Abhafiripi 2:25 - Imuuma Eehya

²⁵ Bhoono nkomaaha ndë igha, m-buuya ntome Epafurodito kö-bhëënyu, we nu-mukumya murikyane, nkokora arë emeremo ighya Waryobha hamwë na öni. Ntoona omotono kya abhasirikare ku ukwitanera Amangʼana Amaiya. Ghwiki uyö, we mwaatömirë ku-öni, aashe ukuntighinkanera, na ököntöörrya ëbhëntö bheno bhikunsuuha.

Abhafiripi 2:25 ပူးပေါင်းရင်းမြစ်များ

Yohana 13:16

No-bhoheene nkobhatëëbhya igha, omoghorwa, taatore okobha omonene kokera omonene uwaaye. Omotomwa, te-monene okokera ono amötömirë.

Yohana 17:18

Kya bhono waantoma ko-kebhara kono, ni-ighoigho na öni wonswe nkobhatoma ko-kebhara kono.

Abharuumi 16:3

Mönkëërri abhaköri abha emeremo bharikyane, bhaabho Purisika bhaana mushaasha uwaaye Akiira. Bhayö bhonswe m-baköri abha emeremo abha Kiristo Yëësu.

Abharuumi 16:9

Mönkëërri Urubhano ömököri uwa emeremo murikyëtö ku-Yëësu Kiristo, mönkëërri na Sitaaku omoghonshe uwaane.

1 Abhakörintö 3:9

Nkoghamba ndë igho ko bhoora bhëëtö m-baköri abha emeremo abha Waryobha törë, na ömöghöndö ughwa Waryobha, m-bëënyu, kora m-bëënyu inyumba iyaaye.

2 Abhakörintö 2:13

Kasi öni tenaighuurë bhuuya mo-nkoro iyaane hë, ko bhoora ntanyöörrë-ho Tiito, umukumya murikyane. Ku bhuyö nkaragha abhantö abha Tiroa hayö, nkatanora, ukughya Makedonia.

Abhafiripi 2:26

Mmohaayë umweya aashe kobhamaaha, ko bhoora nkwighomba arë amaahane na bhëënyu bhonswe igho. Kora ghwiki enkoro iyaaye eraighwa bhoghogho ko bhoora mwaaighwa igha m-mörööyë yaarë kobhanga.

Abhafiripi 4:18

Bhoono ëbhëntö bhyonswe igho bheno mwaahaayë Epafurodito okondeetera, naabhinyöörrë. Kora ëbhëntö bhiyö m-byaru okokera obhohabhë ubhwane. Ekehaheeno kiyö kyabha ikimwenso keno kikurumbaasa bhuuya, keno kikwikërërribhwa na okongʼarra Waryobha.

Abhafiripi 4:3

Kora uwe ömöntö uwa heene, ömököri uwa emeremo murikyane, ndakosabha ötöörri abhakari abhabhërë bhayö, bhabhe ikiina ëkëmwë. Bhayö bhonswe igho bhabhërë, mbaarë na omotono bhököngʼu hamwë na öni ughwa okoraareka Amangʼana Amaiya agha Yëësu Kiristo ko-bhantö. Ghwiki abhakari bhayö, mbaakörrë emeremo hamwë na Kërëmënti na abhantö abhandë, abhaköri abha emeremo bharikyane. Amariina agha abhantö bhayö bhonswe igho, ngaandëkirwë mo-Ketabho ikya Öbhöhöru.

Abhakorosaai 1:7

Amangʼana Amaiya ghayö mwëëghibhwa na Epafura. Epafura uyö, m-moghonshe uwëëtö, ömököri uwa emeremo murikyëtö, kora m-möntö uwa heene, ko okokorra Kiristo emeremo ko okoghera iya bhëëtö.

Abhakorosaai 4:11

Kora Yëësu oora akobherekerwa igha Yusito, wonswe nkobhakëërya arë. Mo-Bhayahudi bhano bhaakumya Kiristo, m-bano abheene igho, mbo bhakokora emeremo ighya Obhokama ubhwa Waryobha hamwë na öni. Nköntöörrya bharë bhököngʼu.

1 Abhatësarönikë 3:2

kasi totome murikyëtö Timoteo, okore aashe abhatogheke mo-senkoro isyënyu, na okobhatërëmya ku-mukumo ughwënyu. Timoteo uyö, nö-mököri uwa emeremo murikyëtö uwa Waryobha ko okoraareka Amangʼana Amaiya agha Kiristo.

Firimoni 1:24

Kora abhaköri abha emeremo bharikyane, Maariko bhaana Arisitariko, Dema na Ruuka, bhonswe bharakökëërya.

Abhaëbhuraania 3:1

Mbe, bhëënyu abhakumya abhahörëëru bharikyane, bhano Waryobha yaashaaghora igha mobhe abhantö abhaaye, mwitegherre bhuuya amangʼana agha Omotomwa Yëësu Kiristo, ono arëngë Omonene uwa abhasëngëri uwa umukumo ghono tukwikërrya.