Abhakorosaai 1:12 - Imuuma Eehya

¹² na eno morakumya Taata Waryobha, ko bhoora abhakörrë mobhe abhasangi abha ikitweno ikya umwandö ughwa abhantö abhaaye, mo-Bhokama ubhwaye ubhwa emerengaari.

Abhakorosaai 1:12 ပူးပေါင်းရင်းမြစ်များ

Mataayo 25:34

“Ho bhoono öni Omokama ndëtëëbhya bhaara urinyoora bharëngë bhoryo bhwane igha, ‘Bhëënyu, muushe hano, ko bhoora mwangʼoorwa na Taata. Mosohe mo-Bhokama bhono Waryobha yaabhasëëmërya, ukurwa haara yaabhömbirë ekebhara keno.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 20:17

Yëësu akamötëëbhya igha, “Tigha, otakangoota. Tendariina ukughya ighörö iyö ko-Taata hë. Keno nkökötëëbhya ni-igha, kaghi ötëëbhi abhahiiri abhaane igha, ‘Ndaghya mu-ryobha ko-Taata, ono arëngë Suwëënyu na bhëënyu bhonswe, ku-Waryobha uwaane na bhëënyu bhonswe n-Waryobha uwëënyu.’”

Yohana 4:23

Kasi enkaagha eraasha, kora bhoono yaahikirë, eno abhantö bhano bhakosaasaama Taata Waryobha ko obhoheene, mbaremosaasaamanga ku Umwika, na ko obhoheene. Ko bhoora abhantö kya bhayö, mbo Taata Waryobha akutuna bhamosaasaamenga.

Amangʼana agha Abhatomwa 20:32

“Bhoono ndabhatoora ku-Waryobha, na ko engʼana iya örööbhö urwaye. Engʼana iyö, yo ekotora okobhatogheka ebhakore mobhe abhasangi abha umwandö hamwë na abhantö bhonswe igho bhano bhasaabhuurwa.

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Abharuumi 11:17

Amasagharya aghandë ghaagheeshwa, na bhëënyu bhano monga kya Ëmëzëituuni ighya mwi-sisi mokaroobhwa-ko, okore mosange hamwë na amasagharya agha ömözëituuni ghono ghotarë ughwa mwi-sisi.

Abharuumi 15:27

Na-bheene igho mbo bhaatunirë igha bhakore igho. Obhoheene ni-igha, ni-siirë bhakohaka, ko bhoora Abhakyaro na Abhayahudi bhabhaayë ëkëntö këmwë ko-bhongʼoore ubhwa öbhötöörya bhono bhokohetera ko-Bhayahudi. Ko okoghera iya engʼana iyö, ni-igha abheene bhonswe bhabhatöörri-ko amangʼana agha kinyamöbhërë, kö-bhëntö bheno bhataanabhyo.

Abharuumi 8:17

Mbe, nyoore bhëëtö m-baana abha Waryobha törë, m-bëëtö abhari abha umwandö ughwa Waryobha, hamwë na Yëësu Kiristo. Kasi bhoono keno kikutunwa, nö-köghömërrya inyaanyi kya bhono Kiristo yaaghömërrëëyi. Hayö bhoono ho törëtöönibhwa hamwë nawe.

Abharuumi 9:23

Yaakörrë igho ko okoghera iya abhantö bhano yaasëëmëri igha, nakaabhaabhëëyë. Yaasëëmëri ghayö ukurwa kare igha, arebhahaana ubhuhika ubhwaye.

1 Abhakörintö 8:6

kasi kö-bhëëtö, Waryobha nö-ömwë igho, kora we Taata uwëëtö. Uyö we yaabhömbirë ëbhëntö bhyonswe igho. Kora öbhöhöru ubhwëtö ntonabho okore tutighinkanerenga Waryobha. Kora aaho Omonene ömwë igho, uyö we Yëësu Kiristo, ëbhëntö bhyonswe igho mbyaabhömbirwë okohetera ku-uyö, na öbhöhöru ubhwëtö nku-uyö bhokohetera.

