Abhafiripi 2:8 - Imuuma Eehya

⁸ Mbe, hano yaabhaayë na ekesosa ikya ömöntö, akaihoota, akaighwera Waryobha, kora akaikërrya ukukwa, uruku urwa ko-mosarabha!

Abhafiripi 2:8 ပူးပေါင်းရင်းမြစ်များ

Mataayo 17:2

Hano waanyöörrë bhakëërëngë ku-nguku kuyö, Yëësu akaisyörya ekesosa ikyaye. Ubhusyö ubhwaye, bhokarabherra kya iryobha, na singibho isyaye, sekamekameka kya emerengaari ighya iryobha.

Mataayo 26:39

Akasuntara mbere hake igho, akairekera hansë bhubhuumaayë, akasaasaama Waryobha igha, “Taata, hano oraanyoore obhotoro bhooho, unduusiri-ho engʼana eno, kasi otakaakora kya bhono öni nkutuna, okore bhono uwe ukutuna.”

Mataayo 26:42

Mbe, ghwiki Yëësu akabhatigha hayö, akaghya-yo ghwiki urwa kabhërë, akasaasaama Waryobha igha, “Taata, nyoore n-këköngʼu ukunduusirya-ho engʼana eno, kora bhono ukutuna.”

Ruuka 9:29

Hano yaahikirë iyö, akasimya okosaasaama Waryobha. Enkaagha eno yaasaasaamanga, ituubho iyaaye ekaisyörya. Singibho isyaye sekarabherra shaa, sekamekameka bhököngʼu.

Yohana 10:18

Taaho ömöntö ono akotora ukunduusya öbhöhöru ubhwane. Nö-öni umwene nkwiruusya öbhöhöru ubhwane. Öni neena obhotoro ubhwa ukwiruusya öbhöhöru ubhwane, ghwiki neena obhotoro ubhwa okobhoghegha. N-Taata umwene ono yaantoma we yaandaghërrya okokora igho.”

Yohana 14:31

Ghano nkokora n-gano Taata yaantëëbhya igha nkore, okore abhantö bhonswe igho bhamanye igha nemohanshirë. “Bhoono, mwemoke toghende.”

Yohana 15:10

Hano moraaghoote imighiro ighyane, moraaikare mu-righonshe iryane. N-kya hano öni naaghöötirë imighiro ighya Taata, nkaikara mu-righonshe iryaye.

Yohana 4:34

Yëësu akabhahonshora igha, “Ibhyakorya ibhyane no-kokora bhono ono yaantömirë akutuna igha nkore, kora mmarërri emeremo ighyaye.

Amangʼana agha Abhatomwa 8:33

Bhaamösërrë, kora tebhaamöbhötörrëëyë ikiina ikyaye ubhwa heene hë. Taaho ömöntö ono akaatörrë ukushumaashera amangʼana agha rekora ryaye, ko bhoora nko-kebhara kono yaaitëëywë.”

Abharuumi 5:19

Kya bhoora igha, ömöntö ömwë yaangirë ukwighwera Waryobha, akaghera abhantö bhonswe igho bhakabha abhaköri abha ëbhëbhë, ni-ighoigho kora ömöntö ömwë ono yaaighwërëëyë Waryobha, yaaghera abhantö abhaaru bhakabharwa igha m-ba heene.

2 Abhakörintö 8:9

Bhëënyu mmomanyirë örööbhö urwa Omonene uwëëtö Yëësu Kiristo igha, nokaanyoora m-mwamë yaarë, kasi yaaikërëëyi abhe ömötöbhu ko okoghera iya bhëënyu, okore mwamehe ko okohetera kö-öbhötöbhu ubhwaye.

Abhagharatia 3:13

Kiristo yaatutungurya ukurwa mu-riragha irya amaraghërryö, yaakörrë igho, ko okoghegha riragha riyö ko okoghera iya bhëëtö, ko bhoora Amaandeko Amahörëëru gharaghamba igha, “Ömöntö wowonswe igho ono ahanëkirwë ko-mosarabha, yaihiimwa.”

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.

Abhaëbhuraania 12:4

Nokaanyoora moona omotono ughwa okobhaaha ëbhëbhë, kasi temoraitana riihë na ëbhëbhë okohekera ukukwa ukwënyu.

1 Peetero 2:24

Yëësu yaaghëghirë ëbhëbhë ibhyëtö kö-möbhërë ughwaye, kora akahanekwa ko-mosarabha. Yaakörrë igho, okore ëbhëbhë bhetakaatobhaaha ghwiki, okore tobhe na öbhömënyi bhono bhökötëghërya Waryobha. Bhëëtö twaahona ko okohetera okotemwa ukwaye.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.