Abhafiripi 2:2 - Imuuma Eehya

² mbe, mohekerani ukushomerwa ukwane! Mobhe na ubhwighwerrani na mohanshane bhëënyu abheene ko abheene. Mobhe ëkëntö ëkëmwë mo-senkoro isyënyu na mo-maitegherro aghëënyu.

Abhafiripi 2:2 ပူးပေါင်းရင်းမြစ်များ

Yohana 3:29

Umwenga nu-uwa ömötëti. Kasi omosaani uwa ömötëti, ono akwimerra haangʼë na ömötëti, na ukwighwa bhono akoghamba, nkushomerwa arë bhököngʼu hano yaighwa engamba iya ömötëti. Ku bhuyö kono nko ukushomerwa ukwane, kono kwahekerana.

Amangʼana agha Abhatomwa 1:14

Bhayö bhonswe igho, mbaikomanianga hamwë hayö, okosaasaama Waryobha, kö-bhömwë ubhwabho, hamwë na bhaabho Maryamu, nyakuwaabho Yëësu, na abhakari abhandë, na bhamura abhaabho Yëësu.

Amangʼana agha Abhatomwa 2:1

Hano inyangi iya Abhayahudi yaahikirë, eno bhaabherekeranga igha Pentekosite, waanyöörrë abheegha abha Yëësu bhonswe igho, bhaikomaini hamwë.

Amangʼana agha Abhatomwa 2:46

Bhaasikananga mo-bhogho ubhwa risengerro irya Waryobha sinsikö syonswe igho. Bhaasanganga omokaate mu-sinyumba isyabho, na okorya hamwë ibhyakorya bhashömëëywë mo-senkoro isyabho.

Amangʼana agha Abhatomwa 5:12

Abhatomwa abha Yëësu bhaahaaywë obhotoro ubhwa okokora amakono na ebhemanyërryö ibhyaru mo-bhantö. Na abhakumya abha Yëësu bhonswe igho, mbaaikomanianga hamwë mu-risengerro irya Waryobha. Ahasë hayö bhaaikomanianga, haabherekerwanga igha, Ëghösöryö iya Seremaani.

Abharuumi 12:16

Mobhe ikiina ëkëmwë. Motakaabha na ikiheemere, kasi mwisuuhi mobhe na öbhömwë na abhantö bhano bhakoserwa. Motakaimaaha igha, m-bangʼaini mörë bhököngʼu.

1 Abhakörintö 1:10

Abhakumya bharikyane, ndabhasaasaama okohetera iriina irya Omonene uwëëtö Yëësu Kiristo igha, mobhe na ubhwighwerrani, hayö ho moraabhe ëkëntö ëkëmwë. Mwangarre motakaahokana, kasi mobhe ëkëntö ëkëmwë, bhanyakiina ëkëmwë.

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

2 Abhakörintö 2:3

Kiyö nkyo kyaaghërrë nkabhandekera igha, tiniishe hë, okore enkoro iyaane, etakaabhaabhayera ko okoghera iya abhantö bhano nkwesegha igha, bhakaaghërrë nshomerwe. Nemanyirë igha, öni hano nashomerwa, na bhëënyu bhonswe nkushomerwa mörë.

2 Abhakörintö 7:7

Ti-igha ntwaashömëëywë ku ukuusha ukwa Tiito ukwene igho, kasi na kya igho mwaamöröörësëri. Yaatötëëbhëri kya bhono mukwighomba okommaaha, na kya bhono mokobhaabhayera, na omotono ughwënyu ghono moonagho ko okoghera iya öni. Ghayö ngo ghakörrë nshömëëywë bhököngʼu.

Abhafiripi 1:4

Ghwiki hano nabhasabhera, nkobhasabhera ndë nshömëëywë,

Abhafiripi 2:16

Moghoote na okoraareka engʼana iya Waryobha eno ekobhahaana öbhöhöru ubhwa amakora ghonswe igho. Mokore igho okore nishekomaaha ikuughë urusikö roora Kiristo arikyora, ko bhoora emeremo gheno naatönirë okokora mö-bhëënyu, tighyaheta bhosa hë.

Abhafiripi 2:20

Ko bhoora teneena ömöntö uwöndë ono akobhaighwera bhörrö heeneheene kya Timoteo.

Abhafiripi 4:2

Nkobhasaasaama ndë bhököngʼu Ewodia na Sintike igha, mwighwerrane, mobhe ikiina ëkëmwë, ko bhoora bhëënyu bhonswe igho, m-basoorani abha Omonene Yëësu mörë.

Abhakorosaai 2:5

Nokaanyoora tëndëngë hamwë na bhëënyu kinyamöbhërë, kasi enkoro iyaane hamwë ërë na bhëënyu. Nkushomerwa ndë ko bhoora mmanyirë igha, nköghëndërrya mörë okobha na öbhömwë, na umukumo ughwënyu ngotashirë sehaama ku-Kiristo.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

2 Timoteo 1:4

Nkuhiita ndë bhoora waakuurrë amaisöri, roora twaatighaini. Nkwighomba ndë bhököngʼu igha, hano tokamaahana ghwiki, okore nshomerwe bhököngʼu.

Firimoni 1:20

Bhoono umukumya murikyane, nkorra engʼana iyö ko okoghera iya Omonene Yëësu. Nkëndya enkoro iyaane kya wamwëtö ku-Kiristo.

2 Yohana 1:4

Naashömëëywë bhököngʼu ukwighwa igha, abhaana abhaaho abhandë mbanaghëri obhoheene, kya bhono Taata Waryobha yaatoraghërrya.

3 Yohana 1:4

Teeho engʼana eno ikunshomera bhököngʼu, okokera ukwighwa amangʼana igha, abhaana abhaane abha ku-mukumo, nköghëndërrya bharë bhuuya okobha na öbhömënyi ubhwa heene.