1 Abhakörintö 9:23

Nkokora ndë amangʼana ghayö ghonswe igho, ko okoghera iya Amangʼana Amaiya, okore nsange na abhandë obhongʼoore ubhwa Amangʼana Amaiya ghayö.

2 Abhakörintö 11:14

Engʼana kya iyö ti-iya ököröghöörya hë, ko bhoora kora Oghosambwa, ughwene ghwonswe nkwikora ghörë igha, ngwo maraika uwa obhorabhu.

2 Abhakörintö 5:5

Waryobha we yaatösëëmya ko okoghera iya amangʼana ghayöghayö, kora we yaatohaana Umwika uwaaye, okore abhe ekebhete ikya ukwörökya igha, keno yaaraghania, nkerebha.

Abhaëfësö 1:11

Ghwiki Waryobha yaatushaaghööyë bhëëtö Abhayahudi tobhe abhantö abhaaye, ko okotohaana öbhömwë na Yëësu Kiristo. Yaatushaaghööyë ko bhoora igha, iyö në-sëëmyö iyaaye yaarë ukurwa kare. Akakora ëbhëntö bhyonswe igho bhebhe kya bhono akutuna.

Abhaëfësö 1:18

Ghwiki nkobhasabhera ndë igha, abhatöörri momanye obhoheene, okore momanye ubhweseghe bhono yaaraghaini kö-bhëënyu hano yaabhabhërëkëëyë. Momanye ubhwaru ubhwa obhongʼoore ubhwaye bhono yaaraghaini igha akaahaayë abhantö abhaaye.

Abhaëfësö 2:18

Ko bhoora Yëësu Kiristo yaahanëkirwë ko-mosarabha, okore bhëëtö bhonswe igho, Abhakyaro na Abhayahudi tunyöörrë enshera iya ukusuntarra Waryobha Taata uwëëtö, okohetera ku-Mwika Ömöhörëëru ömwë uyöuyö.

Abhaëfësö 3:6

Ësëëmyö iya Waryobha ni-igha, umwandö n-gömwë Abhakyaro bhakosanga na Abhayahudi. Abhantö bhonswe igho bhano bhakukumya Amangʼana Amaiya, bhabhaayë kya ömöbhërë öghömwë, kora nkosanga bharë riraghano reerareera, reno Waryobha yaakörrë okohetera ku-Kiristo Yëësu.

Abhaëfësö 4:6

Bhonswe igho nkosaasaama törë Waryobha, we Taata uwëëtö bhonswe igho. We ömötöngi uwëëtö bhonswe igho, nkokora arë emeremo ighyaye okohetera kö-bhëëtö, na mmö-bhëëtö bhonswe igho amënyirë.

Abhaëfësö 5:11

Motakaaghootana okokora amangʼana ghano ghataana ubhwera, ghano ghakokorwa na abhantö abha mu-kisuntë, kasi mohamere amangʼana kya ghayö.

Abhaëfësö 5:20

Mukuminga Taata uwëëtö Waryobha nkaagha syonswe igho, ko amangʼana ghonswe igho, ko okoghera iya amangʼana ghano Omonene uwëëtö Yëësu Kiristo yaakora.

Abhaëfësö 5:4

Kora amangʼana agha sënsöni na agha ubhusheema handë senkaani, ghayö teghakokorwa na abhantö kya bhëënyu hë, kasi bhoono engʼana iya okokora, nu-kukumya Waryobha ko-keno yaabhakorra.

Abhaëfësö 5:8

Nokaanyoora igha kare hayö mmu-kisuntë mwaarë, kasi bhoono igho mösöhirë mo-bhorabhu ko bhoora mobhaayë na öbhömwë na Omonene Yëësu Kiristo. Ku bhuyö mokore amangʼana kya abhantö bhano bharëngë mo-bhorabhu.

