Abhakorosaai 1:8 - Imuuma Eehya

⁸ Uyö we yaatötëëbhëri amangʼana agha righonshe iryënyu reno rikurwa ku-Mwika Ömöhörëëru.

Abhakorosaai 1:8 ပူးပေါင်းရင်းမြစ်များ

Maariko 4:22

Ni-igho igha, kora teeho engʼana eno ibhisirwë, eno etarehonyorwa. Ghwiki, tereeho ryoryonswe igho reno rikundikiribhwi, reno retarekondokorwa.

Abharuumi 15:30

Abhakumya bharikyëtö, ko okorengʼaana na umukumo ughwëtö ghono toonagho ko-Monene uwëëtö Yëësu Kiristo, na okorengʼaana na righonshe reno tokohaanwa na Umwika Ömöhörëëru, ndabhasaasaama ko enkoro iyaane yonswe igho igha, möghëndërri okobha na omotono ughwa okonsabhera ku-Waryobha.

Abharuumi 5:5

Ubhweseghe bhuyö, tëbhötösöökërri hë, ko bhoora Waryobha yaatohaana righonshe rinene mo-senkoro isyëtö, okohetera Umwika Ömöhörëëru uwaaye.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhakorosaai 1:4

Nkokora törë igho, ko bhoora twaighwa amangʼana agha umukumo ughwënyu ku-Kiristo Yëësu, na bhono mohanshirë abhantö abha Waryobha bhonswe igho.

2 Timoteo 1:7

Okorenga igho, ko bhoora igha, umwika ghono Waryobha yaatohaana, tu-ughwa obhoobha hë, kasi nu-ghwa okotohaana singuru, righonshe na obhotoro ubhwa ukwirebherra.

1 Peetero 1:22

Öbhömënyi ubhwënyu, nkorengʼaana bhörë na amëëghyö agha heene agha amangʼana agha Yëësu Kiristo. Ku bhuyö senkoro isyënyu syasaabhuurwa, na bhoono nkotora mörë okohansha abhakumya bharikyënyu këmwëkëmwë. Mbe, mohanshane bhököngʼu,