Abhafiripi 3:2 - Imuuma Eehya

² Mwiyangarre na abhantö abhaghogho bhano bhakösöhya amaraghërryö agha Mosa mo-kanisa iyëëtö, ko bhoora bhakokangʼasërrya igha, abhantö bhano bhakutuna okobha Abhakiristo ni-igha bhasaarwe.

Abhafiripi 3:2 ပူးပေါင်းရင်းမြစ်များ

Mataayo 24:10

Hayö bhoono ho abhantö abhaaru bharyanga kunkumya. Mbarekorrananga sinikö, na okoreghana abheene ko abheene.

Mataayo 7:15

Yëësu akaghamba igha, “Mwiyangarre ko-mangʼana agha abharööti abha obhorongo. Nkuusha bharë kö-bhëënyu bhahaabhuhirë kya amangʼöndi. Kasi obhoheene ni-igha, mbanga sishuushë sëmbë.

Mataayo 7:6

“Motakaahaana sësëësë ëbhëntö ëbhëhörëëru, ko bhoora nseraaisyöri sebharööni. Kora ghwiki motakaarekerra sëmbëëshë ëbhëntö ibhya öbhöghöri ubhurito, ko bhoora nseraatasheretashere hansë.”

Abharuumi 2:28

Mbe, momanye igha, te-kera ömöntö ono yeebhorwa na Umuyahudi, naraabhe ömöntö uwa Waryobha. Ömöntö taatore okobha ömöntö uwa Waryobha, ko okoghera iya okosaarwa ukwene igho.

2 Abhakörintö 11:13

Ko bhoora abhantö kya bhayö, m-batomwa abha obhorongo, nkokora bharë emeremo kwa ököngʼënërrya, nkwikora bharë igha, m-batomwa abha Yëësu Kiristo.

Abhagharatia 5:13

Bhëënyu abhakumya bharikyëtö, Waryobha yaabhabherekera okore mobhe abhatöönööni. Kasi motakaakora öbhötöönööni ubhwënyu bhobhe ubhwa oronamba urwa ömöbhërë, kasi mötöörraninga, na mohanshanenga.

Abhagharatia 5:15

Kasi nyoore nkoromana mörë na okoraagherana kya matyënyi, mwiyangarre motakaasha kwisikya bhëënyu abheene.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhafiripi 3:19

Abhantö bhayö mbarekamba bhasikibhwi, ko bhoora bhaakora igha, oronamba urwabho ndwo waryobha uwaabho. Amangʼana agha sënsöni ghano bhakokora igha ngo bhakwiheemera. Amangʼana ghano bhakwitegherra na-agha ko-kebhara kono.

Abhafiripi 3:3

Bhëëtö ko bhoheene m-bëëtö abhantö abha Waryobha ko bhoora Umwika Ömöhörëëru nkötötöörrya arë okosengerra Waryobha. Kiristo Yëësu we tukwikumirya na ukwesegha. Titukwesegha amangʼana aghëëtö agha kinyamöbhërë igha ngo ghakotohaana öbhötöörya,

1 Timoteo 1:19

Onaghi umukumo ughwaho, na obhe na amaitegherro amaiya. Abhantö abhandë bhaasera okokora amangʼana ghano bhamanyirë igha n-ga heene, ukwanga okokora ghayö, kwaghera bhaatigha umukumo ughwabho.

Tiito 1:16

Abheene nkoghamba bharë igha, mbamanyirë Waryobha, kasi amangʼana ghano bhakokora nkwörökya gharë igha, nkumwanga bharë. Abhantö bhayö, m-basëësëëbhya abha senkoro, m-batëëyu, tebhaana ubhwera ubhwa okokora amangʼana amaiya hë.

2 Peetero 2:22

Ömöntö uyö, natuubhaini kya oroghero rono bhaarëngëri igha, “Ësëësë ikyörëëyë okorya amaröki aghaayo,” ghwiki oroghero urwöndë nkoghamba rörë igha, “Ëmbëëshë eno yöghiibhwi, eraighaaraghaara ghwiki mo-matoto!” Ni-igho ekobha kö-möntö kya uyö.

Yuuda 1:4

Nkobhandekera ndë ritashandighi reno, ko bhoora igha, bhaaho abhantö nyabhorebhe, bhano bhatakwighwera Waryobha. Abhantö bhayö bhaibhumbura bhughunyi igho mö-bhëënyu. Nkusisa bharë engʼana iya örööbhö urwa Waryobha uwëëtö, okore bhakore amangʼana agha sënsöni, na ukwanga Yëësu Kiristo, umwene igho, we omotangati uwëëtö, Omonene uwëëtu. Kasi ukurwa kare, yaandëkirwë igha, abhantö bhayö mbarebhotorrwa ikiina.

Okohonyora 2:9

Nemanyirë inyanko iyëënyu, na öbhötöbhu ubhwënyu. Kasi obhoheene, bhëënyu m-baamë mörë! Kora nemanyirë kya bhono bhakobhatoka bhayö bhakwibherekera igha m-Bayahudi, kasi te-bho hë. Bhayö na-bhasoorani abha Oghosambwa.

Okohonyora 21:8

Kasi bhoono abhoobha, bhano bhatakukumya Waryobha, bhano bhakösësëëbhya enkoro iya Waryobha, abhaiti, abhasooraare, abhaturutumbi, bhano bhakosengerra ëbhëtöndö, na abharongo, bhonswe igho bhayö, mbaretoorwa mu-nyansha eno ikwibhugha omorro, na ubhurutu ubhwa ikibhiriiti. Na ruyö ndwo uruku urwa kabhërë.”

Okohonyora 22:15

Kasi abhaturutumbi bhonswe igho, abhasooraare, abhaiti abha abhantö, bhano bhakosengerra ëbhëtöndö, na bhonswe igho bhano bhakorongoha, mbarebha kebhara iya umughi ghuyö, kya sësëësë.

Okohonyora 3:9

Motamaaha! Nendaakohaane abhasoorani abha inyumba iya esango iya Oghosambwa, bhano bhakwibherekera igha m-Bayahudi nabho te-Bhayahudi hë, kora m-barongo. Mbe, nendaabhakore bhaashe bhabhatemere hansë ibhiru. Ho bhayö bhonswe igho bhareemanya igha, öni nembahanshirë.