Abhafiripi 2:19 - Imuuma Eehya

¹⁹ Hano Omonene Yëësu araahanshe, ndaitengʼera okotoma Timoteo aashe kö-bhëënyu iyö bhöngö hano, okore hano arikyora, antëëbhi amangʼana aghëënyu, enkoro iyaane esambaaroke.

Abhafiripi 2:19 ပူးပေါင်းရင်းမြစ်များ

Mataayo 12:21

Ghwiki we Abhakyaro bharyesegha.”

Amangʼana agha Abhatomwa 16:1

Mbe, Pauro akahika mu-mughi ghono ghwaabherekerwanga igha Dëribhë. Hano yaaruurë-mo, akaghya mu-mughi ughwöndë ghono ghwaabherekerwanga igha Risitira. Mu-mughi muyö, yaare-mo umwegha uwa Yëësu ono yaabherekerwanga igha Timoteo. Nyakuwaabho m-Muyahudi ono yaarenga akumiri Omonene Yëësu, kasi suwaabho, m-Muyunaani yaarë.

Abharuumi 15:12

Kora ömörööti Isaaya wonswe yaaghambirë igha, “Mu-bhuhiiri Yeese ömöntö aryebhoka-mo, ono areetonga amakabhira ghonswe igho, uyö we abhantö abha ibhyaro bhyonswe igho, bharyesegha igha arebhatöörya.”

Abharuumi 16:21

Morakëëribhwa na Timoteo ömököri uwa emeremo murikyane. Kora Abhayahudi bharikyane bhaabho Ruukiyö, Yasööni na Söösipatiro, bhonswe nkobhakëërya bharë.

1 Abhakörintö 4:17

Ku bhuyö ntömirë Timoteo, omoona uwaane omoghonshe ku umukumo ghono tokosanga nawe, m-möntö uwa heene ko-meremo ighya Omonene. Uyö we araabhahiitöki amangʼana aghaane kya bhono nkosoorana Yëësu Kiristo. Naraabhatëëbhi kya bhono nkwëghya kera ahasë mo-makanisa ghonswe igho.

Abhaëfësö 1:13

Hano na bhëënyu bhonswe mwaaighuurë engʼana iya obhoheene iya Amangʼana Amaiya agha bhono Waryobha akobhahönia, mokaikërrya. Waryobha akabhatoorra-ko umuhuri ughwaye. Eharama iyö, nu-Mwika Ömöhörëëru ono Waryobha yaabhahaana kya bhoora yaaraghaini igha, nakaabhahaayë. Yaakörrë igho, ukwörökya igha, bhëënyu bhonswe m-bantö abhaaye mörë.

Abhafiripi 1:1

Ritashandighi reno nö-öni Pauro ndyandëkirë tohamwë na murikyane Timoteo. Uyö we nkokora hamwë nawe emeremo ighya Kiristo Yëësu. Torandekera abhaimërërri, abhashemaasi, na abhantö abha Waryobha bhonswe igho bhano mörëngë Firipi hayö, bhano mwabha ëkëntö ëkëmwë na Kiristo Yëësu.

Abhafiripi 2:18

Bhëënyu bhonswe mushomerwe bhuyöbhuyö, kora mukirirri hamwë na öni.

Abhafiripi 2:28

Ku bhuyö nehanshirë bhököngʼu igha, mmotome aashe kö-bhëënyu, hano moraamomaahe ghwiki, mushomerwe, enkoro iyaane etereme.

1 Abhatësarönikë 3:2

kasi totome murikyëtö Timoteo, okore aashe abhatogheke mo-senkoro isyënyu, na okobhatërëmya ku-mukumo ughwënyu. Timoteo uyö, nö-mököri uwa emeremo murikyëtö uwa Waryobha ko okoraareka Amangʼana Amaiya agha Kiristo.

1 Abhatësarönikë 3:5

Ho yaahikirë-ho enkaagha eno naakërrwë ököghömërrya, nkatoma Timoteo kö-bhëënyu, okore mmanyërri amangʼana agha umukumo ughwënyu. Naakörrë igho, ko bhoora naakanyanga igha, handë umushaashi uwa amangʼana oora aratora okobhashaashya na okobhasirya. Hayö ho bhoono emeremo ghyonswe igho gheno twaakörrë kö-bhëënyu, ghekaahëtirë bhosa igho.

2 Abhatësarönikë 1:3

Abhakumya bharikyëtö, ni-igha tukumi Waryobha senkaagha syonswe igho, ko okoghera iya bhëënyu, ko bhoora umukumo ughwënyu nkoneneha ghörë bhököngʼu, ghwiki okohanshana ukwënyu, nköghëndërrya körë okoneneha.

2 Timoteo 1:12

Kiyö nkyo kekoghera ndanyanka. Kasi tenkosookera inyanko iyö hë, ko bhoora nemanyirë ono naakumya. Ghwiki nemanyirë igha, amangʼana agha obhoheene ghano Yëësu Kiristo yaangʼaana, nkogharenda arë bhuuya okohekera urusikö roora arikyora.

Yaakobho 4:15

Mutighenga okoghamba igho, kasi moghambenga igha, “Hano Omonene Waryobha araahanshe igha tobhe abhahöru, ntoraakore ëkëntö nyabhorebhe.”

1 Peetero 1:21

Bhëënyu nkukumya mörë Waryobha, okohetera ku-Yëësu Kiristo. Waryobha, we yaamuryökëri ukurwa mo-bhaku, akamohaana ubhuhika. Kiyö nkyo kekoghera morakumya Waryobha na ukumwesegha.