Abhagharatia 5:3 - Imuuma Eehya

³ Ndabhatëëbhya harabhu igho ghwiki igha, umushaasha wowonswe igho ono araaikërri okosaarwa, ni-igha aghoote amaraghërryö ghonswe igho agha Mosa.

Abhagharatia 5:3 ပူးပေါင်းရင်းမြစ်များ

Mataayo 23:16

“Haahö, bhare abhatangati bhano mörëngë abhahukuru. Ko bhoora nkwëghya mörë abhantö igha, ‘Te-bhoghogho hë, ömöntö ukutyana inyumba iya Waryobha. Kasi obhoghogho, hano araatyane esahaabhu eno iruusiibhwi esadaaka mu-nyumba iya Waryobha, hayö bhoono ni-igha ömöntö uyö, akore kya bhuyö atyanirë.’

Mataayo 23:18

Ghwiki nkwëghya mörë abhantö igha, ‘Te-bhoghogho ömöntö ukutyana rimwensero irya mwi-sengerro irya Waryobha. Kasi obhoghogho, hano araatyane ikimwenso keno kërëngë ku-rimwensero. Hayö bhoono ni-igha ömöntö uyö, akore kya bhuyö atyanirë.’

Ruuka 16:28

akaani abhamura abhëëtö bhataano, bhatakaasha kuusha hano ku-nyaanyi eno.’

Amangʼana agha Abhatomwa 15:1

Enkaagha eno Pauro na Bharinaabha bhaarenga Antiökia iya Siria hayö, bhakaasha-ho abhantö nyabhorebhe, bhano bhaarwërëëyë mo-mokowa ughwa Yudea. Abhantö bhayö, bhakangʼaaraara ukughya hayö bhaabho Pauro bhaarë. Bhakasimya ukwëghya-yo abhakumya eno bharaghamba igha, “Hano motaasaarwe okorengʼaana na seteemo seno twaatëghëëywë na Mosa, temohone hë.”

Amangʼana agha Abhatomwa 2:40

Peetero akaghëndërrya okobhakangʼasërrya amangʼana amaaru, agha okobhakaania na okobharaghërrya. Akabhasaasaama ko okoghamba igha, “Mwikërri Waryobha abhatööri, okore murwe mo-rekora righogho reno, motakaasha ukushibhibhwa.”

Amangʼana agha Abhatomwa 20:21

Naatëëbhyanga Abhayahudi hamwë na Abhayunaani igha, bhahongore ëbhëbhë ibhyaho, bhaashe ku-Waryobha, bhakumi Yëësu Kiristo, Omonene uwëëtö.

Abharuumi 2:25

Okosaarwa ukwaho, nkoraabhe na ubhwera, hano oraakore bhono amaraghërryö agha Mosa ghakutuna. Hano oraabhe omosarya uwa amaraghërryö, okosaarwa ukwaho, tekoona ubhwera bhwobhwonse bhoora hë. Kora hayö nkobha örë kya ono atasaarrwë.

Abhagharatia 3:10

Kasi bhonswe igho bhano bhakwesegha ökötööribhwa ko okokora ghano ghakutunwa na amaraghërryö, bhayö mbaana riragha. Ko bhoora Amaandeko Amahörëëru nkoghamba gharë igha, “Ömöntö wowonswe ono atakoghoota na okokora ghonswe igho ghano ghandëkirwë mo-ketabho ikya amaraghërryö, yaihiimwa.”

Abhagharatia 5:2

Mwitegherre keno öni Pauro nkobhatëëbhya. Ndabhatëëbhya igha, hano moraaikërri okosaarwa ko okoghera iya okoghoota amaraghërryö, Kiristo taabhe na ubhwera bhwobhwonswe bhoora kö-bhëënyu hë.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhaëfësö 4:17

Mbe, keno nkutuna mbatëëbhi ni-igha, mwitegherre bhuuya amangʼana aghaane ghano. Omonene Yëësu Kiristo yaangʼaana ubhwera, ku bhuyö nkobhakaania ndë igha, motakaaghëndërrya okokora amangʼana kya Abhakyaro. Bho nkokora bharë amangʼana bhono abheene bhakutuna. Amaitegherro aghaabho, teghaana ubhwera bhwobhwonswe bhoora hë.

1 Abhatësarönikë 4:6

Ömöntö wowonswe oora atakaasarrya murikyaye ko amangʼana kya ghayö, handë okomongʼaina. Twaabhatëëbhëri na okobhakaania igha, bhonswe igho bhano bhakokora amangʼana kya ghayö, Omonene Yëësu narebhashibhya.

1 Yohana 4:14

Bhëëtö twaamaaha Omoona uwa Waryobha, kora nkötëëbhya törë abhantö abhandë obhoheene igha, Taata Waryobha yaatömirë Omoona uwaaye ko-kebhara kono, okore abhe Ömötöörya uwa abhantö bhonswe igho.