Abhafiripi 2:6 - Imuuma Eehya

⁶ Nokaanyoora igha we yaarenga na eteemo yonswe igho iya Waryobha, kasi yaarööshë igha, ti-bhuuya ukukundirrya engʼana iyö.

Abhafiripi 2:6 ပူးပေါင်းရင်းမြစ်များ

Mataayo 1:23

“Tamaaha, omokari intindë narimökya enda, eebhore omoona uwa ikishaasha! Narerokwa iriina igha Emanueri.” Ensonga iyaako igha, “Waryobha hamwë arë na bhëëtö.”

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 10:30

Öni na Taata, n-këntö këmwë törë.”

Yohana 10:33

Abhayahudi bhakahonshora igha, “Titukutuna okokotema na amaghena ko okoghera iya okokora amangʼana amaiya hë, kasi n-ko bhono okotoka Waryobha. Kora oraighamba igha n-Waryobha örë, na mbe m-möntö örë kya abhandë!”

Yohana 10:38

Kasi oraanyoore ndakora emeremo gheno Taata akokora, nokaanyoora öni timukunkumya hë, kasi mukumi emeremo ghiyö. Okohetera ko-meremo ghiyö, ho moraamanye igha, Taata naana öbhömwë na öni, na öni wonswe, nneena öbhömwë na Taata.”

Yohana 14:28

Mwaaighwa ghano naabhatëëbhëri igha, ‘Nkughya ndë, kasi nindiisha ghwiki kö-bhëënyu.’ Singa monhanshirë, mokaashömëëywë ko bhoora nko-Taata nkughya, na Taata uyö, m-Monene okonkera.

Yohana 14:9

Yëësu akamohonshora igha, “Kerenga naabha hamwë na bhëënyu ribhagha ryangʼana hayö Firipö, tuwakaammanyirë hë? Ömöntö ono andööshë, uyö n-Taata arööshë, bhoono n-kwakë ököntëëbhya igha, ‘Utwöröki Taata?’

Yohana 17:5

Bhoono Taata, ndasabha wöröki abhantö ubhuhika ubhwane bhono naarenabho, enkaagha eno twaarë hamwë, kora ekebhara keno ketaraabhombwa.

Yohana 20:28

Toomasi akamohonshora igha, “Omonene uwaane na Waryobha uwaane!”

Yohana 5:18

Ko okoghera iya amangʼana ghayö Yëësu yaaghambirë, abhatangati abha Abhayahudi bhakasimya ukutuna enshera iya ukumwita. Te-ko okoghera iya obhosarya ubhwa urusikö urwa Obhotooro ubhwene igho, kasi na ko bhoora yaaghambanga igha, Waryobha n-Suwaabho. Ku bhuyö bhakamaaha igha, nkwirengʼaania arë na Waryobha.

Yohana 5:23

Yaakörrë igho, okore abhantö bhonswe igho bhasooke Omoona kya bhono bhakosooka Taata. Ömöntö ono atakonsooka öni Omoona, uyö takosooka Taata ono yaantoma.

Abharuumi 9:5

Abhaisiraëri bhayö, mbo bhaasëmökirë ukurwa ko-bhakörö abhaabho, bhaabho Ibhurahimu, Isaaka na Yaakobho. Kinyabhantö, Kiristo m-Mwisiraëri yaarë. Kiristo ono arëngë igha we Waryobha Omonene uwa bhyonswe igho, akumibhwi amakora ghonswe igho! Amina.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

2 Abhakörintö 8:9

Bhëënyu mmomanyirë örööbhö urwa Omonene uwëëtö Yëësu Kiristo igha, nokaanyoora m-mwamë yaarë, kasi yaaikërëëyi abhe ömötöbhu ko okoghera iya bhëënyu, okore mwamehe ko okohetera kö-öbhötöbhu ubhwaye.

1 Timoteo 1:17

Mbe, Waryobha we Omokama ono ataana umuhiko, takukwa hë, takomaahekana hë, taaho ono arëngë kya umwene uyö hë. Asookwenga na ökötöönibhwa amakora na amakora. Amina.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

Abhaëbhuraania 1:3

Uyö we emerengaari ighya ubhuhika ubhwa Waryobha. Kora we ituubho iya heene iya bhono Waryobha arë. We akoghera ëbhëntö bhyonswe igho bheraghëndërrya okobha kya igho bhërë, ko okohetera engʼana iyaaye iya obhotoro. Yaatosaabhuura ëbhëbhë ibhyëtö, akaghya mu-ryobha, akaikara bhoryo ubhwa Waryobha uwa obhotoro, ahasë hano hasookwa bhököngʼu.

Abhaëbhuraania 1:6

Hano yaarëëtirë Omoona uwaaye umumwëmwë ko-kebhara kono, yaaghambirë igha, “Abhamaraika abhaane bhonswe igho, bhamosengerrenga.”

Abhaëbhuraania 1:8

Kasi ko mangʼana agha Omoona uwaaye, yaaghambirë igha, “Uwe Waryobha, öbhötöngi ubhwaho mboraabhe ubhwa amakora na amakora, kora noraatongenga abhantö bhwaheene.

Abhaëbhuraania 13:8

Yëësu Kiristo no-oora oora, isho, reero, na amakora ghonswe igho.

Okohonyora 21:6

Ghwiki akantëëbhya igha, “Ghahekeraini! Öni nö-öni Esemoko na Umuhiko, nö-öni nkosemora amangʼana ghonswe igho na okoghamarërrya. Kera ömöntö ono aana inyonta, nendaamohaane amanshë agha bhosa anywe, ghano ghakurwa mo-bheseekaani ibhya amanshë agha öbhöhöru.