Abhakorosaai 1:10 - Imuuma Eehya

¹⁰ Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhakorosaai 1:10 ပူးပေါင်းရင်းမြစ်များ

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 15:8

Hano moraame sehagho sinsharu na okobha abheegha abhaane abha heene, hayö noraanyoore möröörökya ubhuhika ubhwa Taata aharabhurabhu igho.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Abharuumi 1:13

Abhakumya bharikyëtö, nkutuna ndë momanye igha, naatunanga bhököngʼu igha niishe mbamaahe, kasi nanyabhoono, nkorebherrwa nkërë. Nkutuna ndë niishe kö-bhëënyu iyö, okore ndute abhantö bhakumi Omonene Yëësu, kya bhoora naakörrë mo-Bhakyaro abhandë.

Abharuumi 4:12

Ibhurahimu, we yaakorwa abhe suwaabho abhatasaarwa, kasi n-hano bharaakumi Waryobha. Ibhurahimu n-suwaabho bhano bhakukumya Waryobha, kya bhono umwene yaakumiri, kora ataraasaarwa.

Abharuumi 6:4

Ensonga iyaamo ni-igha, hano twaabhatiisiibhwi, ntwaabhaayë kya bhano tukuurë na okobheekwa hamwë nawe. Yëësu Kiristo yaamarrë akaryoka ko obhotoro obhonene ubhwa Taata Waryobha, ku bhuyö na bhëëtö bhonswe, ni-igha tobhe na eteemo iya öbhömënyi obhohya.

2 Abhakörintö 2:14

Kasi tukumi Waryobha ono aköghëndërrya okototangata senkaagha syonswe igho ku ukushengera obhobhaahi ubhwa Yëësu Kiristo. Waryobha nkoghera arë abhantö ahasë honswe igho, bhamanya Yëësu Kiristo okohetera kö-bhëëtö, nkobha ërë kya ukurumbaasa ukwa ikirumba ikiiya.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

2 Abhakörintö 5:9

Ntokaabha na ëmëbhërë gheno, handë igha ntokaamenya hamwë na Omonene, kasi keno tokokora no-motono okore ashomerwe.

2 Abhakörintö 9:8

Hayö ho Waryobha araabhangʼoore bhököngʼu, okokera bhono mukutuna, okore nkaagha syonswe igho, mobhe na kera ëkëntö keno mukutuna. Ni-igho araabhakorre, okore möghëndërri okokora amangʼana amaiya amaaru agha ökötöörrya abhantö.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhaëfësö 2:10

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Abhaëfësö 4:1

Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.

Abhaëfësö 4:13

Engʼana iyö, neraaghëndërri igho, okohekera hano bhëëtö bhonswe igho, torebha abhamwë ku umukumo ughwëtö, na okomanya Omoona uwa Waryobha. Ntorebha abhakumya bhano bhaahera ku umukumo ughwëtö. Ghwiki ntoraabhe abhantö abha heene kya Kiristo ono arëngë uwa heene.

Abhaëfësö 5:10

Mokore omotono ughwa okomanya na okokora amangʼana ghano ghakushomera Omonene.

Abhaëfësö 5:15

Ku bhuyö mwiyangarre eteemo iyëënyu, motakaabha na eteemo iya ekekangi, kasi mongʼainihe.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Abhafiripi 1:27

Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.

Abhafiripi 4:18

Bhoono ëbhëntö bhyonswe igho bheno mwaahaayë Epafurodito okondeetera, naabhinyöörrë. Kora ëbhëntö bhiyö m-byaru okokera obhohabhë ubhwane. Ekehaheeno kiyö kyabha ikimwenso keno kikurumbaasa bhuuya, keno kikwikërërribhwa na okongʼarra Waryobha.

Abhakorosaai 2:19

Abhantö bhayö, bhaiyahora ukurwa ku-Kiristo ono arëngë omotwe ughwa ömöbhërë. Ukurwa ku-uyö ömöbhërë ghonswe igho nkoraaghëribhwa ghörë, kora ghoroobhanibhwa na imyaho na imiki, ghukiina bhuuya kya bhono Waryobha akutuna.