Abhakorosaai 2:2

Nkokora ndë igho, okore senkoro isyabho setereme, bhabhe ëkëntö ëkëmwë ku righonshe, bhanyoore obhongʼaini bhono bhoraaghere bhamanye bhuuya igha, Yëësu Kiristo we ësëëmyö iya Waryobha.

Abhakorosaai 3:15

Omorembe ughwa Kiristo ghobhaahe senkoro isyënyu, ko bhoora bhëënyu bhano mörëngë imyaho ighya ömöbhërë, mwabherekerwa igha mobhe na omorembe. Mobhe abhakumya Waryobha.

Abhakorosaai 3:17

Ghonswe igho ghano mokoghamba handë okokora, mokorenga okohetera iriina irya Omonene Yëësu Kiristo, na eno morakumya Taata Waryobha ko okohetera ku-uyö.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 12:23

Muhikirë ko-sango iya abhatangi abha Waryobha, bhano bhandëkirwë mu-ryobha iyö. Mwishirë ku-Waryobha, ono akobhotorra ibhiina abhantö bhonswe igho. Mwishirë ahasë hano senkoro isya abhantö abha heene, bhano bhahekeranibhwa sërëngë.

Abhaëbhuraania 3:1

Mbe, bhëënyu abhakumya abhahörëëru bharikyane, bhano Waryobha yaashaaghora igha mobhe abhantö abhaaye, mwitegherre bhuuya amangʼana agha Omotomwa Yëësu Kiristo, ono arëngë Omonene uwa abhasëngëri uwa umukumo ghono tukwikërrya.

Abhaëbhuraania 3:14

Ku bhuyö nkoghootana törë hamwë na Yëësu Kiristo, hano twesegha Waryobha kya bhono twaamukumiri, tokamwesegha, töghëndërri ighoigho na okohekera ku-muhiko.

Yaakobho 3:9

Mbe, örörëmë nkoghera rörë tukumya Taata Waryobha Omonene uwëëtö. Örörëmë ruyöruyö, ndwo rokoghera toraihiima abhantö bhano bhaabhombwa na Waryobha ku ituubho iyaaye.

1 Peetero 5:1

Bhoono nkushumaasha ndë na bhëënyu abhaghaaka abha ekanisa. Öni m-moghaaka murikyënyu ndë, ono naamaaha na amaiso aghaane bhono Kiristo yaatëësirwë. Ghwiki öni m-mosangi murikyënyu ndë, uwa ubhuhika bhono bhoraamaahekane bhöngö hano. Ku bhuyö nkobhasaasaama ndë igha,

1 Yohana 1:3

Uyö twaamaaha na ukumwighwa, we tokobharaarekera amangʼana aghaaye. Torabharaarekera, okore mobhe na öbhömwë na bhëëtö ubhwa ukumukumya. Bhëëtö ntoona öbhömwë na Taata Waryobha, bhaana Omoona uwaaye Yëësu Kiristo.

Okohonyora 21:23

Umughi ghuyö, tëghötöndörrëywë na emerengaari ighya iryobha handë ighya umwëri, ko bhoora ubhuhika ubhwa Waryobha, mbwo bhokobharra umughi ghuyö, na Omoona Ringʼöndi we ëkëmörë.

Okohonyora 22:14

Mbe, nyakara abhantö bhano bhakufura singibho isyabho, okore bhaikërërribhwi bhasohe mu-mughi omohya ghuyö, okohetera mu-bhihiita ibhyagho, na bharaagherenga sehagho isya ömötë ughwa öbhöhöru.

Okohonyora 22:5

Ubhutikö tebhorebha mu-mughi ghuyö röndë hë. Abhantö tebharëtönibhwa na setara, handë emerengaari ighya iryobha hë, ko bhoora Omonene Waryobha, we arebha obhorabhu ubhwabho. Abhantö bhayö, mbaretonga amakora ghonswe igho.