Abhafiripi 2:21 - Imuuma Eehya

²¹ Ngambirë igho, ko bhoora abhandë bho na-mangʼana aghaabho agheene ghabhatönëri, kasi amangʼana ghano Yëësu Kiristo akutuna ghakorwe, teghabhatönëri hë.

Abhafiripi 2:21 ပူးပေါင်းရင်းမြစ်များ

Mataayo 16:24

Ho Yëësu yaamarrë akatëëbhya abheegha abhaaye igha, “Ömöntö wowonswe ono akutuna igha ansoorane, ni-igha aikaane umwene, aiteeke omosarabha ughwaye, ansoorane.

Ruuka 14:26

“Ömöntö wowonswe ono akuusha igha abhe umwegha uwaane, anhanshe öni, okokera bhono ahanshirë suwaabho, nyakuwaabho, mokaaye, abhaana abhaaye, bhamura abhaabho, na bhaisëkë abhaabho. Kora okokera bhono aihanshirë umwene.

Amangʼana agha Abhatomwa 13:13

Ho Pauro na bharikyaye bhaatanööyë ukurwa Pafo hayö, bhakariina mu-ryato, bhakaghya mu-mughi ghono ghwaabherekerwanga igha Perighe, mu-kyaro ikya Pamfiria. Yohana Maariko akabhatigha hayö, akakyora Yërusarëëmu.

Amangʼana agha Abhatomwa 15:38

Kasi Pauro akamaaha igha, ti-bhuuya bhahinane na Maariko, ko bhoora yaabhatighirë mu-kyaro ikya Pamfiria, akaanga ököghëndërrya okokora nabho emeremo.

1 Abhakörintö 10:24

Ömöntö atakaatönibhwa na ehoorohooro iyaaye umwene igho hë, kasi atönibhwi na ehoorohooro iya murikyaye.

1 Abhakörintö 10:33

Mobhe kya öni bhono nkötëghërya abhantö bhonswe igho, ko amangʼana ghonswe igho ghano nkokora. Tenkokora igho ko okoghera iya ehoorohooro iyaane, kasi n-ko okoghera iya ehoorohooro iya abhantö abhaaru okore bhatööribhwi.

1 Abhakörintö 13:5

Ömöntö uwa righonshe, taana ekemoghoro hë, takwitegherra na ukutuna amangʼana aghaaye agheene igho hë, takorerra bhöngö hë, handë okobheeka mo-nkoro iyaaye amangʼana amaghogho ghano abhantö bhakomokorra.

2 Abhakörintö 1:5

Mbe, kya bhono tukunyoora inyanko insharu ko okoghera iya Yëësu Kiristo, ni-ighoigho Waryobha arëtöghösörrya bhököngʼu okohetera ku-Yëësu Kiristo.

Abhafiripi 2:4

Kera ömöntö, atakaaroonerra amangʼana aghaaye umwene igho hë, kasi ni-igha aroonerre kora agha abhandë.

2 Timoteo 1:15

Uwe nomanyirë igha, abhantö bhonswe igho abha mo-mokowa ughwa Asia Enke bhantigha. Mo-bhayö, bhaamo bhaabho Fughero na Herimoghene.

2 Timoteo 3:2

Senkaagha siyö, abhantö mbariihansha, mbarebha na oronamba urwa seehera, mbarebha abhaihashi, mbarebha na ikisiraani, mbarebha abha amatöki, tebharesookanga abhaibhöri abhaabho hë, tebharebha na umukumo hë, handë okosooka Waryobha.

2 Timoteo 4:10

ko bhoora Dema, yaantigha. Dema uyö, yaahansha amangʼana agha ko-kebhara kono, akamaaha igha aghende mu-mughi ughwa Tësarönikë. Kiresike, yaghëëyë mo-mokowa ughwa Gharatia, na Tiito, yaghëëyë mo-mokowa ughwa Darimatia.

2 Timoteo 4:16

Hano naaimërëëyë urwa mbere ukwikoorerra öni umwene mo-bharasa haara, tiyaare-ho ömöntö kora ömwë, ono yaarë orobhareka urwane, bhonswe igho mbaantighirë. Ndasabha Waryobha atakaabhagherra obhosarya ko engʼana iyö.