Abhakorosaai 2:6

Bhoono ko bhoora mwaakumya Kiristo Yëësu igha m-Monene uwëënyu, möghëndërri okobha na öbhömwë nawe.

Abhakorosaai 3:20

Na bhëënyu abhaana, mwighwere abhaibhöri abhëënyu ko-ghonswe igho, ko bhoora okokora igho, nkushomera körë Omonene Yëësu Kiristo.

Abhakorosaai 4:5

Mbe, ni-igha mobhe abhangʼaini ko-teemo iyëënyu hano wanyoora mörëngë hamwë na abhantö bhano bhataraakumya Yëësu. Umweya ghwoghwonswe igho ghono mukunyoora, mokorenga igho.

1 Abhatësarönikë 2:12

Ntwaabhatoghekanga mo-senkoro, torabhatërëmya na okobhakangʼasërrya, okore igha, mokore ghano Waryobha ahanshirë. Waryobha uyö, we akobhabherekera okore mosohe mo-Bhokama na mu-bhuhika ubhwaye.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

2 Timoteo 2:4

Umusirikare umuuya ono akutuna omonene uwaaye ashomerwe, takokora emeremo ighya ubhusirikare na eno araishooghania-mo na gheno ghetarëngë ighya ubhusirikare.

Tiito 3:1

Uhiitökinga abhakumya igha, bhasookenga na ukwighwera abhatangati na abha ubhwera. Bhabhe na eteemo iya okokora amangʼana amaiya.

Tiito 3:14

Abhakumya bharikyëtö bhonswe, bheeghe okokora amangʼana amaiya, okore bhatöörri abhahabhë. Hano bharaakorenga igho, mbaraabhe abhantö abha ubhwera tebhahete bhosa igho hë.

Abhaëbhuraania 11:5

Umukumo, ghwaaghërrë Henooko akangʼaanyibhwa ukurwa ko-kebhara kono igho atakuurë. Tiyaarööshwë na ömöntö ghwiki hë, ko bhoora Waryobha yaamöghëghirë ukughya mu-ryobha. Kora Amaandeko Amahörëëru nkumwimererra gharë igha, enkaagha eno waanyöörrë ataraagheghwa, yaatëghëryanga Waryobha.

Abhaëbhuraania 13:16

Motakeebha okokora amangʼana amaiya na okoghootana tobhe këntö këmwë, ko bhoora ikimwenso kya kiyö, nkyo këkötëghërya Waryobha.

Abhaëbhuraania 13:21

Waryobha abhakore mohekerane ko amangʼana amaiya ghonswe igho, okore mokorenga bhono akutuna. Hayö ho araakore mö-bhëëtö keno kikumushomera ko okohetera ku-Yëësu Kiristo, aghëndërri okobha na ubhuhika ubhwa amakora ghonswe igho. Amina.

2 Peetero 1:8

Hano seteemo siyö seraaiyëngëri kö-bhëënyu, nsebhatöörrya, okore ko amangʼana agha okomanya Omonene uwëëtö Yëësu Kiristo, motakaabha kya ëmëtë gheno ghetakwama.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

1 Yohana 3:22

Kora kyokyonswe igho keno tokomosabha, nkotohaana arë, ko bhoora nkwighwera törë amaraghërryö aghaaye, kora nkokora törë amangʼana ghano ghakumushomera.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

3 Yohana 1:6

Mo-bhantö bhayö waatöörrya, mbo bhaatëëbhya ekanisa iya hano kya bhono ohanshirë bhököngʼu Abhakiristo bharikyaho. Bhoono keno nkökötëëbhya ni-igha, uwe ghëndërrya ökötöörrya abhantö kya bhayö, hano waanyoora bharatuna ukurwa kö-bhëënyu hayö bhaghi ahasë handë. Ko bhoora engʼana iya ökösërëënia iyö, nkushomera ërë Waryobha.