Abhakorosaai 1:6 - Imuuma Eehya

⁶ Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

Abhakorosaai 1:6 ပူးပေါင်းရင်းမြစ်များ

Mataayo 24:14

Kora ghwiki ni-igha, Amangʼana Amaiya agha Obhokama ubhwa Waryobha, ngareraarekwa ko-kebhara kyonswe igho, okore ghabhe kya ubhwimërërri ku-bhyaro bhyonswe igho. Hayö bhoono, ho urusikö urwa umuhiko rurihika.

Mataayo 28:19

Ku bhuyö ni-igha moghende mokore abhantö bhonswe igho bhabhe abheegha abhaane, ko okobhabhatiisya ku iriina irya Taata, irya Omoona, na irya Umwika Ömöhörëëru.

Maariko 16:15

Akabhatëëbhya igha, “Moghende ko-kebhara kyonswe igho, moraarekere abhantö bhonswe igho Amangʼana Amaiya.

Maariko 4:8

Kasi seheke isyëndë, sekaghwa ko-marobha amaiya, sekamera, sekakiina kora sekaama bhököngʼu. Eheke ëmwë iya imbusiro, ekaama sehagho merongo etatö, iyëndë merongo esansabha, na iyëndë righana imwë!”

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 17:19

Ndaitoora-ho öni umwene ku-uwe, ko okoghera iya bho, okore bhahörëëribhwi ko obhoheene ubhwaho.

Yohana 4:23

Kasi enkaagha eraasha, kora bhoono yaahikirë, eno abhantö bhano bhakosaasaama Taata Waryobha ko obhoheene, mbaremosaasaamanga ku Umwika, na ko obhoheene. Ko bhoora abhantö kya bhayö, mbo Taata Waryobha akutuna bhamosaasaamenga.

Amangʼana agha Abhatomwa 11:18

Hano Abhayahudi bhayö bhaaighuurë amangʼana ghayö, bhakakira kiri. Bhakatöönia Waryobha bharaghamba igha, “Waryobha ahaayë Abhakyaro umweya, ughwa okohongora ëbhëbhë ibhyaho, okore bhanyoore öbhöhöru ubhwa amakora ghonswe igho!”

Amangʼana agha Abhatomwa 12:24

Amangʼana agha Waryobha, ghakaghëndërrya okoromaana ko-bhantö, na abhakumya bhakaaruha bhököngʼu.

Amangʼana agha Abhatomwa 16:14

Mo-bhantö bhano bhaatwitegherranga, yaare-mo omokari uwöndë uwa umughi ughwa Tiyatira, ono yaabherekerwanga igha Ridia. Ridia m-möhönia yaarë uwa singibho sinshiiya isya erangë këësërö, omokari uyö, yaasookanga Waryobha. Omonene Yëësu akaghoota enkoro iya Ridia, enkaagha eno yaaitegherranga amangʼana ghano Pauro yaaghambanga. Akakumya amangʼana ghayö, akabhatiisibhwa.

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Abharuumi 1:13

Abhakumya bharikyëtö, nkutuna ndë momanye igha, naatunanga bhököngʼu igha niishe mbamaahe, kasi nanyabhoono, nkorebherrwa nkërë. Nkutuna ndë niishe kö-bhëënyu iyö, okore ndute abhantö bhakumi Omonene Yëësu, kya bhoora naakörrë mo-Bhakyaro abhandë.

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.

Abharuumi 15:28

Hano ndemara okohaana abhakumya bhayö ekehaheeno kiyö, nendeheta mmaahane na bhëënyu enkaagha eno urinyoora ndëngë ko-roghendo urwa Hisipania.

Abharuumi 16:26

Bhoono amangʼana harabhu igho gharë okohetera ko-Maandeko Amahörëëru agha abharööti. Amangʼana ghayö agha imbumbure, ngamanyekaini ku-bhyaro bhyonswe igho. Waryobha uwa amakora ghonswe igho, we yaaraghërrya igha, obhoheene bhuyö bhoraarekwe ko-bhantö abha ibhyaro bhyonswe igho, okore abhantö bhayö, bhakumi Omonene Yëësu Kiristo, kora bhakore bhono akutuna.

2 Abhakörintö 10:14

Enkaagha eno twaaishirë kö-bhëënyu hayö, tetwahëtërëëyë orotonga urwa ghano twaatörëëywë-ho hë. Bhëëtö, mbo twaatangatirë okobhareetera Amangʼana Amaiya agha Yëësu Kiristo.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

Abhaëfësö 3:2

Nemanyirë igha, mwaighwa emeremo gheno Waryobha yaangʼaana kö örööbhö urwaye urwa amaabhë aghaaye, okore mbaraarekere bhëënyu Abhakyaro engʼana iyaaye.

Abhaëfësö 4:21

Keno mwaaighwa ko amangʼana agha Yëësu, na keno abhëëghya abhëënyu bhaabhëëghya, m-maheene igha bhuyö no-bhoheene ubhwa ukurwa ku-Yëësu Kiristo, ubhwa amangʼana aghaaye kya igho gharë.

Abhaëfësö 4:23

Bhakabhatëëbhya igha, mutighe Waryobha abhakore bhohya mo-maitegherro aghëënyu.

Abhaëfësö 5:9

Ndabhatëëbhya igho ko bhoora igha, ëbhëntö ibhiiya bhyonswe igho, ibhya heene na ibhya obhoheene, no-bhorabhu bhokobhereeta.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Abhafiripi 4:17

Motakaakanya igha nkobhatëëbhya ndë igho, okore möghëndërri okondeetera ëbhëntö, ti-igho hë. Kasi keno nkutuna ni-igha, Waryobha abhangʼoore okohetera ökösërëënia ukwënyu.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

1 Abhatësarönikë 1:5

Ntomanyirë igha, Amangʼana Amaiya ghano twaabharaarëkëëyë, te-mangʼana agheene igho ghaarë hë, kasi ntwaaraarëkirë ku singuru, na okohetera ku-Mwika Ömöhörëëru, eno toona obhoheene igha, amangʼana ghayö na-agha obhoheene. Bhëënyu mmönyirë bhuuya kya igho twaarë hamwë na bhëënyu, okore tobhatöörri.

1 Abhatësarönikë 2:13

Bhëëtö tetokorosa ukukumya Waryobha hë, ko bhoora hano mwaaighuurë engʼana iyaaye eno twaabharaarëkëëyë, temwaghëghöötirë okanya igha nkö-möntö iruurë hë. Kasi mwaaghëghöötirë igha, ni-iya Waryobha, na maheene ni-igho ërë. Engʼana iyö, nkokora ërë emeremo mo-senkoro isyënyu, bhëënyu bhano mukukumya.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

1 Peetero 5:12

Siriwano umukumya murikyëtö ono öni manyirë bhuuya igha, m-möntö uwa heene, we antöörëëyi okobhandekera ritashandighi iryëngʼë reno. Nkutuna ndë mbatërëmi ko okobhatëëbhya obhoheene igha, amangʼana ghano, obhoheene nö-rööbhö urwa Waryobha. Ku bhuyö ni-igha monaghe ko okohetera örööbhö ruyö!