Abhafiripi 2:15 - Imuuma Eehya

¹⁵ okore mobhe abhaana abharöngë abha Waryobha, bhano bhataana risoro. Ghwiki bhano motakoghambwa bhoghogho mo-bhantö abha reero eno, bhano bhaishora amaghogho na obhorangara. Bhëënyu momaahekane mo-bhantö bhayö, kya emerengaari gheno ghëkömërëkya ekebhara.

Abhafiripi 2:15 ပူးပေါင်းရင်းမြစ်များ

Mataayo 10:16

Yëësu akaghëndërrya ukushumaasha na abheegha abhaaye, akabhatëëbhya igha, “Mwangarre, okobhatoma kono nkobhatoma mo-bhantö, n-kya hano amangʼöndi ghaahirwa mu-sishuushë ghatë. Ku bhuyö ni-igha mongʼainihe kya inshoka. Ghwiki ni-igha mobhe abhahaabhu kya ibhighuuti.

Mataayo 17:17

Yëësu akabhahonshora igha, “Bhëënyu nde-kora reno ryatimbooshoka, kora temoona umukumo hë! Nendaaikare na bhëënyu ndabhaghömërrya okohekera rööhë? Momondeetere hano.”

Mataayo 5:45

Mbe, hano moraakore igho, neraamahekane igha, m-maheene na-bhaana abha Waryobha Taata uwëëtö uwa mu-ryobha mörë. Ko bhoora omobhasö ughwa Waryobha, nkobharra ghörë abhantö abhaghogho, na abhantö abha heene. Na imbura iyaaye, nkutwera ërë abhantö bhonswe igho, mbakaabha abhaghogho handë abha heene.

Mataayo 5:48

Mbe, mobhe abharöngë kya Suwëënyu uwa mu-ryobha bhono arëngë uwa heene.”

Ruuka 1:6

Bhonswe igho bhabhërë bhayö, m-bantö abha heene bhaarë ku-Waryobha. Na ko okoghoota amaraghërryö na imighiro ighya Waryobha, tebhaarë na isoro hë.

Ruuka 6:35

“Kasi bhëënyu, mohanshe abhabhisa abhëënyu, mobhatöörringa. Mohaanenga abhantö isiirë motakwitengʼera igha, moreehakwa. Hayö ho murituhwa ituho enene, na hayö ho moraabhe abhaana abha Waryobha ono arëngë kighörö iya bhyonswe igho. Ko bhoora Waryobha, m-buuya akokorra abhakora amaghogho, na bhano bhataana umukumo.

Yohana 5:35

Yohana Omobhatiisya yaarenga kya etara eno ekooka na ökömërëkya mu-kisuntë, na bhëënyu mwaashëngëëyë obhorabhu bhuyö ku-ribhagha ike igho.

Amangʼana agha Abhatomwa 2:40

Peetero akaghëndërrya okobhakangʼasërrya amangʼana amaaru, agha okobhakaania na okobharaghërrya. Akabhasaasaama ko okoghamba igha, “Mwikërri Waryobha abhatööri, okore murwe mo-rekora righogho reno, motakaasha ukushibhibhwa.”

Amangʼana agha Abhatomwa 20:30

Kora mö-bhëënyu monomono, mbaryebhoka-mo abhantö bhano bharëtëëya amangʼana agha obhoheene okore bhangʼöröngʼööbhi Abhakiristo, bhabhasoorane.

Abharuumi 16:19

Abhantö bhonswe igho bhaighwa igha, m-baighwa mörë. Engʼana iyö nkunshomera ërë bhököngʼu. Nkutuna ndë mobhe na sehakëri isya okokora amangʼana amaiya, motakaabha na risoro irya amangʼana amaghogho.

1 Abhakörintö 1:8

Waryobha naraabhatogheke okohekera urusikö urwa umuhiko, okore amasoro ghatakaasha okotooka kö-bhëënyu urusikö ruyö, urwa Omonene uwëëtö Yëësu Kiristo.

2 Abhakörintö 6:17

Ku bhuyö Omonene Waryobha yaaghambirë igha, “Murwe mo-bhantö bhayö, mwitashe hare nabho. Motakaakunia ëkëntö ikinyanku, hayö bhoono ho ndaabhasërëëni.

