Abhafiripi 2:29 - Imuuma Eehya

²⁹ Umukumya murikyënyu ono uwa Omonene Yëësu, ni-igha mömösërëëni mushömëëywë bhököngʼu. Mosookenga abhantö, bhano bhanga kya ono.

Abhafiripi 2:29 ပူးပေါင်းရင်းမြစ်များ

Ruuka 9:5

Na umughi ghoghonswe ghono abhantö abha muyö bhataabhasërëëni, murwe-mo na okokongʼonta urutu urwa ko-maghörö aghëënyu, okore robhe ekemanyërryö ikya ukwanga ukwabho.”

Yohana 13:20

No-bhoheene nkobhatëëbhya igha, ömöntö ono akwikërrya ono ntömirë, uyö nö-öni ukunyoora aikërëëyi. Na ono akunyikërrya, nkunyoora örë aikërëëyi Taata ono yaantoma.”

Amangʼana agha Abhatomwa 2:46

Bhaasikananga mo-bhogho ubhwa risengerro irya Waryobha sinsikö syonswe igho. Bhaasanganga omokaate mu-sinyumba isyabho, na okorya hamwë ibhyakorya bhashömëëywë mo-senkoro isyabho.

Amangʼana agha Abhatomwa 28:10

Abhantö bhayö, bhakatosooka bhököngʼu. Hano enkaagha yaahëtirë, tokatanora, bhakatomanörrya ëbhëntö bhyonswe igho bheno twaatunanga ko-roghendo urwëtö.

Amangʼana agha Abhatomwa 8:8

Ku bhuyö, abhantö abha mu-mughi ughwa Samaaria, bhakashomerwa bhököngʼu.

Abharuumi 10:15

Ghwiki iyakë abhantö bharaaghi okoraareka engʼana iyö igho bhatatömirwë? N-kya bhono Amaandeko Amahörëëru ghakoghamba igha, “Hano omoraarëki uwa Amangʼana Amaiya agha Waryobha ahikirë, abhantö nkushomerwa bharë!”

Abharuumi 16:2

Ndasabha mömösërëëni bhuuya, ko bhoora m-mukumya uwa Omonene Yëësu Kiristo. Ökösërëënia, yo engʼana eno ikutunwa igha ekorwe na abhakumya abha Yëësu Kiristo. Ghwiki nkobhatëëbhya ndë igha, hano oraanyoore aana obhohabhë bhwobhwonswe bhoora, ni-igha mömötöörri, ko bhoora umwene wonswe, yaatöörrya abhantö abhaaru, kora öni wonswe yaantöörrya.

1 Abhakörintö 16:10

Hano Timoteo arihika hayö, muushe kömösërëënia bhuuya, okore atakaabha na entarëki yoyonswe eera, ko bhoora nkokora arë emeremo ighya Omonene kya bhono öni wonswe nkoghekora.

1 Abhakörintö 16:18

Nkoghamba ndë igho, ko bhoora bhaghërrë nkasambaaroka mo-nkoro iyaane, ndamanya na bhëënyu bhonswe mosambaarokire mo-senkoro isyënyu. Mbe, abhantö kya bhayö mobhasërëëninga.

2 Abhakörintö 10:18

Tërëngë igha ömöntö ono akwihasha umwene we akwikërribhwa na Omonene Waryobha, kasi no-oora Omonene Waryobha umwene akukumya, uyö we akwikërribhwa nawe.

2 Abhakörintö 7:2

Motohaane umweya mo-senkoro isyënyu, ko bhoora titwasarrya ömöntö wowonswe oora hë, taaho ono twaanyahaara ko engʼana nyabhorebhe, handë okomongʼaina.

Abhafiripi 2:28

Ku bhuyö nehanshirë bhököngʼu igha, mmotome aashe kö-bhëënyu, hano moraamomaahe ghwiki, mushomerwe, enkoro iyaane etereme.

Abhakorosaai 4:10

Arisitariko, ono arëngë hamwë na öni mo-kebhohe mono, arabhakëërya. Maariko, mubhyara uwa Bharinaabha, wonswe nkobhakëërya arë. Hano arihika kö-bhëënyu iyö, mömösërëëni bhuuya kya bhono naaraghërrya.

1 Abhatësarönikë 5:12

Bhoono abhakumya bharikyëtö, torabhasabha igha, mosookenga bhaara bhakobhatöörrya, na eno bharabhatangata na okobhaghambera ku ubhwera ubhwa Omonene Yëësu.

1 Timoteo 5:17

Abhaghaaka abhatangati abha ekanisa bhano bhakwimererra bhuuya ekanisa, bhasookwenga na bhakorrwenga bhuuya, ekenene, abha omotono ughwa okoraareka engʼana iya Waryobha na ukwëghya abhantö.

Abhaëbhuraania 13:17

Mwighwere abhatangati abhëënyu, kora mobhasooke. Bhayö n-senkoro isyënyu bhakunyankera, ko bhoora mbo bhareghamba amangʼana aghëënyu mbere iya Waryobha. Mobhaighwere, okore bhakorenga emeremo ighyabho bhashömëëywë. Bhatakaabhaabhayeranga, ko bhoora hano bharaabhaabhayere, timunyoore ehoorohooro yoyonswe igho hë.

3 Yohana 1:10

Ku bhuyö hano ndiisha iyö, nendehonyora harabhu igho amangʼana aghaaye ghano akokora. Keno akokora, no-kotoghamba bhoghogho ko amangʼana agha obhorongo agha akutushabhura. Te-ghayö agheene igho hë, kora takösërëënia abhakumya bharikyëtö bhano ukunyoora bharëngë ko-roghendo. Kora ghwiki nkokaania arë abhantö abha mo-kanisa bhano bhakutuna ökösërëënia abhakumya bharikyëtö bhayö. Abhakumya bhano bhakobhasërëënia, nkobharughya arë ukurwa mo-kanisa.