Abhafiripi 2:9 - Imuuma Eehya

⁹ Ku bhuyö Waryobha yaamuryökëri, kora akamokora abhe ighörö, okokera ëbhëntö bhyonswe igho, ko okomohaana iriina rinene okokera amariina ghonswe igho,

Abhafiripi 2:9 ပူးပေါင်းရင်းမြစ်များ

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

Mataayo 28:18

Mbe, Yëësu akabhasuntarra, akabhatëëbhya igha, “Waryobha angʼaayë ubhwera bhwonswe igho ubhwa mu-ryobha na ko-kebhara kono.

Ruuka 10:22

Ho ghwiki Yëësu yaabhatëëbhëri igha, “Taata Waryobha, angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha, nkutuna igha mbahonyorre.”

Yohana 13:3

Yëësu yaamanyirë igha, Taata yaamohaayë ubhwera ubhwa okotangata ëbhëntö bhyonswe igho. Ghwiki yaamanyirë igha nku-Waryobha yaarwa, kora ghwiki narikyora ku-Waryobha.

Yohana 17:11

Öni tënkërëngë ghwiki ko-kebhara kono hë, nku-uwe nkuusha. Kasi abheene mbaraaghëndërri okobha ko-kebhara kono. Taata Ömöhörëëru, obharende ko obhotoro ubhwa iriina iryaho reno waangʼaana, okore bhabhe ëkëntö ëkëmwë kya bhono öni na uwe törëngë këntö ëkëmwë.

Yohana 17:12

Hano naarenga hamwë nabho, naabharendanga ko obhotoro ubhwa iriina iryaho reno wangʼaana. Nkabhanaghya bhuuya, taaho kora ömwë ono yaasira mo-bhayö, kasi n-ditamwe irya ukusira reera iryene igho, okore Amaandeko Amahörëëru ghahekerane.

Yohana 17:5

Bhoono Taata, ndasabha wöröki abhantö ubhuhika ubhwane bhono naarenabho, enkaagha eno twaarë hamwë, kora ekebhara keno ketaraabhombwa.

Amangʼana agha Abhatomwa 5:31

Akamuriinia, akamohaana obhonene ko okomotoora orobhareka urwaye urwa bhoryo, ahasë aha okosookwa, abhe Ömötöngi na Ömöhönia uwa abhantö. Waryobha yaakörrë igho, okore Abhaisiraëri, bhahongore ëbhëbhë ibhyaho, bhaabherwe.

Abhaëfësö 1:10

Ësëëmyö iyaaye ni-igha hano enkaagha inshiiya irihika, naretoora hamwë ëbhëntö bhyonswe igho, ibhya mu-ryobha na ibhya ko-kebhara kono, kora akore Kiristo Yëësu abhe omotangati uwa ëbhëntö bhiyö.

Abhakorosaai 1:18

We omotwe ughwa ömöbhërë, ekanisa yo ekobherekerwa igha, ömöbhërë. Ensonga iya engʼana iyö ni-igha, we okosemoka ukwa ekanisa, ghwiki we uwa mbere ukuryoka ukurwa mo-bhaku, okore abhe omonene uwa ëbhëntö bhyonswe igho.

2 Abhatësarönikë 1:12

Ni-igho tokosabha, okore iriina irya Omonene uwëëtö Yëësu, rëtöönibhwinga okohetera kö-bhëënyu. Kora bhëënyu mötöönibhwinga ko okoghera iya Yëësu. Ghayö ngarebha ko okoghera iya örööbhö urwa Waryobha uwëëtö, na urwa Omonene Yëësu Kiristo.

Abhaëbhuraania 1:4

Mbe, Waryobha yaakora Omoona uwaaye uyö, abhe Omonene okokera abhamaraika, ko bhono yaamohaana iriina reno reena ubhwera, okokera irya abhamaraika.

Abhaëbhuraania 1:9

Uwe nohanshirë amangʼana agha obhoheene, nörëghirë obhoghogho bhonswe igho. Ku bhuyö Waryobha, Waryobha uwaaho, akohakirë amaghuta agha ukushomerwa, okore obhe omonene okokera bharikyaho.”

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

Abhaëbhuraania 2:9

Kasi nkomaaha törë Yëësu Kiristo ono ku-ribhagha ike igho, Waryobha yaamokora abhe omoke okokera abhamaraika. Uyö we yaatoorrwa ko-motwe ikirighi ikya ubhuhika na okosookwa, ko okoghera iya ököghömërrya öbhörrö ubhwa uruku. Waryobha yaakörrë igho, okore kö örööbhö urwaye, Yëësu akwe ko okoghera iya ökötöörya abhantö bhonswe igho.

1 Peetero 3:22

Yëësu Kiristo yaaghëëyë mu-ryobha, na bhoono igho, naikaayë okobhoko ukwa bhoryo ubhwa Waryobha, ahasë hano hakosookwa bhököngʼu. Nkotonga arë abhamaraika, ëbhëntö ëbhëtöngi bhyonswe igho, na bheno bheena obhotoro.

2 Peetero 1:17

Bhëëtö hamwë twaarenga na Yëësu ku-nguku ëhörëëru, hano yaasöökirwë kora akahaanwa ubhuhika ukurwa ko-Taata Waryobha. Enkaagha iyö, yo twaaighuurë engamba iya ubhuhika obhonene, ararwa mu-ryobha ku-Waryobha umwene, ekaghamba igha, “Ono no-Moona uwaane omoghonshe, we aköntëghërya bhököngʼu.”

3 Yohana 1:7

Abhantö bhayö, mbaasimiri oroghendo urwa ukutighinkanera Yëësu Kiristo, bhataana ekehaheeno ukurwa ko abhantö bhano bhatakukumya Yëësu Kiristo.

Okohonyora 1:5

na ukurwa ku-Yëësu Kiristo umwimërërri uwa heene. Uyö we yaaryökiibhwi mbere, okore abhe omokama uwa abhakama bhonswe igho ko-kebhara. Yëësu Kiristo natohanshirë, kora yatotashora ukurwa mö-bhëbhë ibhyëtö ku ukutukwera.

Okohonyora 11:15

Mbe, maraika uwa muhungatë akahuuta orotera urwaye. Ho naaighuurë sengamba sindito mu-ryobha iyö, seno syaaghambanga igha, “Öbhötöngi ubhwa ekebhara bhobhaayë mo-mabhoko agha Omonene Waryobha uwëëtö na Kiristo uwaaye ono yaashaaghööyë ökötöörya abhantö. Omonene Waryobha, naraatonge amakora ghonswe igho.”

Okohonyora 19:16

Ömöntö uyö, yaarë na iriina ryandëkirwë ko-ngansho orobhareka urwa ku-kiimo ikyaye igha, omokama uwa abhakama, omonene uwa abhanene.

Okohonyora 3:21

Ömöntö wowonswe ono arekera amangʼana ghayö, nindimwikërrya aikare hamwë na öni ku-kitumbë ikyane ikya ekekama, kya bhono öni wonswe naakërrë, nkaikara na Taata ku-kitumbë ikyaye ikya ekekama.

Okohonyora 5:12

Nkabhaitegherra bhararëëtya bhököngʼu igha, “Omoona Ringʼöndi ono yaashinshwa, aingʼarëëyi okohaanwa obhotoro, ubhwamë na obhongʼaini. Singuru, okosookwa, ubhuhika na sinkuma ni-bhyaye!”