Abhafiripi 4:18 - Imuuma Eehya

¹⁸ Bhoono ëbhëntö bhyonswe igho bheno mwaahaayë Epafurodito okondeetera, naabhinyöörrë. Kora ëbhëntö bhiyö m-byaru okokera obhohabhë ubhwane. Ekehaheeno kiyö kyabha ikimwenso keno kikurumbaasa bhuuya, keno kikwikërërribhwa na okongʼarra Waryobha.

Abhafiripi 4:18 ပူးပေါင်းရင်းမြစ်များ

Amangʼana agha Abhatomwa 10:4

Körönëriö akamaaherra maraika uyö na eno aroobhoha. Akamöbhöörya igha, “Omonene, kana n-kë?” Maraika uyö akamötëëbhya igha, “Okosaasaama ukwaho na ökösërëënia abhatöbhu, kobhaayë ikimwenso ikya okoheetokwa na Waryobha.

Abharuumi 12:1

Bhoono abhakumya bharikyëtö, ko bhoora igha Waryobha abhaayë na amaabhë na bhëëtö, ndabhasaasaama bhököngʼu igha, mwiruusi mobhe kya itugho ëhörëëru iya ikimwenso, eno ikushomera Waryobha. Okokora igho, nko enshera inshiiya iya okosengerra Waryobha.

2 Abhakörintö 11:8

Enkaagha eno naakörrë emeremo kö-bhëënyu hayö, na-makanisa aghandë ngo ghaanhaheeneranga. Yaarenga kya hano naabharuusyanga ëbhëntö ibhyabho, okore mbatöörri bhëënyu.

2 Abhakörintö 9:12

Engʼana iya ökösërëënia eno mokokora, te-ko okoghera iya obhohabhë ubhwa abhahörëëru ukwene igho hë, kasi neraaghere abhantö abhaaru bhatööni Waryobha bhököngʼu.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Abhafiripi 4:12

Keno nkoghamba ni-igha, naamara ukwegha okomenya kinyabhötöbhu, handë kinyabhwamë. Neegha engʼana iya ukwiswa na amangʼana kya bhono gharë, nekaabha enkaagha iya ukweghota handë okoramboka, enkaagha iya okobha na ëbhëntö ibhyaru handë ukusuuhwa na ëbhëntö.

2 Abhatësarönikë 1:3

Abhakumya bharikyëtö, ni-igha tukumi Waryobha senkaagha syonswe igho, ko okoghera iya bhëënyu, ko bhoora umukumo ughwënyu nkoneneha ghörë bhököngʼu, ghwiki okohanshana ukwënyu, nköghëndërrya körë okoneneha.

Abhaëbhuraania 13:16

Motakeebha okokora amangʼana amaiya na okoghootana tobhe këntö këmwë, ko bhoora ikimwenso kya kiyö, nkyo këkötëghërya Waryobha.

1 Peetero 2:5

Momanye igha, bhëënyu bhonswe n-kya amaghena amahöru mörë, mwahaghaashwa mobhe inyumba ëhörëëru. Ghwiki nkobhakora arë mobhe abhasëngëri bhano bhaahööywë okokora ibhimwenso ëbhëhörëëru, bheno bhikushomera Waryobha okohetera ku-Yëësu Kiristo.