Abhafiripi 3:8 - Imuuma Eehya

⁸ Kora te-ghayö agheene igho hë, kasi nkomaaha ndë igha, kera ëkëntö tekeena ubhwera hë, hano nakerengʼania na ehoorohooro iya okomanya Kiristo Yëësu, Omonene uwaane. Ko bhoora naahaatera ghonswe igho ghayö, ko okoghera iyaaye. Nkoghamaaha ndë igha, ghayö n-kya amatokoore, okore mbe ömöntö uwa Kiristo.

Abhafiripi 3:8 ပူးပေါင်းရင်းမြစ်များ

Ruuka 1:43

Öni n-kë neenakyo! Kora nyakuwaabho Omonene uwëëtö aishirë ökönkëërya?

Ruuka 11:20

Kasi obhotoro ubhwa Waryobha mbwo bhokoghera ndaata amasambwa, ku bhuyö hayö nkwörökya ërë igha, Obhokama ubhwa Waryobha, bhobhahëkërëëyë.

Yohana 14:20

Urusikö roora hano rurihika, hayö ho moremanya igha, öni m-mönsë iya Taata ndë, na bhëënyu bhonswe m-mönsë iyaane mörë, na öni m-mönsë iyëënyu ndë.

Yohana 14:7

Hano mokaammanyirë, Taata wonswe mokaamomanyirë. Ndamanya kora bhoono momomanyirë, kora mwamomaaha.”

Yohana 16:3

Mbaraabhakorre ghayö, ko bhoora bhatamanyirë Taata, na kora öni wonswe tebhammanyirë hë.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 17:8

ko bhoora mbatëëbhëri amangʼana ghonswe igho ghano waantëëbhya, bhonswe bhaghaikërrëëyi. Bhoono bhamanyirë obhoheene igha, nku-uwe naarwa, kora bhakakumya igha nu-uwe waantoma.

Yohana 20:13

Abhamaraika bhayö bhakamöbhöörya igha, “Nyakörö, n-kë obhaayë orakuura?” Akabhahonshora igha, “Abhantö bhaghëghirë ikihundughu ikya Omonene uwaane, kora temanyirë ahasë bhakihirrë hë.”

Yohana 20:28

Toomasi akamohonshora igha, “Omonene uwaane na Waryobha uwaane!”

Amangʼana agha Abhatomwa 20:24

Kora nenkaakwa të-këntö ku-öni hë. Keno këntönëri ni-igha, mmarërri emeremo gheno Omonene Yëësu yaangʼaana okokora. Emeremo ghiyö, ni-ighya okoraarekera abhantö Amangʼana Amaiya agha örööbhö urwa Waryobha.

Abharuumi 8:18

Ku bhuyö inyaanyi iyëëtö iya bhoono igho, të-këntö hë, hano nagherengʼaania na ubhuhika bhono Waryobha aretohaana.

1 Abhakörintö 2:2

Ko bhoora hano naahikirë kö-bhëënyu hayö, tenatunanga mmanye kyokyonswe keera hë, kasi ekenene na-mangʼana agha Yëësu Kiristo, yëë, Yëësu Kiristo ono yaahanëkirwë ko-mosarabha.

1 Abhakörintö 9:10

Kasi m-bëëtö akushumaashera? Ni-igho ërë! Amaandeko ghayö, ngaandëkirwë ko okoghera iya bhëëtö! Ko bhoora ono akorema, nkorema arë aana ubhweseghe igha, naraaghese. Na ono akohoora wonswe, naana ubhweseghe ubhwa ukunyoora ikitweno ikyaye.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

Abhagharatia 1:16

anhonyorre amangʼana agha Omoona uwaaye kya bhono arë. Yaakörrë igho, okore ndaareke Amangʼana Amaiya agha Yëësu Kiristo ko-Bhakyaro. Tenatunirë abhantö abha okondaghërrya keno nkaakörrë.

