Abhafiripi 3:11 - Imuuma Eehya

¹¹ Nkutuna ndë amangʼana ghayö, okore mbe mo-bhantö bhaara Waryobha ariryökya ukurwa mo-bhaku.

Abhafiripi 3:11 ပူးပေါင်းရင်းမြစ်များ

Ruuka 14:14

Hayö ho oraangʼoorwe, ko bhoora bhayö, tebhaana ëkëntö ikya ukukukyörrya hë. Kasi Waryobha we arekohaka ko-nkaagha eno ariryökya abhantö abha heene.”

Yohana 11:24

Maarita akamohonshora igha, “Öni nemanyirë igha, nariryoka ko-nkaagha iya ukuryoka ukwa abhantö ku-rusikö urwa umuhiko.”

Amangʼana agha Abhatomwa 23:6

Mbe, hano Pauro yaamanyirë igha mu-ribharasa muyö Abhasadukaayo na Abhafarisaayo bhaamo, akakonga igha, “Bhahiiri abhaane, mutighe mbatëëbhi engʼana. Öni m-Mofarisaayo ndë, omoona uwa Omofarisaayo. Keno kekoghera ndabhotorrwa ikiina mo-bharasa hano, nu-bhweseghe ubhwane igha abhaku bhariiryoka.”

Amangʼana agha Abhatomwa 26:7

Riraghaniö riyö irya ukuusha ukwa Kiristo, ndyo amakabhira aghëëtö ghonswe igho ikömi na abhërë ghakwitengʼera igha nderebha. Kiyö nkyo kekoghera bharasaasaama Waryobha ko motono ubhutikö na omobhasö. Ore omokama Aghiripa, engʼana iyö, yo ikibhuno ikya Abhayahudi ukunshongera ku-uwe hano!

Amangʼana agha Abhatomwa 27:12

Ekeghobho kiyö, ti-kiiya kyaarë hë, ko-nkaagha iya embeho. Ku bhuyö ekaghera abhantö abhaaru mu-ryato riyö, bhaikërërrani igha, bhaghëndërri na oroghendo hanga bhakaatöörrë ukuhika mo-keghobho ikya Föinikë keno kërëngë, kwi-ghinga irya Kerete. Ekeghobho kiyö, kemaaherraini na sembareka isya syömya na nyansha, ghöösi na nyansha, ku bhuyö mbakaaikaayë iyö, okohekera hano ribhagha irya embeho rekaahëtirë.

Abharuumi 11:14

kasi ko okohetera ko-meremo ighyane ghiyö, nkwitengʼera ndë igha, Abhaisiraëri mbaraabhe na inyonta iya ukunyoora öbhötöörya kya bhono bhëënyu mwaanyoora, okore abhandë mo-Bhaisiraëri muyö, bhatööribhwi.

1 Abhakörintö 15:23

Kasi kera ömöntö ko-nkaagha iyaaye, Yëësu Kiristo we omotangi, bhararoobhera-ko abhantö abhaaye hano ariisha.

1 Abhakörintö 9:22

Ko bhanyamukumo mötëntëëru, nkabha kya ono neena umukumo mötëntëëru, okore mbatöörri. Naakora ghayö ghonswe igho, ko-bhantö bhonswe igho, okore kwa nshera yoyonswe eera, ntööri abhandë mo-bhantö bhayö.

1 Abhakörintö 9:27

Kasi nö-möbhërë ughwane nkunyankya, kora ndairebherra, okore ntakaasha okomara okoraarekera abhandë, öni umwene nangwe.

2 Abhakörintö 11:3

Kasi bhoono neena entarëki igha, kya bhono Hawa yaangʼainirwë na inshoka engʼaini eera, na bhëënyu bhonswe motakaangʼanwa, mutighe hayö okohansha Kiristo, kwa ubhwihöötu na kwa enkoro inshiiya.

1 Abhatësarönikë 3:5

Ho yaahikirë-ho enkaagha eno naakërrwë ököghömërrya, nkatoma Timoteo kö-bhëënyu, okore mmanyërri amangʼana agha umukumo ughwënyu. Naakörrë igho, ko bhoora naakanyanga igha, handë umushaashi uwa amangʼana oora aratora okobhashaashya na okobhasirya. Hayö ho bhoono emeremo ghyonswe igho gheno twaakörrë kö-bhëënyu, ghekaahëtirë bhosa igho.

2 Abhatësarönikë 2:3

Motakaikërrya ömöntö wowonswe oora abhangʼaine ko-ngʼana yoyonswe eera, ko bhoora urusikö ruyö urwene teroraahika hë. Tangata sinsikö sihike isya abhantö abhaaru okoteeya bhököngʼu ku-Waryobha, na hano ömötëëyu omonene aremaahekana. Umuhiko ughwa ömötëëyu uyö, nu-kusikibhwa këmwë.

2 Timoteo 4:8

Bhoono keno kitighaayë, no-kohaanwa ikirighi ikya heene. Omonene Yëësu, ono akobhotora ibhiina ubhwa heene, narekengʼaana urusikö roora arikyora. Tö-öni umwene igho hë, kasi na abhandë bhonswe igho bhano bhakwitengʼera bhököngʼu ukukyora ukwaye.

Abhaëbhuraania 11:35

Umukumo, ghwaaghërrë abhakari nyabhorebhe, bhakanyoora ghwiki abhantö abhaabho bhano waanyöörrë bhaakwa kasi bhakaryoka. Abhandë mbaanyahaarrwë bhököngʼu, kora bhakaitwa, kasi tebhaikërëëyi okotashorwa, ko bhoora bhaaitengʼeranga igha, Waryobha nakaabharyökëri, okore bhanyoore öbhöhöru ubhwa ubhwera.

Okohonyora 20:5

(Abhaku abhandë tebhariryoka hë, okohekera hano imyoka ëkëkwë ëkëmwë gherehwa.)