Abhafiripi 3:15 - Imuuma Eehya

¹⁵ Ku bhuyö bhëëtö bhonswe igho abhahangarru abha umukumo, ni-igha twikererrani ko-mangʼana ghayö. Nyoore moona amaitegherro ghano ghatanga kya ghayö ngambirë, Waryobha naraabhahonyorre moghamanye bhono gharë.

Abhafiripi 3:15 ပူးပေါင်းရင်းမြစ်များ

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Ruuka 11:13

Nokaanyoora igha bhëënyu abhantö m-baghogho mörë, kasi momanyirë okohaana abhaana abhëënyu ëbhëntö ibhiiya. Mbe, Taata uwa mu-ryobha, nu-uwa heene, nahanshirë bhököngʼu okohaana abhantö bhano bhakomosabha, Umwika Ömöhörëëru.”

Yohana 6:45

Amaandeko Amahörëëru agha abharööti gharaghamba igha, ‘Abhantö bhonswe igho, mbaryëghibhwa na Waryobha.’ Mbe ömöntö wowonswe igho ono akwitegherra na ukwegha ukurwa ko-Taata, nkuusha arë ku-öni.

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Abharuumi 15:1

Mbe, bhoono bhëëtö bhano toona umukumo ghono ghonaghirë, ni-igha töghömërringa na ökötöörrya bhanyamukumo mötëntëëru. Totakaakora amangʼana ghano ghakötötëghërya bhëëtö abheene igho.

1 Abhakörintö 14:20

Abhakumya bharikyane, motakaabha na amaitegherro kya agha abhaana. Nyakara mobhe abhaana ko mangʼana amaghogho, kasi mo-sehakëri isyënyu, mobhe abhantö abhakörö.

1 Abhakörintö 2:6

Nokaanyoora ni-igho ërë, kasi nkoghamba törë amangʼana agha obhongʼaini ko-bhantö bhano umukumo ughwabho ghwakongʼa, to-bhongʼaini ubhwa ko-kebhara keno hë, handë ubhwa abhatöngi abha ekebhara keno, bhayö m-manshë mahëti.

Abhagharatia 5:10

Ko bhoora igha bhëënyu na-abha Omonene Yëësu mörë, ku bhuyö nemanyirë igha, timwikërri okongʼainwa hë. Kyokyonswe igho keno keraabhe, kasi ömöntö uyö akobhangʼaina narishibhibhwa.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

1 Abhatësarönikë 4:9

Bhoono, tërëngë igha tobhandekere amangʼana agha okohanshana, ko bhoora bhëënyu abheene mwëghibhwa na Waryobha kya bhono ikutunwa mohanshane.

2 Timoteo 3:17

Amaandeko ghayö, nkösëëmya gharë ömöntö uwa Waryobha okore atore okokora amangʼana amaiya ghyonswe igho.

Abhaëbhuraania 5:14

Kasi abhantö bhakörö, bho ni-bhyakorya ëbhëköngʼu bhakorya. Abhantö bhayö bhëëghibhwa, bhamanya ukwahora amangʼana amaghogho na amaiya.

1 Yohana 2:5

Kasi ömöntö ono akosooka engʼana iya Waryobha, uyö we aishööyë righonshe irya Waryobha. Ni-igho tokomanya igha ntoona öbhömwë na Waryobha.