Abhaëfësö 4:13

Engʼana iyö, neraaghëndërri igho, okohekera hano bhëëtö bhonswe igho, torebha abhamwë ku umukumo ughwëtö, na okomanya Omoona uwa Waryobha. Ntorebha abhakumya bhano bhaahera ku umukumo ughwëtö. Ghwiki ntoraabhe abhantö abha heene kya Kiristo ono arëngë uwa heene.

Abhafiripi 1:1

Ritashandighi reno nö-öni Pauro ndyandëkirë tohamwë na murikyane Timoteo. Uyö we nkokora hamwë nawe emeremo ighya Kiristo Yëësu. Torandekera abhaimërërri, abhashemaasi, na abhantö abha Waryobha bhonswe igho bhano mörëngë Firipi hayö, bhano mwabha ëkëntö ëkëmwë na Kiristo Yëësu.

Abhafiripi 3:10

Nkutuna ndë mmanye Kiristo bhököngʼu, mbe na obhotoro ubhwa ukuryoka ukwaye. Mbe na öbhömwë nawe, nteseke na ukukwa kya igho ghaaikörrë ku-Kiristo.

Abhafiripi 3:12

Öni tinkwihasha igha naamara okokora ghonswe igho ghayö, handë igha Waryobha yaamara okonkora igha m-möntö uwa heene ndë këmwë, ti-igho hë, kasi nkwiköngʼërrya ndë, okore nnyoore ghayö. Ko bhoora ghayö ngo Kiristo Yëësu yaamberekerra.

Abhafiripi 3:7

Kasi, ghonswe igho ghano naitengʼeranga igha ngaana ubhwera, bhoono igho nkoghamaaha ndë igha teghaana ubhwera hë, ko okoghera iya öbhömwë ubhwane na Kiristo.

2 Timoteo 4:6

Nkökötëëbhya ndë ghayö, ko bhoora igha, öbhöhöru ubhwane, haangʼë bhörë bhobhe ikimwenso ku-Waryobha. Enkaagha iya ukukwa ukwane haangʼë ërë.

Abhaëbhuraania 3:14

Ku bhuyö nkoghootana törë hamwë na Yëësu Kiristo, hano twesegha Waryobha kya bhono twaamukumiri, tokamwesegha, töghëndërri ighoigho na okohekera ku-muhiko.

1 Peetero 2:7

Yëësu Kiristo naana ubhwera obhonene kö-bhëënyu bhano mukumukumya. Kasi, ko bhano bhatakumukumya, Amaandeko Amahörëëru gharaghamba igha, “Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba.”

2 Peetero 1:2

Örööbhö na omorembe bhebhe hamwë na bhëënyu bhököngʼu, ko okohetera ko okomanya Waryobha bhaana Omonene uwëëtö Yëësu.

2 Peetero 1:3

Waryobha yaatohaana ghonswe igho ghano tukutuna, okohetera ko obhotoro ubhwaye, okore tobhe na öbhöhöru, kora tomosooke. Yaatohaana ghayö ko enshera iya okomomanya. Ghwiki atöbhërëkëëyë ko okoghera iya ubhuhika na öbhöntö ubhwa heene ubhwaye.

2 Peetero 1:8

Hano seteemo siyö seraaiyëngëri kö-bhëënyu, nsebhatöörrya, okore ko amangʼana agha okomanya Omonene uwëëtö Yëësu Kiristo, motakaabha kya ëmëtë gheno ghetakwama.

2 Peetero 3:18

Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

1 Yohana 1:3

Uyö twaamaaha na ukumwighwa, we tokobharaarekera amangʼana aghaaye. Torabharaarekera, okore mobhe na öbhömwë na bhëëtö ubhwa ukumukumya. Bhëëtö ntoona öbhömwë na Taata Waryobha, bhaana Omoona uwaaye Yëësu Kiristo.

1 Yohana 2:19

Abhantö bhayö, mo-makanisa aghëëtö bhaarwa, kasi tebhaarë na öbhömwë ubhwa heene na bhëëtö hë. Singa bhaarë na öbhömwë ubhwa heene na bhëëtö, mbakaatighaayë kö-bhëëtö. Kasi mbaatanora, ekabha harabhu igho igha, tebhaarë na öbhömwë na bhëëtö hë.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.