Abhaëfësö 5:27

okore anyoore ekanisa inshiiya, ëhörëëru, eno etaana risoro ryoryonswe reera.

Abhafiripi 1:10

okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

Abhafiripi 3:6

Naarenga na omotono ko-mangʼana ghaara naakanyanga igha, ngo Waryobha akutuna, ku bhuyö nkateesa Abhakiristo. Ko obhoheene ubhwa okoghoota amaraghërryö, tenaarenga na risoro ryoryonswe igho hë.

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

1 Timoteo 3:10

Bhayö bhonswe, ni-igha tangata bhashaashibhwi. Hano oraanyoore igha m-buuya bharë, bhakore emeremo ghiyö.

1 Timoteo 3:2

Mbe, umwimërërri uwa ekanisa, ni-igha abhe ömöntö ono atakotemwa amasoro. Abhe umushaasha nyamokari ömwë igho, airebherrenga, ömöntö uwa obhongʼaini, ono akosookwa, omohaani, abhe ömöntö ono amanyirë ukwëghya abhantö engʼana iya Waryobha.

1 Timoteo 5:14

Bhoono öni nkutuna ndë igha, abhasinö bhano bhataraaghota, bhatetwenga, bheebhore, bhatughe imighi ighyabho, okore umubhisa uwëëtö wowonswe oora, atakatoghamba bhoghogho.

1 Timoteo 5:20

Kasi abhaghaaka abha ekanisa bhano bhaköghëndërrya okokora ëbhëbhë, obhakaani harabhu igho abhandë bhonswe bhaighwe, okore bhoobhohe.

1 Timoteo 5:7

Amangʼana ghayö ghonswe igho ötëëbhi abhakumya, okore bhatakaasha okotemwa amasoro.

Tiito 1:6

Omoghaaka omotangati uwa ekanisa, ni-igha abhe ömöntö ono atakotemwa amasoro. Abhe umushaasha nyamokari ömwë igho, abhe na abhaana abhakumya, bhano bhatarë abhamangarru, handë bhano bhatakwighwa.

Tiito 2:10

Bhatakaabheebheranga, kasi bhabhe abhantö abha heene, okore eteemo iyaabho irute abhantö, bhashomerwe na amëëghyö agha Waryobha Ömötöörya uwëëtö.

Tiito 2:15

Mbe, bhoono wëëghinga abhantö amangʼana ghayö ghonswe igho. Oona ubhwera bhwonswe igho ubhwa okotogheka na okokaania abhantö, ku bhuyö, otakaaserwa na ömöntö wowonswe oora.

Abhaëbhuraania 7:26

Omonene uwa abhasëngëri kya uyö, we akutunwa kö-bhëëtö, ko bhoora m-möhörëëru, taana isoro hë, taana obhoghogho hë, hare arë na ëbhëbhë, yaainyökibhwa ukughya mu-ryobha.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

1 Peetero 2:9

Kasi bhëënyu no-roghanda urwahorwa mörë, abhasëngëri abha Obhokama, rikomo irya abhahörëëru, abhantö abha Waryobha umwene, okore moraarekenga amangʼana amarito agha Waryobha. We yaabhabhërëkëëyë murwe mu-kisuntë, mosohe mo-bhorabhu ubhwaye obhonene bhono bhököröghöörya.

2 Peetero 3:14

Ku bhuyö abhaghonshe abhaane, enkaagha eno mokeghanya urusikö ruyö, mokorenga omotono ughwa okobha na enkoro inshiiya bhököngʼu, motakaabha na risoro ku-Waryobha, kora mobhe na omorembe.

Okohonyora 2:5

Muhiite ghano mwaakoranga haara mwaankumiri. Mohongore ëbhëbhë ibhyënyu, mokore kya ghaara mwaakörrë ko-nkaagha eera. Hano motaahongore ëbhëbhë ibhyënyu, nindiisha nduusi-ho eketangora ikyënyu ikya okotoora-ko setara.

Okohonyora 3:9

Motamaaha! Nendaakohaane abhasoorani abha inyumba iya esango iya Oghosambwa, bhano bhakwibherekera igha m-Bayahudi nabho te-Bhayahudi hë, kora m-barongo. Mbe, nendaabhakore bhaashe bhabhatemere hansë ibhiru. Ho bhayö bhonswe igho bhareemanya igha, öni nembahanshirë.