaane obhotoro ubhwa okokorra Waryobha emeremo.

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

1 Abhakörintö 15:20

Kasi bhoono obhoheene ni-igha, Kiristo yaaryoka ukurwa mo-bhaku, omotangi uwa bhano bhaakwa.

Abhagharatia 3:27

Bhëënyu bhonswe igho bhano mwaabhatiisibhwa, mwaghootana na Kiristo, mwabha kya bhano mötöörrë Kiristo.

Abhaëfësö 2:8

N-ko okoghera iya örööbhö urwa amaabhë aghaaye, nkyo kyaaghërrë Akabhatöörya ku umukumo ghono moonagho ku-Yëësu Kiristo. Tiyabhatöörya ko okoghera igha mwaamokorra ëkëntö kyokyonswe keera, ti-igho hë, kasi iyö ni-tuho eno Waryobha yaabhahaana.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Abhaëfësö 3:7

Bhoono öni emeremo ighyane, no-koraareka Amangʼana Amaiya kö örööbhö urwa amaabhë agha Waryobha ghano yaankörëëyë ko obhotoro ubhwaye.

Abhaëfësö 4:5

Bhonswe igho ntoona Omonene ömwë ooraoora, umukumo ughwëtö n-gömwë, na obhobhatiisyo bhwonswe m-bömwë.

Abhaëfësö 5:14

nkyo kekoghera eraghambwa igha, “Bhooka uwe ono oraayë, uryoke urwe mo-bhaku na obhorabhu ubhwa Yëësu Kiristo mboraakömërëkëri.”

Abhafiripi 1:29

Ko bhoora tukukumya Kiristo ukwene igho mwaahaanwa, kasi kora inyanko yonswe mwatoorrwa-ho ko okoghera iya we.

Abhakorosaai 1:29

Ko okoghera iya engʼana iyö, neena omotono ughwa okokora emeremo bhököngʼu, ku singuru seno Kiristo akongʼaana.

Abhakorosaai 2:13

Bhëënyu n-kya abhaku mwaarë ko okoghera iya ëbhëbhë ibhyënyu, kora temwarenga moraasaarwa esaaro iya ëbhëbhë ibhëënyu. Kasi Waryobha yaabhahaana öbhöhöru hamwë na Kiristo, hano yaatwabhëëyë ëbhëbhë ibhyëtö bhyonswe igho.

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

Abhaëbhuraania 6:2

Totakaakyorra amëëghyö agha obhobhatiisyo, okosambekera amabhoko, ukuryoka ukwa abhaku na okobhotorrwa ikiina ukwa amakora ghonswe igho.

1 Peetero 3:21

Amanshë agha ëhöörö iyö në-kërëngyö ikya obhobhatiisyo bhono bhokobhatöörya bhëënyu reero eno, ti-igha nu-kuruusya ubhunyanku kö-möbhërë hë, kasi no-kobha na enkoro inshiiya ku-Waryobha. Amangʼana ghayö, nkobha gharë okohetera ukuryoka ukwa Yëësu Kiristo.