Abhafiripi 4:10 - Imuuma Eehya

¹⁰ Mbe, nshömëëywë bhököngʼu ko okoghootana ukwane na Omonene Yëësu, ko bhoora ghwiki mokaambirë musimiri okontemera omotwe. Nemanyirë igha, sinsikö syonswe igho mwaantemeranga omotwe, kasi mokabhorwa enshera iya okonhaheenera.

Abhafiripi 4:10 ပူးပေါင်းရင်းမြစ်များ

2 Abhakörintö 11:9

Enkaagha eno naarë na obhohabhë hano naarë kö-bhëënyu hayö, tenaritöhëëyë ömöntö wowonswe oora hë, ko bhoora abhakumya bharikyëtö bhano bhaaruurë Makedonia, mbaangʼaayë ëbhëntö bheno naatunanga. Nairebherranga, okore ntakaaritohera ömöntö wowonswe oora kö-bhëënyu, na kora ni-igho ndaaghëndërri okokora.

2 Abhakörintö 6:7

na ko okoraareka engʼana iya obhoheene. Nkokora törë amangʼana ghayö, ko obhotoro ubhwa Waryobha, ko okohetera ku-bhyöghë ibhyëtö ibhya obhoheene, ibhya okorekera na ibhya ukwikengerrya.

Abhagharatia 6:10

Mbe, tokorrenga abhantö bhonswe igho amangʼana amaiya, hano wanyoora toona umweya ughwa okokora igho, ekenene nko-bhakumya bharikyëtö.

Abhagharatia 6:6

Ömöntö ono akwëghibhwa engʼana iya Waryobha, keno anyöörrë, atwenera-ko umwëghya uwaaye, amösërëëninga.

Abhafiripi 1:1

Ritashandighi reno nö-öni Pauro ndyandëkirë tohamwë na murikyane Timoteo. Uyö we nkokora hamwë nawe emeremo ighya Kiristo Yëësu. Torandekera abhaimërërri, abhashemaasi, na abhantö abha Waryobha bhonswe igho bhano mörëngë Firipi hayö, bhano mwabha ëkëntö ëkëmwë na Kiristo Yëësu.

Abhafiripi 1:3

Hano nabhahiita nkaagha syonswe igho, nkumya Waryobha, Omonene uwaane.

Abhafiripi 2:30

Ngambirë igho ko bhoora hake yaarë akwe, ko okoghera iya emeremo ighya Kiristo. Ghwiki yaairëëyë ebheraasi öbhöhöru ubhwaye, okore anhikiri öni ekehaheeno keno bhëënyu mwaakërrwë ukukinhikirya ko bhoora hare naarë.