Abhafiripi 3:18 - Imuuma Eehya

¹⁸ Naamara okobhatëëbhya hare kaaru engʼana eno nkutuna okoghamba, tigha ghwiki ngikyorre na eno ndakuura amaisöri, bhaaho abhantö abhaaru, bhano bhakwanga amangʼana agha öbhötöörya ubhwa Kiristo, bhono bhwaamaahekana ko-mosarabha.

Abhafiripi 3:18 ပူးပေါင်းရင်းမြစ်များ

Ruuka 19:41

Hano Yëësu yaahikirë haangʼë na umughi ughwa Yërusarëëmu, bhuyö yaaghörööshë igho, akasimya okoghokorra.

Amangʼana agha Abhatomwa 20:19

Kora hano Abhayahudi abhëëtö bhaankörëëyë inikö, öni naaghömërrëëyi inyanko, ndatighinkanera Omonene Yëësu, m-mara kaaru naakuuranga amaisöri gharaheta.

Abharuumi 9:2

Nkwighwa ndë öbhörrö bhököngʼu, na ukunyahaareka kono kotakohwa röndë mo-nkoro iyaane,

1 Abhakörintö 1:18

Engʼana iya omosarabha ughwa Yëësu Kiristo ko bhano bhakusira, nkomaaha bharë igha, m-bokangi, kasi ko bhano tökötööribhwa, nkomaaha törë igha, engʼana iyö, no-bhotoro ubhwa Waryobha.

1 Abhakörintö 6:9

Kasi, motamanyirë igha abhaköri abha amangʼana amaghogho, tebharerya umwandö ughwa Obhokama ubhwa Waryobha hë? Motakaingʼaina, abhasooraare, handë bhano bhakosengerra ëbhëtöndö, abha sintwara, abhashaasha bhano bhakuturamya abhashaasha bharikyabho,

2 Abhakörintö 11:13

Ko bhoora abhantö kya bhayö, m-batomwa abha obhorongo, nkokora bharë emeremo kwa ököngʼënërrya, nkwikora bharë igha, m-batomwa abha Yëësu Kiristo.

2 Abhakörintö 11:29

Hano ömöntö abhaayë ömötëntëëru, öni wonswe nkobha ndë ömötëntëëru. Hano ömöntö yaghera murikyaye akore ëbhëbhë, öni wonswe nkwighwa ndë öbhörrö.

2 Abhakörintö 2:4

Naabhandëkëëyë ritashandighi reera ko okoghera ukwa inyanko na inyaanyi indito iya amaisöri amaaru këmwë eno naarë nayo mo-nkoro iyaane. Keno naatunanga, ti-igha mobhaabhayere mo-senkoro isyënyu hë, kasi naatunanga momanye kya bhono mbahanshirë bhököngʼu.

Abhagharatia 1:7

Obhoheene ni-igha, teghaaho Amangʼana Amaiya aghandë okokera ghayö hë. Nkoghamba ndë ghayö ko bhoora igha, bhaaho abhantö bhano bhakobhabhurunga. Kora nkutuna bharë igha bhasyöri Amangʼana Amaiya agha Kiristo.

Abhagharatia 2:14

Mbe, hano naarööshë igha tebhakokora bhono obhoheene ubhwa Amangʼana Amaiya bhörë, nkatëëbhya Peetero harabhu igho igha, “Uwe nu-Muyahudi örë, kasi nkokoranga örë amangʼana kya bhono Abhakyaro bhakokora. N-kwakë bhoono ukusingʼirrya Abhakyaro igha bhaghoote seteemo isya Abhayahudi?”

Abhagharatia 2:21

Tentore ukwanga örööbhö urwa Waryobha hë. Nyoore ömöntö nkobharwa arë igha wa heene, ko okoghoota amaraghërryö agha Mosa, bhoono hayö toghambe igha, ukukwa ukwa Kiristo n-kwa bhosa!

Abhagharatia 5:21

rikenge, öbhörëëbhi, obhohoobhaaru hamwë na aghandë ghano gharëngë kya ghayö. Nkobhatëëbhya ndë ghwiki kya bhoora naabhatëëbhëri igha, abhantö bhano bhakokora amangʼana kya ghayö, tebhaana umwandö ghwoghwonswe ghoora mo-Bhokama ubhwa Waryobha hë.

Abhagharatia 6:12

Abhantö bhayö bhakobhasingʼirrya igha mosaarwe, keno bhakutuna no-kosookwa na Abhayahudi. Bharatuna bhaibhashe, okore bhatakaanyankibhwa na Abhayahudi, ko okoghera iya amangʼana ghano bhakoraareka agha omosarabha ughwa Kiristo.

Abhagharatia 6:14

Kasi öni tinkutuna mbe na engʼana iya ukwikumirya hë, kasi nu-kukwa ukwa Omonene uwëëtö Yëësu Kiristo ko-mosarabha. Ko koghera iya ukukwa ukwaye, amangʼana ghonswe igho agha ko-kebhara kono teghaana ubhwera ku-öni hë. Öbhömënyi ubhwane ubhwa kare, bhwakwa hamwë na Yëësu ko-mosarabha.

Abhaëfësö 4:17

Mbe, keno nkutuna mbatëëbhi ni-igha, mwitegherre bhuuya amangʼana aghaane ghano. Omonene Yëësu Kiristo yaangʼaana ubhwera, ku bhuyö nkobhakaania ndë igha, motakaaghëndërrya okokora amangʼana kya Abhakyaro. Bho nkokora bharë amangʼana bhono abheene bhakutuna. Amaitegherro aghaabho, teghaana ubhwera bhwobhwonswe bhoora hë.

Abhafiripi 1:4

Ghwiki hano nabhasabhera, nkobhasabhera ndë nshömëëywë,

1 Abhatësarönikë 4:6

Ömöntö wowonswe oora atakaasarrya murikyaye ko amangʼana kya ghayö, handë okomongʼaina. Twaabhatëëbhëri na okobhakaania igha, bhonswe igho bhano bhakokora amangʼana kya ghayö, Omonene Yëësu narebhashibhya.

2 Abhatësarönikë 3:11

Nkoghamba törë amangʼana ghayö ko bhoora tukwighwa igha, bhaaho abhantö abhatereghanu kö-bhëënyu hayö, bhano bhatakokora omoremo ghwoghwonswe ghoora, kasi keno kebhatönëri na-mangʼana agha abhantö abhandë.

2 Peetero 2:10

Ekenene m-baara abha oronamba oroghogho urwa kinyamöbhërë, bhano bhakosera ubhwera ubhwa Waryobha. Abhantö bhayö, m-baana eteemo iya senkaani na ikiheemere, kora tebhaakoobhoha okotoka ëbhëntö ibhya ubhuhika, bheno bhërëngë mu-ryobha.

Yuuda 1:13

Tebhakwirebherra hë. Bhaabha kya amayengo amanene agha ku-nyansha. Amangʼana aghaabho agha sënsöni ghano bhakokora, gharomaana kya rihuro irya amayengo. N-kya sinyota seno sikwinaaranaara igho, kora teseena ubhwera hë. Waryobha yaabhatoorra-ho emongo iyaabho, ahasë aha ikisuntë ekenene amakora ghonswe igho.