Abhafiripi 3:5 - Imuuma Eehya

⁵ Hano naibhööywë, naamarrë sinsikö muhungatë, urwa monaane nkasaarwa. Öni nu-Mwisiraëri ndë, uwa ekesaku ikya Bhenjamini, Umwëbhuraania ekenaina. Ko okoghoota amaraghërryö agha Mosa, öni naaghaghöötirë bhuuya, ko bhoora m-Mofarisaayo naarë.

Abhafiripi 3:5 ပူးပေါင်းရင်းမြစ်များ

Ruuka 1:59

Hano omoona uyö yaahikiri sinsikö monaane, bhakamuhira okosaarwa. Bhaatunanga okomoroka igha Zakaria, iriina irya suwaabho.

Ruuka 2:21

Hano omoona uyö yaahikiri sinsikö monaane, akasaarwa. Bhakamoroka igha Yëësu. Iriina riyö, n-deera yaarökirwë na maraika kora nyakuwaabho ataraamwimökërya enda.

Ruuka 5:38

Idivai eehya, ni-igha etoorwe mo-bheghansha ebhehya.

Amangʼana agha Abhatomwa 22:3

“Öni m-Muyahudi ndë, umwebhorwa uwa mu-mughi ughwa Tariso, mo-mokowa ughwa Kirikia. Kasi Yërusarëëmu hano ho nkënëëyë. Nkëëghibhwa bhuuya na Ghamariëri amaraghërryö ghonswe igho ghano twaategherwa na abhakörö abhëëtö. Naarenga na omotono ko mangʼana agha Waryobha, kya ghono bhëënyu bhonswe igho mukwörökya urusikö urwa reero igha moonagho.

Amangʼana agha Abhatomwa 23:6

Mbe, hano Pauro yaamanyirë igha mu-ribharasa muyö Abhasadukaayo na Abhafarisaayo bhaamo, akakonga igha, “Bhahiiri abhaane, mutighe mbatëëbhi engʼana. Öni m-Mofarisaayo ndë, omoona uwa Omofarisaayo. Keno kekoghera ndabhotorrwa ikiina mo-bharasa hano, nu-bhweseghe ubhwane igha abhaku bhariiryoka.”

Amangʼana agha Abhatomwa 6:1

Ku-sinsikö siyö, abhasoorani abha Yëësu bhaaghëndërrëëyi ukwaruha bhököngʼu. Mo-bhayö bhaarenga-mo Abhayahudi bhano bhaashumaashanga ekeghambo ikya Ikiyunaani, na Abhayahudi bharikyabho bhano bhaashumaashanga Ikiaraamu. Mbe, Abhayahudi abha Ikiyunaani bhakaibhëmbëërya igha, Abhayahudi abha Ikiaraamu tebhatweneranga Abhayahudi abhasinö abha Ikiyunaani ibhyakorya ibhya kera urusikö.

Abharuumi 11:1

Bhoono nköbhöörya ndë igha, Waryobha yaasendeka hayö abhantö abhaaye? A a, ti-igho hë! Öni umwene m-Mwisiraëri ndë, umwebhorwa uwa Ibhurahimu, uwa ekabhira iya Bhenjamini.

2 Abhakörintö 11:22

Nyoore abheene m-Baëbhuraania, öni wonswe m-Mwëbhuraania ndë. Nyoore m-Baisiraëri, öni wonswe m-Mwisiraëri ndë. Nyoore na-bhebhorwa Ibhurahimu, öni wonswe nu-mwebhorwa Ibhurahimu ndë.