Abhakorosaai 1:3 - Imuuma Eehya

³ Nkobhasabhera törë nkaagha syonswe igho, na torakumya Waryobha, Suwaabho Omonene uwëëtö Yëësu Kiristo.

Abhakorosaai 1:3 ပူးပေါင်းရင်းမြစ်များ

Abharuumi 15:6

Hayö ho bhonswe igho moraatore ökötöönia Waryobha, Suwaabho Omonene uwëëtö Yëësu Kiristo, kwa enkoro ëmwë, na obhoghambi öbhömwë.

1 Abhakörintö 1:4

Nkukumya ndë Waryobha sinsikö syonswe igho, ko okoghera iya bhëënyu, ko okoghera iya örööbhö urwaye rono yaabhahaana okohetera ku-Kiristo Yëësu.

2 Abhakörintö 1:3

Akumibhwi Waryobha, Suwaabho Omonene uwëëtö Yëësu Kiristo, Taata nyamaabhë, Waryobha ono aköröörësya ko amangʼana ghonswe igho.

Abhaëfësö 1:15

Nkukumya ndë Waryobha ko okoghera iya amangʼana ghonswe igho ghano yaatokorra. Kerenga naighwa kya bhono mukukumya Omonene Yëësu, na bhono mohanshirë abhantö abha Waryobha bhonswe igho,

Abhaëfësö 6:18

Mosaasaamenga nkaagha syonswe igho, kya bhono Umwika Ömöhörëëru akobhatangata, okore mwiraarerre. Möghëndërri okosaasaamera abhantö abha Waryobha bhonswe igho.

Abhafiripi 4:6

Motakaanyankeranga engʼana yoyonswe eera, kasi ko-ghonswe igho, ni-igha mosaasaamenga na okosabha Waryobha keno mukutuna. Hano mwamosaasaama, mosangania ukumukumya.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.

Abhakorosaai 1:9

Ku bhuyö ukusimirya hano twaaighuurë urwa mbere amangʼana aghëënyu amaiya ghayö, nkobhasabhera törë, kora tetwakasinyirë hë. Torasabha igha, Waryobha abhahaane obhomanyi bhonswe igho ko ghano akutuna igha mokore, abhahaane na obhongʼaini bhonswe igho ubhwa amangʼana ghano ghakurwa ku-Mwika Ömöhörëëru.

1 Abhatësarönikë 1:2

Nkukumya törë Waryobha senkaagha syonswe igho, ko okoghera iya bhëënyu bhonswe igho, kora titukusinya okobhasabhera hë.

2 Timoteo 1:3

Öni nkukumya ndë Waryobha ono nkokorra emeremo ko amaitegherro amaiya, kya bhoora abhakörö abhaane bhamokorranga emeremo. Ku bhuyö, nkukuhiita ndë senkaagha syonswe igho ko-masabhi aghaane ubhutikö na omobhasö.