Abhagharatia 5:4 - Imuuma Eehya

⁴ Nyoore nkwitengʼera mörë okobharwa abha heene ko okohetera okoghoota amaraghërryö, hayö momanye igha, noraanyoore bhëënyu abheene momarrë ukutighana na Kiristo. Ghwiki kora noraanyoore n-kebhara mörë iya örööbhö urwa Waryobha.

Abhagharatia 5:4 ပူးပေါင်းရင်းမြစ်များ

Abharuumi 11:6

Örööbhö urwa Waryobha ndo rwaaghërrë akabhaahora, ku bhuyö tomanye igha, tebhakötööribhwa na amangʼana aghaabho ghano bhakokora. Ko bhoora hano okaanyöörrë igha amangʼana aghaabho ghano bhakokora ngo ghakobhatöörya, hayö örööbhö urwa Waryobha terokaabhaayë na ubhwera hë.

Abharuumi 3:20

Ko bhoora taaho ömöntö wowonswe ono akobharwa igha wa heene, ko okoghera iya okoghoota amaraghërryö agha Mosa. Omoremo ughwa amaraghërryö ghayö, nu-kwörökya igha, abhantö bhonswe igho, m-baköri abha ëbhëbhë.

Abhagharatia 2:21

Tentore ukwanga örööbhö urwa Waryobha hë. Nyoore ömöntö nkobharwa arë igha wa heene, ko okoghoota amaraghërryö agha Mosa, bhoono hayö toghambe igha, ukukwa ukwa Kiristo n-kwa bhosa!

Abhagharatia 5:2

Mwitegherre keno öni Pauro nkobhatëëbhya. Ndabhatëëbhya igha, hano moraaikërri okosaarwa ko okoghera iya okoghoota amaraghërryö, Kiristo taabhe na ubhwera bhwobhwonswe bhoora kö-bhëënyu hë.

Abhaëbhuraania 12:15

Mwiyangarre bhököngʼu, ömöntö wowonswe oora atakaabhorwa örööbhö urwa Waryobha. Atakeebhoka-ho ömöntö mö-bhëënyu, ono anga kya umuri ömörörö. Ömöntö kya uyö, naraabhanyanki na ukunyankuhya senkoro isya abhantö abhaaru.

Abhaëbhuraania 4:1

Mbe, ko bhoora rekeeho riraghaniö irya Waryobha, irya okosoha ahasë ahaaye aha ukumuunya, ni-igha twobhohe, okore ömöntö atakaakerwa okosoha-mo.

Okohonyora 2:5

Muhiite ghano mwaakoranga haara mwaankumiri. Mohongore ëbhëbhë ibhyënyu, mokore kya ghaara mwaakörrë ko-nkaagha eera. Hano motaahongore ëbhëbhë ibhyënyu, nindiisha nduusi-ho eketangora ikyënyu ikya okotoora-ko setara.