Abhakorosaai 1:16 - Imuuma Eehya

¹⁶ Ko bhoora ëbhëntö bhyonswe igho bhyaabhömbirwë okohetera ku-uyö, ibhya mu-ryobha na ibhya ko-kebhara, bheno bhekomaahekana na bheno bhetakomaahekana, mbokaabha ubhwera handë obhokama, obhonene handë singuru. Bhyonswe igho mbyaabhömbirwë, ko okoghera iya we.

Abhakorosaai 1:16 ပူးပေါင်းရင်းမြစ်များ

Yohana 1:10

Uyö we yaarë ko-kebhara kono, kora ekebhara nkyaabhömbirwë okohetera ku-uyö, kasi abhantö tebhaamomanyërrëëyi hë.

Yohana 1:3

Ëbhëntö bhyonswe igho, mbyaabhömbirwë ko okohetera ku-uyö akobherekerwa igha Engʼana, kora tekeeho ëkëntö kora ëkëmwë keno ketaabhömbirwë okohetera ku-uyö.

Abharuumi 11:36

Ko bhoora Waryobha we yaabhomba ëbhëntö bhyonswe igho, ëbhëntö bhyonswe nku-mwene bhikurwa, ëbhëntö bhyonswe igho höbhërë ko okoghera iya obhotoro ubhwaye. Ubhuhika nu-bhwaye amakora ghonswe igho. Amina.

Abharuumi 8:38

Nemanyirë bhuuya igha, teeho engʼana eno eraakaani Waryobha atakaatohansha. Ntokaabha bhahöru, handë ntokaakwa, kasi Waryobha naraaghëndërri okotohansha. Kora taaho maraika, handë abha ubhwera, handë ëbhëntö bhyonswe igho ibhya obhotoro, tebheetore ukutwahora ukurwa ku-righonshe irya Waryobha. Nekaabha igha na amangʼana ghano ghakwikora bhoono igho, handë ghano ghariisha, handë ibhya mu-ryobha, handë ibhya mu-kyaro ikya abhaku, handë ëbhëntö ibhyëndë bhyobhyonswe bheera, tebheetore okorebherra Waryobha atakaatohansha. Righonshe riyö yaarehonyora kö-bhëëtö, ko okohetera ko-Monene uwëëtö Kiristo Yëësu.

Abharuumi 9:5

Abhaisiraëri bhayö, mbo bhaasëmökirë ukurwa ko-bhakörö abhaabho, bhaabho Ibhurahimu, Isaaka na Yaakobho. Kinyabhantö, Kiristo m-Mwisiraëri yaarë. Kiristo ono arëngë igha we Waryobha Omonene uwa bhyonswe igho, akumibhwi amakora ghonswe igho! Amina.

1 Abhakörintö 8:6

kasi kö-bhëëtö, Waryobha nö-ömwë igho, kora we Taata uwëëtö. Uyö we yaabhömbirë ëbhëntö bhyonswe igho. Kora öbhöhöru ubhwëtö ntonabho okore tutighinkanerenga Waryobha. Kora aaho Omonene ömwë igho, uyö we Yëësu Kiristo, ëbhëntö bhyonswe igho mbyaabhömbirwë okohetera ku-uyö, na öbhöhöru ubhwëtö nku-uyö bhokohetera.

Abhaëfësö 1:10

Ësëëmyö iyaaye ni-igha hano enkaagha inshiiya irihika, naretoora hamwë ëbhëntö bhyonswe igho, ibhya mu-ryobha na ibhya ko-kebhara kono, kora akore Kiristo Yëësu abhe omotangati uwa ëbhëntö bhiyö.

Abhaëfësö 6:12

Nkobhatëëbhya ndë igho ko bhoora igha, riihë reno tukwitana, ti-irya kinyabhantö hë, kasi nkwitana törë riihë na ëbhëntö bheno bhetakomaahwa, ibhya ubhwera na obhotoro. Nkwitana törë riihë na abhanene abha amangʼana amaghogho, bhano bhakotonga ekebhara keno. Nkwitana törë riihë na amasambwa ghonswe igho ghano ghakokora amangʼana amaghogho, na amatöngi agha ahasë hano hatakomaahwa.

Abhafiripi 2:10

okore ëbhëntö bhyonswe igho, bhesooke iriina irya Yëësu, ibhya mu-ryobha, ibhya ko-kebhara na ibhya mu-kyaro ikya abhaku.

Abhakorosaai 1:15

Kiristo nkwörökya arë harabhu igho, bhono Waryobha arë, nokaanyoora igha, takomaahekana hë. Kiristo uyö we omoona omotangi ono aana ubhwera kö-bhëntö bhyonswe igho.

Abhakorosaai 1:20

Ghwiki Waryobha akaighwerrania ëbhëntö bhyonswe igho nawe, ko okohetera ku-Kiristo, ëbhëntö ibhya ko-kebhara kono, kora na bheno bhërëngë mu-ryobha. Yaakörrë igho, ko okoreeta omorembe okohetera amaanyinga agha Yëësu, ghano ghaitëkirë ko-mosarabha.

Abhakorosaai 2:10

Bhëënyu mwaanyoora obhoheene bhonswe igho ko okoghera iya okobha na öbhömwë na Yëësu Kiristo, uyö we Omonene uwa obhokama na ubhwera bhonswe igho, kora ko bheno bhërëngë ighörö iyö.

Abhakorosaai 2:15

Ko okohetera omosarabha, Waryobha akaruusya amasambwa obhokama ubhwagho na ubhwera ubhwagho akaghakera ku ukukirirrya, akaghasöökërrya harabhu igho.

Abhaëbhuraania 1:2

Kasi bhoono, ko-senkaagha seno isya umuhiko, nkushumaasha arë na bhëëtö, okohetera ko-Moona uwaaye. Uyö we Waryobha yaashaaghora, araaghere umwandö ughwa ëbhëntö bhyonswe igho. Kora ghwiki Waryobha yaabhömbirë ekebhara okohetera ku-uyö.

Abhaëbhuraania 2:10

Waryobha we yaabhomba ëbhëntö bhyonswe igho, akabhetoora bhuyö bhërëngë. Yaatëghëribhwi okoreeta abhantö abhaaru mu-bhuhika ubhwaye, ku bhuyö yaakörrë Yëësu ahekerane ko okohetera amateeso ghayö yaanyöörrë. Yëësu uyö, we esemoko iya öbhöhönia.

1 Peetero 3:22

Yëësu Kiristo yaaghëëyë mu-ryobha, na bhoono igho, naikaayë okobhoko ukwa bhoryo ubhwa Waryobha, ahasë hano hakosookwa bhököngʼu. Nkotonga arë abhamaraika, ëbhëntö ëbhëtöngi bhyonswe igho, na bheno bheena obhotoro.